قيادة السياره

[ أبي رايكم في الحرمه المتزوجه وتسوق

هل تصبح مسئولية البيت عليها ؟

أبي راي المتزوجات؟؟

خــــــصــــوصـــا" اللي جربوا

انا مو متزوجه بس دشيت وقلت لازم ارد
بس ان شاءالله المتزوجات يفيدونج اكثر
بس صدقيني كل شيء عالتعود اذا عودتي ريلج انج انت تروحين كل مكان يعني الجميعه والسوق واليهال ومدراسهم والعابهم والزوارات وغيره خاصه اهني المسوؤليه بتكون عليج والعكس اذا بس مثلا اتروحين مكان قريب واذا اهو كان مشغول مايقدر جذي اوكى
انا اول ماسقت كنت مستانسه ابي اروح كل مكان لما اللحين شايله البيت كله فوق راسي وتوبه اكرر هالغلطه لاتزوجت فديري بالج لاتسوين مثلي والله راح تتعبين

انا اسوق بس مو متحمله المسؤوليه لا جمعيه ولا طبيب ولامكتبه ولا حلاق

اروح دوامي وبس وهو ملزوم بالباجي

بصراحه انا اسوق سياره وكان اصلا شرط زوجي انه ما اروح للسوق ولا اي مكان ولكن اذا كان الصبح فقط اهو بالدوام وانا اروح مثلا للطبيب او الجمعيه يعني مخليني بس للضروره اني اسوق

وهذي سيارتي فتحتها جديده ماشاء الله صار لها سنه وللحين ما تعدت 1000 كيلو هههههههههههههه

لانه يقولي مااخليكي تعتمدين على كل شي بس خلاني اسوق لانه يبي يفتك من لساني هههههههههههه

انا من خذاني وانا اسوق بس اهو عليه كل شي واذا ابي اروح السوق اهو يوديني او الجمعيه
ومرات اذا كنت مع خواتي اهم يودوني

هذي أشياء يتفاهمون عليها المرة والريال بس الأفضل انها ما تأخذ كل مسؤليات الريال وبعد 6 او 7 سنين تتذمر من المسئوليه المفروض من البدايه
تكون الأمور واضحة.
بالنسبه لي لأن مرات اخلص بعض المشاويير الضروريه جدا (وجدا بس ) والأمور اللي ممكن تنطر لحين عوده ابو العيال من الدوام أأجلها وابلغه فيها
وانا افضل اروح السوق بروحي لأن الرياييل بالسوق يستعيلون مو مثلنا نحب نتطمش ونقايس وندخل 5 او 7 محلات

عادى اسوق بس اغلب طلعاتى معاه

حسب شخصية الزوج

في بعضهم اتكالي والله لو تعودينه كل شئ عليه راح يطفرج ويخليج تسوين شغلج ولا تنقعين بسبتة؟؟

وفي بعضهم انسان قادر على تحمل المسؤلية…

والله الجذب خيبة انا كنت ماخذه الليسن و حاطته في البوك زي قلته ما اجيس السيارة كلش ، بس زوجي اهو اللي دربني و خلصني من خوفي للسياقة.

و مثل ما قالوا البنات المسألة تكون بالتفاهم من البداية ، يعني فيه اشياء علي و اشياء عليه على حسب ظروفنا ، يعني حاولي تصيرين مرنة ، فيه حريم اعرفهم اذا ازواجهم فش الدوام مثلا او عندهم خفارة و اهم محتاجين شي ضروووووووووووووري من الجمعية ما يروحون الا لما ازواجهم يطلعون من الدوام !!!!!!!!!!!!!!

ليش جذي ؟؟؟؟؟؟؟؟ اذا الريال مشغول و عندج شغلة ضرورية روحي خلصي اشغالج بروحج ، و لا اشرايكم ؟؟

والله علي قابليتج وعلي قدرتج وعلي ريلج

تبين ليش اكو حريم مايروحون الا مع ازواجهم

وهذيله اعرفهم وايد زين

علشان مايبون يدفعون ليه صاروا بروحهم من دون الريال

يعنى احزورة بعيد الشر عنا

مشكورة

قبل لا اتزوج كنت اسوق عند اهلي من عمري 15 ….و يوم طلعت الليسن فكت لي امي مازدا حمرا هههههههههههه (سياره هنادوة )
و يوم تزوجت كان شرط زوجي اني ما اسوق …. و فعلا ما سقت …و مرات اذا حيل معتازه اروح مكان ذاخل المنطقه اروح بسيارته …
بس الحين لظاهر تعب من كثر الالتزامات …و قام يتنازل شوي شوي ..و مرات اهو يقول لي روح ودي العيال الطبيب او جيبي اغراضج من الجمعيه …
يعني عادي و تختلف على حسب الرجال و ثقته بزوجته …مع ان اهل زوجي كلهم يسوقون حتى امه عندها سياره بس الحين كبرت و ما تشوف قدامها …….

انا عندي اسوق وعندي سياره بس مو كلشي علي ..
بيني وبينه مرات انا اروح ومرات اهوى يروح

آنا ماسوق من كنت عند اهلي ولي الحين وزجي كل يوم يقول اليوم بطلعلج استمارة بس ساعات يقولي مابيج تسوقين أخاف عليج اهوة يوديني ويبيني من الدوام وإذا مو فاضي اروح مع أي أحد من أهلي
مع تحيااااااااااااااااااتي……..

اهوه على التعود اذا عودته انها تسوي كل شي اكيد بتحلاله السالفة ويقط كل شي فوق راسها اما اذا معودته على العكس حتى لو تسوق سيارة ماراح يعتمد عليها