|
|
هاي
انا بجر بآخر الشهر السابع ماجهزت شي وماعندي خوات وامي مالها خبره بهالسوالف سكتوا ببجي أكسر الخاطر 
امي ماتبيني اسوي استقبال بالمستشفى فراح اخلي استقبال كل يمعه طول فترة الأربعين
المهم حاطة ميزانية للكفر سكر التقديم والككاو 250 فقط هذا اللي طلع من ريلي بعد يزاه الله خير
ودي أشتري كفر بس مابي يتعدى 100 وأبيه ناعم ستايل أمريكي فخم ماأحب الخبه الوايده
والسكر واللكاو حاطتلهم ميزانية 150 مابي نظام توزيعات ابي ستاند حلو مزين وقطع ككاو وجذي
والسكر جان زين تقولولي من وين آخذ
لاتخلوني ترا مالي بعد الله الا انتو ما بي أجهز آخر شي يطلع شغلي يفشل
ساعدوني بحدود ميزانيتي
ومشكورين وايد
والسكر التاجرات هني عندهم اشكال وانواع
والككاو هم اكو تاجرات عندهم واكو محلات الككاو كلها تبيع ستاندات
والله يهون عليج
الله يسهل عليج ولادتج
تبين السكر .. في محل بحولي فوق بياع الورد اسمة مارشيلو 22644464
حتى كاكاو عنده
والتوزيعات تقدرين انتي تسوينها من بياع الورد شغل ايدج
والكفر .. شوفي زارا هوم ودبنهامز هوم
الله يسهل عليج
الكفرات رحت تروفاليو فيهم النظام اللي تحبينه امريكي وناعمين واسعارهم زينه ومناسبه…زارا ودبنهامز غالين شوي صراحه
الكاكاو حاطه في بالي لاكشيت ذقته بستقبل رفيجتي لذيذ ماهقيته جذي قبل طايح من عيني واسعاره حيل زينه. بس مايمنع نشوف يمكن في احلا وكامل مع ستانده وشغله وسعره زين نشوف….
السكر التقديم مادري والله للحين من وين..
انزين ماسألتي عن الاستكانات والمطاطير وصحون حلو لان لازم تشترين صحون حلو وتعبينهم بالمحل يكونون طقم واحد للحلو واحد للمعجنات…؟؟؟هذيلا صج الحوسه لان استقبال البيت يركزون النظر على هالشغلات اكثر من الكفر يعني امور الضيافه مهمه بالبيت وانا نفسج استقبالي بالبيت بس ماحددت يوم معين…