|
|
السلام عليكم
بنات انا صارلي فترة تقريبا شهر وشي ملجه على اساس ان العرس بعد العيد بس مفكره بالطلاق لان اكتشفت ان زوجي انسان مهمل نفسه مو بس اهوه بيتهم كله جذي اهمال اهمال اهمال ؟؟
تخيلوا البيت حشاكم عفيسه ووصخ القطاوه بالحوش وريحة صج ماني قادرة استحمل وبنسكن مع اهله بالبيت بنات انا زوجي عادي تمر 3 او 4 ايام ما يتسبح .. الحلاقه الاهتمام صفر من عشرة .. حياة زوجي يروح القهوه يجابل المباريات والشيشه ودوام وعادي لبسه يستخدمه اسبوع يروح القهوه ويرد يعلق هدومه حق باجر جذي .. ما عنده يعني ثقافة بشي ما ادري هل اهوه يلف ويدور او ان اهوه جذي حتى العطورات يشتري من الهنود اللي يفترون بالقهاوي يعني ارده نوع يشتري ما يطلع ما يسافر ما يحب يدش لا سينما ولا يقعد بمطاعم ولا مجمعات
انا بالبداية قلت يمكن يتغير مو يمكن الا اكيد حبيت اجرب قلت نسافر يشوف الناس يمكن يتغير اذا سافر وتنازلت عن العرس قلتله اشرايك نسافر بدال العرس قالي هاا مادري السفر اشوفه مو مهم ماله داعي مع ان ما يخاف من الطيارة انا سالته وقالي كان يسافر مع بيت خالته اول
حاولت ان اقنعه نطلع برا نسكن بشقه بروحنا رفض قالي ما اقدر على الايجار وجذي خلينا في بيت اهلي اول بعدين يصير خير
بنات اهيه مو مسالة عطورات او سفر او شي مادي لا اهيه اهمال من كل النواحي ماني قادره اتحمل يعني حتى طريقته احس انها فيها اهمال مرة صار موقف بنت خالتي واختي كنا طالعين من زوارتنا اهوه قالي اذا خلصتي تبين امرج ماعندي مانع او احد يوصلج المهم اهما وصلوني على اساس ان نقعد مع بعض اشوي ويردني البيت تخيلوا دقيت عليه عشان اقوله انا برا طلع لنا بمكسر وفانيله وفوطه على جتفه وامعرق مادري شنو كان يسوي امبيييييييه لاااااااااا واهوه بعد اشوي متين وقام يملق اشوي يعني بيضحكهم لا لا جد اهني ما تحملت السخافه والاهمال اللي اهوه فيه جذي تطلع بالشارع وجدام اختي وبنت خالتي ؟ شي يفشل بنات انا عقب ما ردني البيت اختي كلمتني وقامت تقولي حجي مادري احس اني خلاص مابيه
اقارن بينه وبين اخواني اخواني يهتمون بنفسهم يحلقون بالاسبوع مرتين وثلاث غير الشاور يوميا والملابس مو فخر فيهم بس حالهم حال الشباب لبس وكشخه انا زوجي بعيد عن هالشي وفوق هذا اهمال يعني لو ما يعرف بس مو عيب يتعلم اشتري له عادي بس مهمل بنفسه
بيتهم ذاك اليوم شفت ولد اخته اللي قطت عيالها بالبيت وعيالها شياطين فوق ما ان البيت عفيسه وريحته تبط الراس لقيت ولد اخته الصغير تكرمون بحمامي ويبجي وصاك الليتات يات الخدامه شالته ونظفته يا امعودين قلعته تكرمون الحمام يستخدمه بس ووويع ليش اهما عايلتهم جذي متربين او ليش يعني الاهمال هذا مرض انا ماحب جذي بنات فهموني ما تعودت على جذي وحتى اذا حاولت اغير ما اقدر انا بروحي اغير عايلة كامله انا بصراحة فيني غصه خلاص ماني قادرة اتحمل ابي انفصل اتطلق ولا استمر جذي مابي اتزوج واعيش حياة نفس هذي ولا تقولون لي انتي ماديه وشايفه نفسج قلتلكم ما يهمني ان يعرف او ما يعرف اعلمه او يتعلم بس اهمال هذا ماله شغل بالاول انا مابي اشرح لكم اكثر من جذي عشان ما تلوع جبدكم واحترام للي يقرون مشكلتي وللبنات والعضوات
النظافه اهم شي
بس القرار راجع لج حطي السلبيات والايجابيات وفكري عدل
نفس مشكلة ارفيجتي
يوم شافت بيت اهل زوجها وصخ ودشت غرفته انصدمت تقول المستواليت ماعليه ولا غرشت عطر فاضيه ..!!
