|
|
السلام عليكم
اشلونكم أبلات
الموضوع من عنوانه.. شنو استعداداتكم؟؟
و هل فعلا الاستعدادات بالمدارس مثل ما يصورونها لنا بالجرايد و التلفزيون؟؟
مدارسكم سوت شي لمواجهة المرض؟
انا ببدى و بتكلم عن مدرستنا (ابتدائية تابعه لمنطقة حولي التعليمية) .. و استعدادنا لدوام الطالبات .. للأسف و لا شي 
بالجرايد يقولون راح نوفر البيئة المناسبة .. شنو يعني البيئة المناسبة من وجهة نظرهم؟ يا ليت لو أحد يشرح لي هالنقطة بس
قالوا عندنا خطة بنمشي عليها .. وين خطتكم؟؟ اشلون عندكم خطة و احنا المدرسات ما نعرفها؟؟ عيل منو بيطبقها؟؟
قالوا (ممرضة) لكل مدرسة .. ما شفنا لي الحين
قالوا بنوفر سيارة لكل مدرسة تنقل الطلاب المصابين .. هم ما شفنا شي .. صفينا على قرار يقول أي وحدة من المدرسات اهي اللي راح تنقل الطلاب بسيارتها (والله صج مو عارفة أضحك ولا أبجي على هالاستعدادات الصاروخية)
و الطامة الكبرى ان ناظرتنا مجتمعة معانا اليوم تسأل المدرسات: اشرايكم يا ابلات .. شنو الخطة اللي تقترحونها لمواجهة المرض؟؟…… صج و الله؟؟ وين خطتكم اللي صدعتوا روسنا فيها؟؟ و توكم تسئلون المدرسات عن الخطة؟؟ عقب ما مرت الأسابيع و ما باقي الا اسبوع واحد على دوام البنات؟؟ أي مقترح اللي راح تطبقونه و أي خطة؟؟.gif "Eh S(14)")
و توكم تتذكرون و تاخذون مقترحات؟؟ غيركم المفروض حط خطة و خلص منها من زماااان .. مو ناطر أبلة تتبرع له بمقترح
لا و بعد قالوا بنوفر معقمات حق كل مدرسة .. لكن للأسف ما شفنا شي .. ناظرتنا قررت انها تاخذ من ميزانية كل قسم و تشتري معقمات .. يا سلاااام .. الميزانية ابروحها ما تكفي وسائلنا و شغلنا .. بتشترون فيها معقمات حق المدرسة كلها و استعمال يومي و بكل صف؟؟ اشيبقى من الميزانية؟؟
هذا بالنسبة لحال مدرستنا .. ما عندنا استعداد و لا صفر بالمية .. انتوا اشسويتوا يا باجي المدارس؟؟ خلونا نستفيد من تجاربكم .. يمكن تفيدون بعض المدارس الثانية النايمة و اللي لي الحين ما وصلهم النفط
هذا غير الورشة التوعوية اللي سووها لنا
هذا غير دور الممرضة ووفروا غرفة عزل
والفرصة مافيه مقصف الأكل يوصلهم لحد صفوفهم
وماكو لا استعدادات ولا شي
ولا طبقوا شي من اللي ينكتب كل يوم بالجرايد اللهم منعوا الطابور وحطو غرفة عزل فقط
وكل ماقابلوا احد من الوزارة قالوا احنا مستعدين وين الاستعداد ؟؟؟؟؟؟؟؟؟
وحنا بعد ولا شي
طبعا ماسووووا ولاشي يذكر لا عيادة ولا معقمات ولا كمامات ولا هم يحزنوووون
والناظرة تقوووول يلا شنو اقتراحاتكم حق الطلبة لما يداومون واتفقنااااا احناااا المعلمات الي بقسمي نجيب الكمامات والمعقماااات على حسااابنا عشاااان نستقبل الطلبة لي داااومو ونوزع عليهم تخيلوووووااااا والي يقهر يقوووولون التربية مستعدة
مستعدة خرطي لللاسف
واحنا المعلمات تبرعنا نيبهم عشان نسكت الناظرة لانه تبي شغل تطلب تطلب قلناااا نسكتهااااا ونسوووووي شي
******
أبشركم .. الجمعية تبرعت حق مدرستنا ب6 علب صابون سائل حق حمامات المدرسة عزكم الله (جنه اذا ما خاب ظني ان عدد الحمامات عندنا ضعف هالعدد) .. بس ميخالف ما بغينا نحصل شي!!
و تبرعوا لنا بست أجهزة تنضغط عشان نحط فيها الصابون
و عطونا 24 علبة ديتول معقم لليد و جم علبه مناديل .. يزاهم الله خير .. و لو ان الكمية تضحك .. لكن نعمة
و الله يحفظنا ويحفظ عيالنا يا رب
احنا قسمنا قسم العربي تحاططنا وشرينا كمامات وكلينكس وهديه وعبيناها بأكياس
عشان نوزعهم عالبنات