السلام عليكم ورحمة الله وبركاته
صارلي جم يوم افتر ادور كفر حق اختي بتولد ودي شي فخم وفيه دانتيلات وسوالف بس اللي يعجبني كله بونفرين وانا ابي بونفر ونص
وين احصل شي حلو وراقي وكششخه بس بونفر ونص
او شي يكون عادي بس كلاس ورااقي بونفر ونص وتكون الوانه حلوه
يعني بيج – ذهبي – مشمشي – وردي فااااتح – من الالوان الهاديه وماابي فيه خرز وايد
ياريت تدلوني وتقولولي وين احصل اللي ابيه
.gif "Eh S(17)")
وشكرا .gif "Eh S(15)")
عسى الله يقومها بالسلامه…معانا العضوة أم الطيب تسوي خووش كفرات وعلى حسب الحجم واللون… وهم فيه محل الكاروكه بالسالميه يسوي كفرات .. 
ابي جاهز مالي خلق سوالف التفصال ونروح ونرد
ابي اشوف تشكيله واشتري واحد منهم
مششكوووره ع الرد جكوره بس وين بالضبط محل كاروكه ؟؟
في واحد هندي يبيع مفارش للفراش شكلة حلوو والمديلات الهندية وايد حلوين بس أنتي زيدية حطيلة كركوشة وحركات وشريته 25د.ك
لا و الله دش موقع ام الطيب تحتارين بالشغلات الي عندها ماشاء الله شغل راقي و ذرب ..و اتعلمينها المواصفات الي تبينها و هي اتسوي لج احسن من الفراره و السوق …
انا اول شي كنت ابي بو نفر ونص بس ماحصلت دايما بو نفرين احلى فخذيت بو نفرين شسوي ؟؟؟؟؟ ومع فراش المستشفى رفيع ان شاء الله يطلع حلو والله كريم
انا بعد ادور يزاكم الله خييييير
ابي بس كفر و قميص و سلبر و مابي غالي وايد ….
من ويييييييييييييييييييييين ياترى ؟؟؟؟
فيدونا افادكم الله
محل الكاروكه بالسالميه ومحل اى تو زد بالشويخ حلو عنده كفرات روعه بس غالىحيل والطاهر وانور عندهم ملابس حلوه
ام الطيب دشى عليها وشوفي الموديلات طبي وتخيري معاملتها تهبل ومواعيدها بالدقيقه الله يحفظها ماااااااااادري شقول عنها والله شهادتي فيها مجروحه اسم علي مسمي
الكاروكه بالسالميه بجانب البنك الوطني ومحل كيت كات..بالشارع اللي فيه القيصريه ومرينا موول..
عندج الجميع تلقين عندهم قمصان شكلها حلو و مو غاليه
بالنسبة للكفرات عندج سديل ( وايد راقي )بمجمع الفنار
الركن المبارك بمجمع وارة بالشويخ
رويال دريم بصن سيتي بالشويخ والفرع الثاني بالاوقاف
هوم سيليكشن بالراية فوق و A2Z
امو محل بالفنار يم زارا رااااااااااااااااااقي بس احتمال يكون غالي
كفراات لاند مارك حلوة انا شكلي باخذ واحد من هناك أو صفاة الغانم هم شفت واحد عجبني
انا كنت ماخذه كفري من A2Z من 4 سنين تقريبا حق ولادتي
ب200 دينار تقريبا ….وايد راقي وحلو
بس اهو كفر امريكي مو شغل دانتيلات وتور وجذي
من مدة شهرين تقريبا رحت حق وحده والده
ولا حاطه نفس كفري بالضببببببببط ونفس لونه بعد بس…..
حاطه فوقه طبقه تور وفيها شوارفسكي خفيف معطي منظر عجيييييب وراقي وحلو
يعني تقدرين تاخذين كفر امريكي وانتي تضيفين له شغلات تعطيه فخامه أكثر