وحمامه وصخه
ومايعرف شي اسمه نظافه شخصيه
خلعته مسكينه .<
انا مابي اقولج اتطلقي بس انصحج انتي تغيرين زوجج مو مجبوره تغيرين عايله كامله انتي مالج شغل فيهم عليج من الانسان الي بتعيشين معاه فبيت واحد
لو بتسكنون بشقه لحالكم ممكن اقولك تقدرين انت تغيرينه باهتمامك وبنظافتك
بس مع اهله مادري وش اقول
الله يكون بعونك حبيبتي
و اشتريله عطور
قوليله ودي اشوف عليك القفل حلق عشاني
خليه يدش نادي يهتم اب نفسه
والصراحه اهم شي الشخصية اذا ماكو توافق صعب تكملين معاه
غكري مرة و اثنين وثلاث هاذي حياة و عشره طووول العمر
فكري بعيالج بكل شي
و الله يوفقج حبوبه
احنـا على جونـا وخاصـة بهالحـر الواحد لازم يتسبح مرتين او على الاقل يغسل جسمـه
بعـدين لا تحاتين ورا الجماع لازم الواحد يتسبـح يعني السبـوح مقدور عليـه
أمـا النظافـة عووديـه
اذا طيـب و حنـون ويحبـج لا تخليـنه اخذي اللي يحبـج
و استخيري و شاوري أمـج
لا تشـاورين اختج الأم تخاف أكثر على مصلحة البنت
انا ما اقول اختج شورها مو صح
بالعكس
بس بسـالفة طلاق وانفصـال الاحسن الأم أو الأب
الانفصصال خليه اخر الحلول .. !
و علشان تغيرينه لازم تكونون في بيت خاص فيكم .. (( شقه ))
يعني تقدرين تغيرينه وتأثرين عليه ب نظافتك و ترتيبك
بسسس اذا ب تبقين معهم في نفس البيت .. صصصصدقيني ماراح تحركين فيه سساكن .. و في الاخير بتصيرين انتي الغلطانه وانتي الموسوسه وانتي وانتي ..
حبيبتي حححاولي تقنعينه تكونون في بيت بروحكم .. ححححاولي ححححاولي ..
و اذا رفض .. استشيري امك .. و استخيري ..
والله يوفقققققك ويستر عليك ..
ادري كاتبه الموضووع وانتي واصله حدج
بس المشكله حلها سهل بس يبي شويه شويه صبــر
عودييييييييه
ولدج على ماربيتيه وريلج على ماعودتيه
انتي سبحيه ايه عادي او جهزيله الحمام تكرمين
اشتريله مجموعه من بودي شوب اكوو وحده زرقه اسمها سبووورت ريحتها قويه وعجيبه
راح يستانس صدقيني انتي علميه بس من غير تجريح
والعطور انتي عطريه وحطيله لووووشن ودهن عود وبخريه والله راح يستانس ويعجبه الوضع
وبالنسبه لبيتهم اذا تزوجتي على خيـر
على يووم قووليله انا يايبه بخووور وودي تجربووونه
والخدامات على طول حاجيهم : نظفي هذا شيلي هذا خمي هذا الـخ
وتنتهي السالفه
موفقه خيتووو
الله يعينج وحده كانت مثلج اعرفها انكسرت نفسيتها مره وحده حتى تطلقت بالاخير
استخيري وشاوري الجماعه الي حوالينج والله يوفقج
زوووووووووووووووووووووووووووووووووووووووووووووجوني بس واحد صالح وزين يارب يارب ورزه واخلاق ودين وجمال وذرابه وسنع
<<<<<<<<<<<<<<<<<< برا كااااااااااااك
والمشكله خوفج يجاملج هالايام ويستخدم اللي تقوليله عليه
وبعدين يرد لطبعه وعادته اللي متعود عليها
دامكم توكم ع البر ما انصح بالاستمرار لانه ابداااااا مو مال واحد يعيش معاه
وبتغيرين ولد ولا امه ولا اخوانه ولا خواته ولا العايله كلها
اهما عايشين بالزباله ومتعودين ماراح تقدرين عليهم
فكري مع اهلج بجديه بهالشي
ومبين بعد ان زوجج بخيل متنازلتله عن العرس ما يعوضج بالسفره؟؟؟
ولا يبي ياجر ؟
مافي واحد بالكويت الحين ماعنده مقدره ع الاجار
لانه الحب يخليج تصغرين المشكلة ومستعدة تغيرين كل عيوب الدنيا اللي فيه
انا من راي patcholli انتي اذا بتسكنين بشقة ببيت اهله مالج شغل فيهم وبالمستقبل ان شاء الله ومع العيال تنتقلون بمكان ثاني
وبالنسبة له اهوا كلميه بجدية بس باسلوب حلو وقولي له ودي تحط عطر وتشخ لي وجذي
واشتري له جم عطر وشاور جل هدية منج
حاولي تغيرينه واذا يحبج ويبيج بيحاول يتغير عشانج
الطلاق خليه آخر الحلول
انحاشي