|
|
أنا بالشهر الثامن وقبل اسبوعين سويت سونار وكان عمر البيبي 32واربع ايام بس الوزن كان كيلو و700 غرام المهم في خلال هالاسبوعين اكتشفوا ان معاي سكر الحمل وقالي الدكتور ان وزن البيبي (كيلو و700)قليل وهذا يدل إنه احتمال يكون فيه خلل في المشيمة بسبب سكر الحمل (وحسيت انه يتكلم بدون تفكير وبدون ادلة وبدون مراعاة لمشاعر لوحدة انتظرت هذا الحمل 7سنين ) وبكيت وبكيت وانا قلقانه اخاف يكون كلامه صحيح ويسبب السكر نقص في نمو الجنين مع العلم ان القياسات بالسونار العادي كلها طبيعية الرأس عظمة الفخذ وغيرها المشكلة في الوزن وبكرة عندي سونار ثاني اللي يبين الوزن مرة ثانية وانا الحين في الاسبوع 34
بنات منو صار لها مثلي وهل ممكن يغلط السونار وخاصة انه بمستشفى حكومي واللي مسويته لي شكلها مفهية وماعندها سالفة
واللي مخوفني ان وزني مازاد وبطني ماحسه كبر
دعواتكم لي
بس انا ما ابي افتي و اقول كلام من خبرتي و خبرة غيري و طبعا الحمال يختلف من وحده لي الثانيه
بس انا اقدر انصحج بدكتور استشاري صارله اكثر من 30 سنه و ماشالله عليه اروحله و انا اكون ميته من الخوف و بس اشوفه و يكلمني اطلع و انا اضحك على نفسي
اسمه الدكتور محمود الاسطل
موجود في مستشفى السلام بس المبنى القديم الي صار الحين بس عيادات
بالضبط يم المبنى الجديد
و تقدرين تروحين بدون موعد
و انشالله ما عليج الا العافيه
و الي ثووم يزيد وزن البيبي
دكتور ماجد الشمري اختصاص اجنة وان شاء الله يطمن قلبج
عادي حبيبتي لا تحاتين
مع العلم انة اعرف بنات ولدو عيالهم ووزنهم فوق 4 كيلو وطبيعى
الله كريم روحى دكتور ثانى وشوفى شنو راح يقرر
انا مثلج كان وزن البيبي كيلو 700 جرام بس البيبي اذا دخلتي التاسع
كل يوم يزيد وزنه وهذا اللي صار معاي ولما رحت المره الثانيه كان وزن البيبي اوكي
الله يطمنج على البيبي ويكون زاد وزنه
انا رحت عند دكتورة وقالتلي ماي البيبي ناقص ووزنه 900 جرام باول السابع واذا مازان الماي خلال اسبوع رح نسوي لج عملية قيصرية
ورحت عند الدكتور ماجد الشمري واول ما سوالي السونار قالي الماي جدا طبيعي وما فيج شي ولا البيبي فيه شي وحملج طبيعي ووزن البيبي مو 900 لا 1200 لان اجهزته جديدة ودقيقه وقالي ما فيه ولا شي كل شي طبيعي والحمد لله ريحني
اتمنى انج انتي بعد ترتاحي وترى الوزن هذا طبيعي مو ناقص ومو زايد واكلي تمر واكلي سيريلاك والاكل الي يزيد زن البيبي والله يقومج بالسلامة وتشوفينه بحضنج وتفرحين فيه الله يقومج بالسلامة وتبشرينا
وعشان تطمنين روحي دكتور ثاني
انا معى سكر ومسويه حميه
مو شرط كلامه صحيح
حبووبتي بالنسبة حق جهاز السونار لما يشوف وزن البيبي اهو يعطيج وزن تقريبي مو الوزن الصجي .. ساعة الولادة غير بيكوون لا تحاتين بعدين انا اعرف وايد حريم اولد عياالهم واضعف من جذيه والحمد لله بخير وعافية .. وثاني شئ يا قلبي انتي لو كان في خطر اسم الله عليج ولا على البيبي جان قالج ولادة قيصرية … بس الظاهر الدكتوور حب يتفلسف فووق راسج .. عموما روحي حق دكتوور ثاني احسن
انا بالاسبوع ال30و4ايام وزن البيبي كيلو و200 يعني بعد 3اسابيع اتوقع بيصير مثلج والحمد لله كل شي طبيعي