كشخة زوجي المفاجئة

السلام عليكم حبيت اتكلم عن مشكلة اختي فزوجها بدا ماخرا بستايل جديد وكشخة غير معهودة فهو في منتصف الثلاثينات وتعرفة جيدامن زواج دام 10سنين كان عادي جدا وفجاة ومن دون مقدمات اشترى سيارة باهضة الثمن وساعه ماسية براقة ولكن المهم بالموضوع السيارة كيف عزيزتي المتزجة تتقبلين زوج يقود سيارة غالية وانتقلب وقام يتكشخ كيف تسيطرين على اعصابك وتثقين فيه الموضوع يحتاج للمناقشة

يمكن الله انعم عليه برزق ويبي يلبس ويكشخ يعني لازم الريال فيه شي في بعض الحريم ماشالله عليهم يبون المشاااكل تعوذو من ابليس وخل تقوله يشتري لها اللي تبيه وتصارحه ليش تغير اما ماتسيطر علي اعصابها هذا غلط

حلو الواحد اذا اهتم بنفسه بس اهو يمكن ان جتله افلوس من تجاره او شي موشرط ان يكون في شي

لو في تغيبرات تانية ممكن يكون في قلق

عادي حبوبه يعني الواحد اذا اهتم بنفسه وحب انه يأب على ويه الدنيا يكون عنده سوالف لا طبعا مو شرط

يمكن اهو حس انه كان دافن نفسه بالحيا

اهو شلونه معاها مقصر معاها ماديا ومعنويا والذي منه؟؟؟ انتي فاهمتني اعتقد

اذا ماكان مقصر معاها فلا توسوس وخليها تمشي حياتها ولاتوقفها عشان شكليات

الله يسخره لها ويسخرلنا ازواجنا يارب العالمين

تقبلي رايي

تحياتي

عادي حبيبتي حلو التغيير بس اذا انتي شاكه بشي لاحظي طلعاته ومكالمته اذا زادت او لا . لاحظي تصرفاته معاج اذا تغيرت للأسوأ بس عاد من غير ما تحسسينه بشي .

اما اذا كل شي عادي ولا تحاتين الريال يمكن يبي يكشخ مثل رياييل هالايام

حبوبه هاذي يسمونه middle life crisis
ازمة منتصف العمر
الواحد يحب يسوي عمره شباب يصغر عمره

اما اذا عليه حركات ثانيه فمادري والله
ليش ماتناقشه احسن لها واريح

الله يعينها

ساعه ماسيه اكيد بتطلع براقه يمه

الريال لي كشخ قلتوا عنده خرابيط ون تم بخلاجينه قلتوا وصخ ومايمشي عالموظه

وناسه سياره فارهه ههههههههههههههه وساعه الماص وانا قاعده جدام يمه ساعتي بعد الماص بوطقه ولابسه اشزيني ونتمشي ونتعشي فلافل بطاط

شوفي ياقلبي الله سبحانه يحب يشوف اثر نعمته علي العبد اذا ريل اختج الله مرهي عليه وعنده حلال وقايم بزكاته ومصلي مسمي وخايف ربه خل يقعد موبسياره فارهه ان بغااااا يركب طياره فارهه ويتمشي عالبحر فيها عليه بمليون الف عافيه كيفه اهم شي مايكون محسر فيها ولا منقص عليها بعيشتها
بس اذا اهو منتف وحالته حاله وشاري الفارهه علي قولتج والساعه بالاقساط وناسي بيته وعياله خل تدعي ربها وتسأله يهدي ريلها ويرده لصوابه

انا عن نفسي ان فكر الشايب يشتري سياره فارهه وساعه الماص بقول له يامال العافيه وبستانسسسسسسسسس حدي لانه مايقدر يسوق السياره وايد انا اللي اسوق ههههههههههه السياره الفارهه لي والساعه له وراعي النصيفه سالم

عادي انا ريلي صارلة شهر متغير ومسوي اشتراك مساج وحمام

طلع ربعة بالدوام طايحين بهالشغلة وقام يقلدهم

نفس احنا البنات نهب هبة مثلا اشتراك حمام والا مساج

بالعكس انا اشوفها شغلة حلوة

عااااااااااااادى حبوبه

مافيها شي دام مو مقصر عليها بشي خليه يلبس ويكشخ

عادي انا اشوفها عادي لان لو تلاحظين الانسان كل ما يكبر يحب يتزقرت حتى احنا الحريم .. انا امي بنص الاربعينات لاحظنا عليها اهتمام بنفسها كبير بس مايمنع لان قبل كانت مشغولة فينا مو فاضية لنفسها بس الحين كبرنا وصارت تلهي نفسها وانا اشوف ان من حقها مافيها شي