|
|
بنات انا وايد متعلقه في بنتي اكثر من ما اهيا متعلقه فيني احس !
اهيا بجري ورضعتها رضاعه طبيعيه تقريبا سنه وهالشي يمكن خلاني اتعلق فيها اكثر
وما اشتغل فمجابلتها عالعموم انا وريلي من شهر العسل ماسافرنا صارلنا سنتين
الحين قرر نروح 12 ليله راحه ونخليها عند امي مع خادمتها للعلم اهيا خادمتها وايد
زينه معاها وتعرف تنومها وكل شي بس بنات ماقدر اخليها قلبي كل ماتقرب المده
احس احد يعصره وما احس اني باستانس بدونها مستعده اخذها واتحملها بروحي
والبجي وكل شي بس ما اخليها شاسوي بنات بس بعد ريلي له حق ابي اعطيه من وقتي
ومن عرسنا بسرعه حملت واحنا صغار تونا ماسافرنا ولا استانسنا اول شي حمل ونساه وولاده
بعدين لهيت مع التربيه اهوا ماعنده مانع ياخذها معانا بس من داخل اعرف مايبي يقول احسن لو نخليها
بس عادي اذا تبين .. والشي الي خايفه منه لمن ارجع ماتبيني وتبي الخادمه او تنساني احس هالشي
راح يذبحني .gif "Eh S(2)")
احد مر بنفس التجربه ؟؟
خليتي بنتج بروحها وشنو حسيتي او الايام واستانستي فالسفره او لا
لاني احس اني بارجع من ثاني يوم
هل قاعده ابالغ
بليز خففوا علي
نفس حالتي .. ولدي كان بجري . ورضعته ومتعلقه فيه وايد
وماكان عندي خدامه كنت رافضه عشان لا اعتمد عليها ويحبها لوول >>>شفتي حالتي
ف لمن يت بسافر والله والله لاخر لحظه وانا خلاص مابي اروح ..وتفكيري نفس تفكيرج كان .. راح يزعل علي .. ماراح ينام بليل ..وباخذه وياي .. راح وراح وراح
وبطريج السفر تميت ابجي لعوزت ريلي .. بس دموعي كله تصب
طبعا عدى اول يوم بسفر .. وثاني يوم شفت الوضع عادي شزيني ومستانسه
وماكنت اكلمه عساس لا يقول وينج ويبجي ووو .. كنت اكلم امي تطمني عليه
وعقب تاقلمت عاادي
اهو بسسسسس لانه هذا اووول مره تفارقينه .. وايد صعبه بالبدايه .. بعدين عادي
اصلن خطر فبالي انه انا بموت بطياره و ولدي ماراح يشوفني بعد هههههه
انتي بس ذكري الله
واستانسي . فكري بعمرج شوي و بوناستج وبريلج اللي ماقصر تحملج كل ها لفتره . الحين صار وقته اهو تهتمين فيه 12 يوم
جنهم يهاال ترا يبون رعايه ودلع
حاولي ماتيبين طاري بنتج وايد وتخربين لحظاتكم الحلوه
استمتعي يبا والله الحافظ
بس استخرت و توكلت على الله و سافرت لاني صج كنت مهمله زوجي بعد الولاده و التعب و السهر بعد تدرين
سافرت اسبوع دست على قلبي عشان ابوها
و استانست بالسفره وااايد و كنت متطمنه انها عند خالتي و خالتي تموت فيها و اكيد امج تموت عليها و تخاف عليها لا تحاتيييين
روحي و استانسي و خليها عند امج و مدام الخدامه تعرفلها عدل و تحبها هم خير و بركه
لا تسوين مثلي كنت كل شوي اغير رايي واقوله لا مابي اسافر و اخليها و عقبها اقوله لا خلاص بروح لييين حجزنا بنفففس يوم السفره و رحنا ههههه كان خايف يحجز قبلها بوايد اغير رايي و اقول مابي
توكلي على الله و ساااااافري
ويجعل عيالكم من الذريه الصالحه ويبرونكم طمنتوني
انا سافرت مع زوجي وخليت ولدي كان عمره سنه
كنت متعلقه فيه حيل حيل
وكنت متضايقه بس مابينت لزوجي ولانكدت عليه
والا من داخلي ودي اصارخ ابيه
حتى كنت اوصي عليه امي وخواني
ومن كثر مااوصي علبالهم فيني شي ههههع
بس لما طرشولي صورته ارتحت حيل ولما سمعت ضحكته قلت الحمدالله
والله لما رجعت ضميته حيل وبجيت جان تبجي خدامة امي وتقول اسبوع
وجذي اجل انا ياماما سنتين ماشفت عيالي قلت الله يصبرج
عادي حبيبتي لاتحاتين اهم شي استانسي وبنتج عند اهلج اكيد بيعتنون فيها
مت مت مت من البجي كل ما اتذكر سفرتي يتعصر قلبي وابجي
وبيوم المطار وبالطيارة مت من البجي دموعي تصب
اشم عطره وابجيييييييييي
خبال الحمدلله والشكر
كان عمره 8 شهور
وسفرتي 10 ايام
بس عادي يومين وتغير الوضع واستانست حيل بالسفره
ومرتاحه لانه عند امي حبيبتي
تزوجت وماسافرت وولدت ولدي ورضعته سنه وشهرين ومتعلقه فيه بطريقه مو طبيعيه
وسويت مناحه ومأساه وبجي قبل لا اسافر
من دشيت المطار نسيت كل شي ههههههههههههه
ماكنت متصوره اني راح اتحمل اسافر بروحي واوخر عنه
سافري وحطيه عند امج وله اختج بس مو كله عالخدامه يعني الخدامه ختساعد فيه بس مو تشيل مسؤوليته كلها وانتي مسافره
لاني اقرا ردود البنات واقول مسسسسستحيل اترك بنتي دقيقه بروحنا
عمرها٣ سنين وماعندي غيرها ولو اروح الفرع لااازم اخذها معاي
والله تكون نايمه اتضايق واتحرش فيها عشان تقوم
مادري انا اقول الله يهنيكم بسفرتكم بس عن نفسي سافرت وايد وكله بنوتتنا معانا
والحمدلله كلش كانت هاديه
و ترا اليهال يستانسون عند يداتهم و يلهون و ينسون
جربت اسافر عشر ايام لمن بنتي كان عمرها سنتين
و كنت من النوع اللي ماعندي خدامة و بنتي جابلتها و رضعتها طبيعي لي سنة و ثلاث شهور فا تخيلي شلون
بس استانست بالسفر و حسبت ان شهر عسل
الشي الوحيد اللي ضايقني ان لمن رديت اعتفست نومة بنتي و صارت كلهً تقوم بالليل و تفزز خذا فترة يالله تعدلت