|
|
السلام عليكم
يا ناس ياعالم الحمدلله عيالي كلهم متفوقين
بس من غيروا المناهج واحنا حاسين معاهم حوسة
المسكينه بنيتي الي بالصف الرابع كاسرة خاطري
المناهج كلش موطبيعية الرياضيات امبيه خياااااال الكتاب ما افهمة الا عقب ما اشوف مذكرات المرشد وكتاب جمعية المعلمين
والعلوم ما ينحفظ والله ان راسي عورني وصدعت حتى انا لو تسالوني مااعرف اجاوب الدرس مفهموم بس المصطلحات
ما تنحفظ مخاريط وصنوبريات والانبات وتطور المخاريط وبذور الهندباء ونذور الدفله الابرية
والله اني قاعدة واقول حسبي الله هو نعم الوكيل على الي ألفو هالكتب الغبية
الظاهر ناوين يكرهون عيالنا بالدراسة البنت قالت يمه دخت بنام راسي عورني وفعلا الله يعينها الكلام ما ينحفظ
هذا واهي بنت شاطرة ما شاء الله عليها
الله يعين الأمهات الي عيالهم مستواهم ضعيف والله الله يعينهم
الكتب شكلها واخراجها اخراج كتب ثقافية مو كتب دراسية
والخط صغير ما ينقرا اشدعوا عليهم
والله عيالنا امانة بارقابهم الله يعيني تونا بالاسبوع الثالث ما بلشنا بالعميق
امبيه وفوق كل هذا لهم امتحان فترة واحد وبس بس و فاينل طول السنه بس 4 امتحانات
الكمية بتكون كبيرة متى يحفظون كل هذا ؟؟؟؟؟
الله المستعان
حسبنا الله هو نعم الوكيل
– اي صح العلوم والريا
ضيات حدهم صعبين بس كلة اقول حق ولدي سهلين
– بعد شسوي الرفع معنوياته شوي
والمدرسات ليش يعطونهم معاشات وين الوزيره شنو هالدلع
المفروض نص معاش المدرسات لنا والله العظيم
يجي ولدي من المدرسه اشوف كتبه شنو هالواجبات كل في البيت
عيل ليش يروحون المدرسه خلوهم بالبيت وندرسهم بس يروحون يمتحنون
اشياء والله ما اعرفها اكتب حق المدرسه بنفس الصفحه الي ما اعرفها
اقولها ياريت تشرحين اني ما اعرف تحط حق ولدي غلط
شنو هالدلع فيهم والله باجر ربي يحاسبهم
المدارس الخاصه يحفظونهم ويكتبون معاهم الواجب واعيالهم شطار
واحنا المدارس العامه كل شئ علينا والعيال صارو كساله شسالفه شنوا صارت ديرتنا جذي
انا اختي مدرسة علووم ابتدائى تقول المناهج وايد صعبه صارت
تقول مرات اهيا بنفسها تحس انه الكلام صعب وماينشرح فشلون اليهال بيحفظووون
والله لاتلومون المدرسات الله يعينهم بعد منهج صعب ويديد وفوق هذا اذا صار بالصف الواحد تقريبا 30 صبي
شلون بتقدر تضبطهم وتشرح الدرس وتفهم الكل
انا اشوف اختي تتعب من العصر لي بليل واهيا تحظر وتطبع(لانه القانون اليديد التحظير يكون مطبوع على الكمبيوتر) وشتتري اغراض للدرس لانهم مناهج يديده
واهيا على طول تسوي تلاخيص للدروس فلي تحب ادزلي رساله وانا باخذ منها التخليص وادزه لكم
صحيح ان العلوم صعب بس انت اذا درستس اول بأول ماراح يتراكم عليه بالعكس راح يصير سهل و بعد كل فصل درسيه كأنه امتحان عدل
و بجذي راح تسهلين عليج و ركزي على الاسئله اللي تعطيه الابله بالدفتر و الاوراق عدل
المشكله ان المناهج مألفينها بلبنان يعني تتكلم عن البيئه هناك مو بالكويت
احنا مدرسات و مو لاقين الاشياء اللي مكتوبه كلها تعبنه و احنا ندور
عشان جذي صعب
و المصيبه ان في بنات لي الحين ما يعرفون يكتبون شراح يسون بالمتحان هذول !!!!
الله يعينكم وانشالله تتصلح الامور
حرام ولدي مو قاعد ينام عدل والسبب هالحفظ والكميات الكبيره من التعاريف
كاسر خاطري وشايله همه 
مانقول غير الله يعينا ويسهل على هاليهآل
وحسبي الله ونعمٌ الوكيل !
\