قلتله عن مشااكلي وعن أسراار أهلي و الحين قام يعايرني ؟؟

السلام عليكم بنااات شخباركم ؟؟

اليوم يايتكم بموضوع وايد مهم ونشوفه هالايام واايد
بنات خل اقولكم مشكله وحده من اهلي وبعدين أعلق على الموضوع ؟

وحده من البنات تصيرلي تزوجت واحد عن حب 5 سنين وصج كانو طايرين ببعض وحدهم يبون بعض وجم مره خطبهاا وماصار وحاول لم تزوجوو ببدايه الزواااج كل شي كان اوكي وعاشو حياتهم باجمل ما يكوون …… ومن كثر ما تحبه كل شي كانت تقوله عن اهله واي مشكله تصير فبيتهم تقوله حتى قبل لا يتزوجون لم تتهاوش او تتزاعل مع امها او خواتهاا كانت تقوله واي شي يصير كان اول واحد يدري واهوه من النوع الي يحب يااخذ وما يعطي !!

واهيه كانت ساكنه بيت حمولتها وبعد سنه من الزواااج كثرت المشاكل بينهم بحجه البنت تبي تطلع من البيت لان ضاج عليها وتبي مكان أوسع فاقترحت عليه انه تسكن عند اهلها لان اهلها بيتهم فيه شقتين كبار واهيه تبي يسكنون فيهااا وطبعا اهوه ما رضى ومني دشت بمشاكل معاه ومع اهله ؟؟
والطااااااااااااااااااامه الكبرىى
انها تهاوشت مع خالتهااا لانها وايد تتدخل بحياتها ويوم قالت حق ريلها قال كيفج هذي امي ولازم تتحملينهاا عيل بس تتحملين سواالف اهلج ؟؟ وقعد يطلع السواااالف الي صااارت بين اهلها من سنين ؟؟ واهي حدها انصدمت وما توقعت هالشي منه
والحين كل شي يصير يقعد يعايرها وشفتي اخوج شسوه ؟ وامج يوم سوتلج جذي !!

يا بنات البنت الحين حالتها كلش بعد مااااااكنت مشالله اكثر بنت دمها خفيف بالعايله ومشالله مو قاصرها شي جمال وجسم واخلاق وشهاده ؟؟

شنو الحل برايكم !!

الصراحه انا من قبل اسمع هالسوالف من الشباااب وعاهدت رووحي ان سوالف اهلي تظل سر بيني وبينهم وما اطلع اي شي يخص اهلي عند ريلي لووو كان احسن رياال صدقوني تحوشه لحظه ضعف ويقعد يعايرج حتى لو بلحظه غضب ؟
شرايكم بالموضوع وعطوني حل لمشكلتهاا ؟؟
وسوري عالاطاله

بنااااات وين ردودكم ناطره حل حق المشكله up

اي والله مصيبه !!

صج الرياييل ما منهم امان كلش ,,

واهي غلطانه ..

الاهل مهما شكيتي لهم .. راح يظلون أهلج وستر وغطا حقج ..

بس الريل ..! خلف الله على الريل ,,

واهو الحين مسكها مع ايدها اللي تعورها ..

وبصراحه انا مو متزوجه وماعندي اي خبره كلللش ..

بس ماحبيت امر بدون لا أعلق ,,

بصراحه ؟
الأزواج ماينقالهم شي !
صارلي موقف مشابه تقريبا … قلت لزوجي عن موضوع في بيت اهلي ابي مشورته فيه وفعلا ساعدني .. بس مره كنت متناجره معاه وانصدمت انه ذكر موضوع اهلي وبطريقه مادري شلون حسيته يعاير فيها !
ومن عقبها تووووووووووووووووبه اقوله شي عن اهلي !

استغفر الله ساعات تتحسبين على كل كلمه تطلع منج سواء عن اهلج او عن رفيجاتج او اي شي خاص فيك تخافين لا يعايرج فيه بعدييين
موفقه ياقلبي وشاكره مرورج
up

صج الرياييل ماينقال لهم شي..

