كلكم دخلوا المتزوجات والي مو متزوجات بشوف اراءكم بهالموضوع

اشلونكم يا حلوات
حابه اسولف معاكم واسألكم صارت معاكم ؟
تزوجتي شخص وماطلعت فيه المواصفات الي تبينها وشفتي واحد من اهله او ربعه وتزوج وسبحان الله يطلع هالشخص فيه كل المواصفات الي تبينها ومسوي زوجته دهينه لا تنكتين وحاطها على كفوف الراحه من سكن مريح ومعامله زينه وسفرات ودلال على الاخر ويطلع بالضبط مثل ما كنتي تتمنين
هل صارت معاكم واذا صارت تتحسرين على عمرج ؟
وسؤال حق الي مو متزوجات
حبيتي واحد من الاهل وتمنيتي من كل قلبج انه يكون من نصيبج وطلع هالحب من طرف واحد وهالشخص خطب وتزوج غيرج شنو يكون موقفج حزتها ؟
طبعا هالاشياء صارت حق بنات اعرفهم بس حابه اعرف اراءكم

بالحالة الاولى : أتعوذ من الشيطان وابليس وارضى بقسمتي لان من البداية انا اللي وافقت على هالنصيب واستغفر رب العالمين دايما بالاضافه الى ان كل شخص في عيوب ومميزات واكيد زوجي في مميزات مع العشرة بشوفها وبكتشفها.

الحالة الثانية : بما اني انسانة مؤمنة برب العالمين فلازم اعرف ان ربي كاتبلي نصيبي قبل ولادتي بتكون ردة فعلي ان ادعي الله ان يرزقني بشخص احسن منه ، وبنفس الوقت اتمناله كل خير مع البنت اللي أخذها.

حياج يا قلبي والله يتمم عليج بعقلج وتفكيرج الراقي
يلا خل نشوف باجي الحلوات

والله الزواج قسمة ونصيب ممكن تصير بس اللي راح تفتح باب مقارنة ماراح تعيش فلازم اقتنع وارضى بنصيبي وعسى الله يوفق الجميع بالنسبة للموضوع الثاني مافي نصيب الله يوفقة ويهنيه ويرزقني بولد الحلال الوحده لازم تفكر عدل يعني مافي بهالبلد غير هالولد انساه واتمنى ان الله يعوضني باللي احسن منه وعلى نياتكم ترزقون

حياج يا قلبي نورتي الموضوع

ehya esalfa kelha qesma o na9eeeb methel ma galaw el khawat

ana 3an nafsy bel 7ala el owla bate3awath men ebleees laish enah sha6er eb hathy el swalf eheheh

ama bel 7ala el thanya, fa bema eny mo2mena bel qesma o el na9eeb ra7 agool alla ewafgah o ywafegny

اللي تقارن بينها وبين الناس بتصير عينها ضيجة وماراح تقنع بلي عندها فلو شفت احد من اهل ريلي فيه المواصفات اللي ابيها او غيرها بقول الله يهنيه ويوفقه وانا راضية بنصيبي لأن هذا اللي الله كاتبه لي

وبالنسبة للوضع الثاني ..
انا متزوجة

وماحبيت احد من اهلنا الحمدلله
وان صار هشي وتزوج أكيد بتمناله اهوه واللي خذاها كل خير خو كل من ياخذ نصيبه الأكيد انه نصيبها مو نصيبي ..

الحاله الاولى اقول مشاءالله عشان الي يقول هالكلمه الله يعوضه بدل الحسد والغيره
الحاله الثانيه تعور القلب اشوا ماصارتلي بس حلاته الريال الي يحط عينه موالبنت

بالنسبة للحالة الاولى : الزواج قسمة ونصيب والي الله كاتبلي ياه فيه الخير حقي ولازم الوحدة فينا ماتقارن ريلها بغيره عشان كل واحد فيه الشين والزين، لان انا ماارضى ريلي يقارني بوحده ثانية فيها شي احسن مني وترى اصابع ايدج مو سوى ولا تعتقدين انج كاملة وفيج كل الصفات الزينة يمكن هالمرة الي مدلعها ريلها اهي فيها شي يحببه فيها ويخلي يعامله زين يعني قصدي الريل يعامل مرته مثل م ااهي تعامله يعني الخطأ منج مو منه

الحالة الثانية: الزواج قسمة ونصيب وعسىى ان تكرهوا شيئا وهو خير لكم وعسى ان تحبوا شيئا وهو شر لكم

الموقف الاول
لامامريت فيه
بالنسبه لي ريلي احسن اهله بعيني ممع خالص حبي واخترامي لهم
بس لاني احبه اشوفه الاحسن بعيني

وبالنسبه للثانيه
انتفت
ماعندنا احد بسني او اكبر كله يهال

اول سؤال الحمدلله كل واحد ياخذ نصيبة.. وانا ريلي بعيوني ماكومثلة..لأني منقيتة من بين كل الرياييل
واللي اشوف في شي اتمناه مو في ريلي ادعي ربي ان يغيره..لأن لايرد القضاء الا الدعاء….وهم لم اشوف شي عجبني في شخص وهالشي مو في ريلي أو ماعنده دايما اقول الحمدلله واللي عطاهم يعطينا ويرزقنا خيرا مما رزقهم..وماكو شي على الله عزيز..والواحد يبذل السبب ويلقى النتيجة باذن الله.

اما اسؤال الثاني..لوكانت صايرة هم كنت راح اتمنى له الخير..مثل ما اتمناه حق عمري..وأقول لاخير الا فيما اختاره الله

المقارنه بينج وبين الناس جداً صعبه بكل شيء

اما بخصوص الموضوع الثاني اكيد بزعل وابجي وووو ……الخ بس خيرتي ارضى بالنصيب شسوي !!!!!!!!!!!!!!

حياكم يا قلبي نورتوا بس لاتحسبون ان الموضوع يخصني انا عندي رفيجتي مسكينه صارت لها السالفتين حبت واحد من الاهل وكانت تتمناه بس خطب غيرها
وعقب تزوجت وزوجها زين شين وقاعده تشوف ولد عم ريلها اشلون مدلل مرته وعلى قولتها فيه كل الصفات الي كانت تتمناها ومع الاسف مو موجوده بزوجها وهي صديقتي ماعليها قصور حلوه وجسم وكشخه بس دايما تقول انا مالي حظ وزوجه ولد عم ريلها مو ذاك الزود وفيها نحاسه وغيره شوي من صديقتي مع انه زوجها مدللها ومسويها يادهينه لاتنكتين بس لان رفيجتي دايما يمدحون لبسها وكشختها ومكياجها بس الي حارها ان ريلها معطيها طاف لايمدح ولا شي شوي جاف مع انه طيب ومو راضي يطلعها بسكن بروحها
عاد اهي تقارن لان ولد عم ريلها من سنه وحموانها 2 اكبر من ريلها متزوجين وحريمهم من حسن حظها طيبين وايد انا عاد اقول لها حمدي ربج ان الله عطاج حريم حمى طيبين هذه بس نعمه وخالتها وحمواتها طيبين
وانا دايما اقول لها لا تقارنين لانج راح تتعبين

3ala golat el walda ne9ebech y9ebech eheheheeh