كتب الانجليزي لصف رابع ابتدائي

السلام عليكم

شلونكم يابنات احلى منتدى

مصيبتي كبيره

بنتي كل يوم تشيل على ظهرها 20 كيلوا كتب ويابعد قلبي اشوفها واهي تمشي

تروح يمين ويسار من ثقل الجنطه وقلبي يحترق

وكل يوم ادعي ربي واتحسب على اللي كان السبب حرام والله انا مااقدر اشيلها

احس يصير فيني فتاق لوبشيلها

المهم المصيبه والطامه الكبرى كتب مادة الانجليزي

عندها خمس كتب شوفوهم

وياريت اذا وحده من معلمات هالماده تتكرم وتساعدني وتشرح لي

اذا هالكتب لازم بنتي تشيلهم معاها كل يوم ولا شنو ؟؟؟؟؟؟؟؟؟؟؟؟؟؟؟؟؟؟؟؟

تكفون اللي عندها عيال بصف رابع هم تفيدني

بنتظار ردكم بنات الله يوفقكم لاطلعون من غير كلمه تبرد قلبي

بموت قهر بنتي كل يوم تشيل 20 كتاب على ظهرها كافي وزن الجنطه والله ظلم

والمصيبه انهم يقولون نبي نخفف لو ماتحجوا ابرك …ليش جنطتها مو السحب الترولي احسن حيييل …من هالثقل اللى يتعب العامود الفقري….والمفروض المدرسة تطلب من البنات بس الكتاب اللى راح تستخدمه بالحصة يعني تحدد هالشئ من قبل مو معقوله بيشلون اكثر من 20 كتاب على ظهورهم …

احنا بس 3 كتب انتو ليش خمسه ؟؟؟

الثالث و الرابع ما عندنا ؟؟

الله يعينها ,,,, بس اشدعوه هالكتب شنو بيستفيدون منها بكورس والا سنة؟ والا عشر سنين؟
لالالالالا الوزارة ما قصرت خوش نظااااااااااام بيطلعون عيالنا مثل شكسبير والا انشتاين ,,, لا ما شالله خطتهم فضيعة
بس شنو ذنب هاليهال يحملون اثقال
ماااااااركونه انا بقولج سر بس مو تقولين لحد !!!!
اتوقع ان الوزارة ودها طلابها وطالباتها يكونون مصارعين وحاملين اثقال مثل تايسون ومحمد على كلاين,,,, عيل جنطتهم مثل وزنهم<< اظاهر متعقدين من الفيزيا مسااااااكين ومو عارفين يحسبون عدل

كلي تفائل اي والله موووووو قالو بيخففون الحقيبة,, اذكر هبووووو هبه وبعدين سكتووووو؟؟؟
ودعاااااااااااايات واعلالالالالالانات وبروووووشوراااااااات ولويه

تقبلي مروري وطولت ردي بس والله منصدمه هاليهال يشيلون كل هالكتب والله حرام عليهم والانكليزي مادة يوميه

هلا حياتي نور الموضوع بمرورج يالغاليه

اي والله شفتي بس حجي عالفاضي

قالوا بيخففون

وقالوا بيحطون لهم خزانات

وماشفنا ولا شي من كل هذا

بنتي ماترضا تشيل جنطه سحب بس بأولى ابتدائي اللي كنت اشتريلها سحب

ومن ثانيه واهي تبجي تقول اذا شريتيها ماراح البسها الابلات يزفوني يقولون جنطتها تعيق حركتهم

وكل ماشافوها تمشي يقولون لها شيليها لاتسحبينها

عيزت وانا اقول حقريهم موراضيه تموت بجي خايفه منهم

يؤ يؤ يؤ يؤ يؤ

واشمعنا بنتي 5 كتب حتي سألتها قلت يمكن غلطانين ومعطينها ملوت الفصلين مره وحده

جان تقول يما كل رفيجاتي عندهم مثلي 5 كتب تصدقين انا بعد مستغربه ومافي شي عالكتب

يدلني عالسبب كلهم مكتوب عليهم جريد 4

مشكوره حبيبتي وياريت تقوليلي ايهم اللي عندكم ؟؟؟؟؟؟؟؟؟

حياتي اكسرت خاطري فدييتهااااا

انا ولدي برابع بس عنده 4 كتب مو 5

ولا ماخذين منه 2 عندهم بالخزانه اشوه مدرسة ولدي امطبقين نظام التخفيف اغلب كتبهم بالخزاين

مادري ,, بس كتب اللايف سكلز هي كتب المهارات الحياتيه مالها علاقه بمادة الانجليزي ! .. اتصلي بالمدرسة وسئليهم ترى كل مدرسه لها نظام غير مثل ماشفتي الردود وحده من الخوات ما يالها غير ثلاث كتب والأخت الثانيه ما يالها غير أربع .

نفس كتب بنتي
والله صج يكسرووون الخاطر
اقولج بعد شي …….. جنطة بنتي انشقت من الكتب حتى ما مر على الجنطه شهرين
بس شنقول لا حول ولا قوة الا بالله
وما اقدر اشتريلها الجنطه السحب والسبة صفها فوق وما يصير تاااااخذ جنطه تسحبهااااا على السلم
والله معاااااااااناااااااااااة

عزيزتي فيه كتابين حياتيه مو انجليزي شوفي اي واحد ياخذون الحين
والخط ماله داعي تاخذه خليه بالبيت
وبعض المدارس ياخذون الكتب شوفي مدرسه بنتج احسن وكلمي الابله او الاخصائيه
بنتي برابعه بعد لايعه جبدي من الانجليزي والرياضيات ادرس نفسي بعدين ادرسها

ماركية احنا 4 كتب

المهم خليها تشيل اول كتابين بس
puplis Book
Work book

ولما المدرسة تطلب Fun with English تاخذه ثاني يوم

وبالنسبة حق Life Skils هذا مال الحياتية E
يعني يكون مكتوب بالجدول مرة بالأسبوع

ان شاءالله اكون افدتج…

وي حرام اول شي اخذي لها جنطه سحب احسن لها

ثاني شي انا بنتي برابعه عطوها بس ثلاث كتب الوردي والازرق الي فيهم ابراج الكويت مو عندنا ماشفت نفسهم
والله يعنا ويعينكم على هلمنهج الي مامنه لا فايده ولا عايده

الله يعينها يارب

حبيبتي في كتب المهارات الحياتية يعني تاخذهم بس يوم المهارات الحياتية عرفتي لازم تتأكدين من المدرسة كتبي لها ورقة او روحي لها

اما كتب الانجليزي فعادي تتم معاهم الا اذا الابلة تخليهم بالخزانه عندهم بالصف وتعطيهم الكتاب الملون على حسب كل مدرسة والثانية

ولدي عنده بس الكتابين والباجي بكبت الصف

شلونج ماركيه انا ولدي 4 كتب والله حرام عيهم عيالنا صغار انا لما نزل الجنطه من فوق تكسر ظهري والله حتي جنطته انشقت من كثر الكتب