الله يرزقج ولد الحلال ياارب حبوبه واخذيها درس لا تقولين شي خاص حق ريلج لو مهما صاااااااااااار ) وشاكره مرورج حبوبه

محد خالي من المشاكل بس الريال شاطر مايطلع سوالفه كلش !!!!!!!!

حبيبتي اهي غلطانة الرجال مهما تكونين تحبينه وتموتين فيه لاتقوليه مشاكلج ولا تقوليله اي شي يسير عند اهلج ولا تقوليله عيوبج وخلج دايما واثقة من نفسج

انا دايما ضد فكرة ان كل اخبار اهلي ورفيجاتي عند الزوج
مو سالفة ثقة ولا خوف يعايرني
بس اعتبرها اسرار غيري مو من حقي اقولها
حتى لو زوجي او رفيجتي

اختي تهاوشت مع زوجها اروح اركض اعلم زوجي؟ولا رفيجتي
زين ليش؟ عنده الحل؟
ولا بيتوسط بين اختي وزوجها ولا شنو؟
غير ان بيعرف ان البيت متضايق وبعدين حتى لو زعلتي مع زوجج بعدين واضطريتي تروحين لأهلج
بيدري انج محترة وتبين الردة

ويمكن يقول شفتي انا احسن من زوج اختج اللي مخليها عند اهلج

وفوق هذا يعتبر من حياة اختي الخاصة مو لأني عرفت فيه
لازم انشره بكل مكان

مو لازم قرقة طول الوقت
مو احنا دايما نكرر ان الزوج يحب المرأة الغامضة خلي توصل له اخبار من غيرج مو منج
خل يقول اكيد تدري مو معلمتني
يعني عندنا سر!

اي والله اكبر غلطة ان المره تشكي اهلها لريلها او تتحجى عن مشكل اهلها لان لابد يجي اليوم الي يعايرها فيه حتى لو كان يحبها او كلش كلش يسفهها ويمن عليها لي تشكت من شي مو عاجبها احس يقول بقلبه حمدي ربج نسيتي اهلج ومشاكلج معاهم

بصراحه انا زوجي من النوع الي يكتم السر يعني مهما اقوله من اسرار تكون بيني وبينه ماتطلع وبلعكس ينصحني ونا صارلي 6 اسنين وبندش على 7 معني توني عروس والحمدلله الله لا يغير علينى
وبنسبه للبنت الي تهاوشت مع خالتها انها اتدخل اهو شاف عيب امه فتلاقينه احتر وطلع اعيوب اهلها

اي والله بنااااات كلامكم عين العقل وشااكره مروركم
وين الباجي 73 مشاهده وبس هالردود يلا بنااااااات ناطره تفاعلكم
up

حتى لو الرياييل ما ينقالهم شي
غلط تتهاوش مع امه و تقوله يروحون يسكنون في بيت اهلها
ليش انشالله مافي شقق يعني تقدر تقوله نأجر شقه اي شي بس مو جذي
مو بالهواش تنحل السوالف
على سالفة المعاير ترا انا ما اشوفها مشكله كبييره حتى الخوات يتعايروو
عادي و اي اثنين لااازم تصير بينهم مشاكل

الريال احترميه وحبيه وموتي فيه ولاتخشين عنه شي بس اسرار اهلج تحملي لا تقولينها له الا اذا عازمينه علي عرس والا عزا لاسمح الله وباليمعات قومي فيه وديري بالج عليه شوفيه يبي جاي قهوه باشريه جدام اهلج علشان يقول بنت ناس وتعرف الاصول ودووم قوليله امي تمدحك وابووك ماايتكلم الا بطاريك بالسنع واخوي يموت علي سوالفك بهالطريقه تكسبين حب ريلج لاهلج ون صار لاسمح الله موقف وريلج درا عنه بالصدفه سوي نفسج ماتدرييييين ومنثوله قوليله تصدق مادريت باللي صار الا منك ياابعد قلبي وعقب يومين قوليله علي طاري ذاك الموضوع ترا الحمدلله انحلت المشكله وماصار شي حتي لوو الموضوع ماخلص

هذى شوي نصايح فادتني وانفعتني وحبيت اقولها لكم عساها تنفعكم بيوم من الايام وشوكرن جزيلن