قولولي شنو فنتكم ووين احلى الاستقبال :)

هلا خواتي

ابي اعرف فتاك الوالدات الحين شنو يقدمونه حق اللي يزورونهم

وبعد بعرف وين الاحسن اسوي استقبال بالبيت او بالمستشفى

ياريت تشاركوني برايكم حبيباتي

طبعا هذا الموضوع على راحتج وطبيعة اهلج وميزانيتج …
بس انا افضل بالمستشفى علشان تفتكين من الناس انه تيج بالبيت ….

انا افضل بالمستشفى والي مايوني بالمستشفى ايوني بالبيت

من وجهة نظري بالمستشفي وايد اريح علشان تفتكين من لوية الناس بالبيت
وهم بالمستشفي البيبي بكون عند السسترات وما تحاتينه .

بالنسبة للفناتك—> الحين قاموا يقدمون بالمستشفي الموالح والكيك الصغار
ورفيجتي كانت حاطه مثل كاسات صغار فيهم برد

رفيجتي كان كفرها ازرق وقدمت لنا عصير لونه ازرق
عجبتني الحركة

بالمستشفى أريح عشان محد اييلج بالبيت ترتاحين وتجابلين عمرج عقب شقى الولاده

بالمستشفى وااايد اريح اول الشئ الياهل عند السسترات يعني مأمنة وماتحاتين وبعدين تفتكين لي صرتي بالأربعين ما تعابلين شتسوين ولا شتحطين ولا شتسوين وصير كل همج الأستقبال
أفتكي من اول يومين وجابلي روحج وانتي مرتاحة

انا ما ايد المستشفى توني والده وخياط ويدشون بعطورهم وحاله حاله صراحه البيت واااااااااااااااااايد اريح

والله انا ايد بالبيت يكون كل يوم خميس وجمعه وسبت استقبال اما باقي ايام الاسبوع ابي اريح وشوف نفسي

احسن شي في المستشفى
توزيعات العلب كنت حاطة مع الكاكاو ملبس ( بيض الصعو) مكتوب عليه اسم البيبي
الكفر مع كيس البيبي كان لونه اوف وايت مع الوردي وفيه شوارفسكي وردي مع اللولو

وااااااااااااااااي … اصلا انا بالنسبه لي ما يبيله تفكير …. طبعا بالمستشفى

افتك من لوية البيت

ياحلينا يالبدو ما عندنا استقبال ولوية ومخاسير وخرابيط اي شخص بسير علينا ابي وقت حياه الله بالعكس الزيارة وقت الاربعين يقزرون عليج الوقت لان الاربعين ممل والله وناسة هذا داخل يونسج وهذا طالع

مانفكر بالفناتق الكفر والتوزيعات والحلو والموالح والاستقبال اي مستشفى
اهم شئ عندنا قميص حق استقبال الزوار ولفة اوكيسة المولود بس
وبدال الفلوس الى نقطها بالاجنحة الامبراطورية الى على2000 و3000 والحين واصلة 6000على ليلتين بس نسنع فيها صالة استقبال مالت بيتنا احسن احسن مانقطها على ليلتين

الاستقبال بالمستشفى احسن عشان ترتاحيين في البيت و تجلبليين مولودج ماكو زحمه ناس ولويه يعني زورج بالبيت شويه اللي مايووجالمستشفى بس

بالعكس والله اغلب اللي اعرفهم بدووو وانا واهلي منهم نسوي استقبالات ونتفنتك بالسكر بالتقديم لكن بالمستشفي منقوووود

خذاني الشوق

لا والله احنا ارحم منهم (فناتقنا على السكر -مواعين التقديم-قميص- لفة البيبي) بس وكفر عادي حده60 دينار واحنا عندنا عيب نسوى استقبال بالمستشفى واو حتى بالبيت نحدد ويوم وساعة معينة نستقبل فيها فضيحةعندنا

وهم حرام لازم كفر ذرب حق المستشفى وشوفي جم يكلفهم 250 وانت طالع و ورد طبيعي وخدمه الشاى والقهوه والعصير وحلويات ومعجنات وهدايا التوزيعات مواعين حق استقابلهم وسعر الغرفة بروحة يكسر الظهر تلقينهم يقطون اكثر 4000 علشان يوم الاستقبال

يااارب مايحوشنا هالتطور