|
|
السلام عليكم
اخواتي يعطيكم العافيه ومبارك عليكم الشهر وربي تهبلون انتم ومنتداكم هذي اول مشاركة لي بالمنتدي واتمنى تساعدوني بعد الله
مدري مكان موضوعي هنا صح ولا لا بس تحملوني
حبيباتي انا عمري 22 ومو متزوجه واعاني من مشكله ارهقتني حيــــل عساكم ماتواجهونها آمين
اعاني من إفرازات مهبليه بشكل مستمر يعني بالساعه او ممكن اقل وهم بعد إذا سويت اي مجهود يعني رياضة او جري او لو امشي بس مسافه وهم بعد بعد الاكل لا اكلت اي شي او شربت اي شي تخيلووو
وهذي الافرازات بدون ريحه والحمد لله
الحمد لله ع كل حااال
انا بحثت كثير وقريت كثير ويقولون انها تنقض الوضوء ييعني تخيلو حالتي مقدر اطلع من البيت حتى لاني اخااف وشلون اصلي وشلون ارتاح هذا غير الاحراجات الي اتعرض لها
وربي مالي الا الله ثم انتم لاني حيل استحي اقوول لامي اولخواتي
الي تعرضت للحاله هذي او سمعت عنها او تعرف طبيبه في هذا المجال بليز تسألها وربي اني حيل خايفه
وجزاكم الله خير وجعلكم ماتشوفون مكرووهـ ياارب
لازم تشوفين طبيبة نسا وولادة أحسن .. آنا رفيجتي تمدح دكتورة صبرية اللنقاوي
وانشالله ماكو إلا العافية
عاادي انا سمعت انه الافرزات اذا كانت بدون ريحه مالها ضرر
بالعكس يقولون اذا كنتي جاافه اهني الضرر والشسمه
يفرز حاله حال الخشم
ومن ناحيه الوضوء ماعرف اذا كانت تبطل الوضوء او لا …بس انتي تعوذي من الشيطان
وحبي نفسج وان شاء الله البنات يفيدونج
ياااااااااااي احنا البنات نوسوس بكل شييييي
انا كان عندي وسواس من هالناحيه وكانت متعبتني نفسين
وسبحان توكلت الله واطمن قلبي ولاعااد فكرت بالافرزات
والحين الحمدلله
واعوذ بالله من ابليس وساوسه
بس بجد انا اعاني منها خصوصا مثل ماقلتلكم بالصلاه وهم بعد احس مو مرتاحه
وهي صح الافرازات مهمه وضروريه بس احس عندي بزياده عن الحد الطبيعي مدري
وياقلبي الي قلتلي عن الطبيبه مقدر اروح لطبيبه
تسلمولي والله وربي مثل مااتوقعتكم خواات
آنا بعد ولادتي وطلعتي من الاربعين صارت تنزل معاي افرازات حييييل حيييل وبدون ريحة والله كنت أحط الفوطة الصحية وكلساع أغيرها
ما بقى طبيب ما رحتله خاص وحكومة أخيرا قالت لي وحدة معاي بالدوام آنا أسأل جارتنا لأنها خبيرة بهاالسوالف لأنها حرمة كبيرة وفوق هذا طبيبة عرب على ما يقولون – المهم أوصفت لي علاج وهو
المرة اتعرفينها أنقعها باليل وأشربها الصبح حوالي كوب وما أغير الكوب إللي فيه المرة أزيده ماي وأشرب بعد قبل النوم ( يعني كوب نقوعة مرة قبل النوم وكوب عند الاستيقاظ من النوم على الريج ) استمر عليه اسبوعين
والله العظيم خلال اسبوع ما فبني شي ورديت مثل لما كنت بنت يعني لاافرازات ولاشي
على فكرة اهي قالت لي نقعي مع المرة افتكر عنزروت بس ما عرفته فنقعت بس مرة
وحابة اقولج إن سبب هالافرازات إني ما تنفست عدل فإنتي الظاهر بما انج بنت معناته ماتشربين دويات وقت الدورةوما تحمين نفسج عن الهوا
دييييييييييري بالج حبيبتي وطبقي إللي قلته ترا المرة ما تضر
بس ها مو اتزيدين عن اسبوع أو اسبوعين تراها اتنشف حيييل وما اتشوفين شر حبيبتي
اهتمي بهالشغلتين يالغالية وانشالله ماعليج شر لاني كنت مثلج تماما والحمدلله الحين تماااااااااام
شؤبي دافي و دفي نفسج عدل و دايما لبسي كير فري
واذا كنتي على وضوء ونزلت معاج هالافرازات عااادي لا تبطله
عليج بالمرة
دفي نفسج..ولاتستخدمين غسول كيرفري استخدمي من الصيدلية نوع ثاني
والافرازات بدون شهوة ماتبطل الوضوء حبيبتي
والبسي على طول فوط صحية للاستعمال اليومي الصغيرة
ترى كل البنات جذي عادي ياقلبي
بس حبيت اسألك غلاي المره مي ضااره لاني سمعت ناس كثير يقولون مي زينه وان كثر بالاسوااق تكون سامه وفيها مادة الرصااص
مدري عشان كذا سألتك غلاي يقولون مي زينه اغلب الاطباء يحذرون منها ؟؟!!
جزاك ربي الجنه
عالية الشان:
معك حق انا اعاني من امسااك شديد بالفتره الاخيره تسللمين غلاي
بنت الامارات:
انا قريت انها تبطل الوضوء مدري قلبووو عساك عالقوة 0انا سمعت المره م زينه؟؟
الاخلاص:
تسلمين قلبي
ملفتة النظر:
غلاي ليش مااستخدم غسول كيرفري وش تنصحيني استخدم؟؟
انا سمعت انها تبطل مدري