♫ قعدة و حوسة الدوام ♫

——— متى تنامين حق الدوام و متى تقومين و منو يقعدج تحطين منبه؟
و شلون تتزهبين حق الدوام و
جم ياخذ وقت منج على مل تبدلين و هل تكونين مزهبه شنو راح تلبسين قبلها بليلة؟
و جم ياخذ وقت على ما تحطين ميك اب
و هذي الحوسه و يمديج تتريقين ولا لا؟ ———-

بنات عفية مشاركاتكم و الموضوع ممتع و انشاءالله يتثبت

بناااات مشاركاتكم

بقولكم نظام اختي حق الدوام
تنام بليل الساعة 11:30 و تقوم على 6
و قبلها بليلة تطلع هدومها و يكونهم و يبخرونهم و يعلقونهم بره الكبت و تقوم تغسل و عاد اختي اعة كاملة بس ميك اب و يزهبون ريوقهم بالسيارة و يسون لها مطارة شاي و تاخذها الدوام هاهاها
و اذا تبي تتسبح تتسبح قبل لاتنام لانه الصبح ما يمديها
عاد وقت الشتاء سنة سنة سنة على ماتقوم لو زلزال ماتقوم

امممممممممم انا عن نفسي يومي ملخبط يعني عادي اروح سهرانه واشتغل بس بدوام مرات اقفل وفوق هذا لمن ارد البيت ما انام العصر شوي ساعتين واقعد اسهر لي اليوم الثاني واقعد بروحي احط المنبة ومرات على حسب اذا حاطه ابالي احط مكياج اقعد مبجر اذا لا ما اقعد مبجر اقعد قبلها بنص ساعه واطلع ومرات ازهب ملابسي ومرات لا يعني ماكو شي محدد وسلامتج وبالنهاية يا كره الدوام لول

انام الساعه 11 ونص او 12

واقعد الساعه 6 وربع

ملابسي اختار اللي بلبسه من الليل ويبيلي على ما اخلص تقريبا نص ساعة

أنا أقوم الساعة سبع, والملابس مجهزتهم كل يوم مضروبين أوتي ومعلقين, خو عبي يعني ما أحوس وايد عكس لما كنت بالمدرسة أحوس بالكبت الله يعينكم
حتى الكعب محطوط عند الباب.
بس صراحة كلة تأخير لأني علما أقعد للمدارس وأعدل هندامهم, ويالله يالله كله تأخير …………………………
ما شاء الله أعرف صديقاتي يقومون إهمه ويا عيالهم من الساعة 5,5 الصبح ويا صلاة الفجر, ويسبحون عيالهم بعد……
ويروحون دواماتهم والمدارس مبجر
صراحة أنا أروح حدة حدة ووليدي كلة تأخير هههه
رفلة أدري بس عادي دوامي كل البنات تأخير
لا وقبل كنت أروح أوقع للدوام وأرد البيت أتسبح وألبس وأودي ولدي الحضانة ههه بايعينها

انا مالي وقت للنوم مرات اسهر ومرات انام علي حسب المزاج لووووووووول
اقعد 6 ونص لبسي ومكياجي ياخذ من ربع ساعه الي نص ساعه ومرات اكون مقفله مااحط ميك اب بس اضبط حواجبي واحط كحل بعيوني
ومااتريق لان مايمدي اتريق بالدوام

ان شاااااااااااء الله اتوظف واقولج شسوي

بيومي كله ..

قولووووا ان شاء الله اتوظف بالمكان اللي ابيه ..

متى تنامين حق الدوام؟ انام على ال 12
و متى تقومين و منو يقعدج تحطين منبه؟ اقوم 6:30 واحط منبه
و شلون تتزهبين حق الدوام و
جم ياخذ وقت منج على مل تبدلين و هل تكونين مزهبه شنو راح تلبسين قبلها بليلة؟ يبيلي ساعة الا ربع ما ازهب شي من بالليل كل شي الصبح
و جم ياخذ وقت على ما تحطين ميك اب؟ ميك اي الدوام 5 دقايق تقريبا
و هذي الحوسه و يمديج تتريقين ولا لا؟ اتريق بالدوام
ودمتم سالميييين

انا مرات انام على 11 ونص او 12 اذا تعبانه وهذا شي نااااااااااااادر لاني اغلب الاحيان اسهر

اقعد على المنبه الساعه 6 ونص >> دوامي قريب مو بعيد وايد

ملابسي اجهزها بالليل ,,, ما اخذ وقت بالمكياج لاني ما الا احط حمايه وشي بسيط

ما اتريق بالبيت ,, ريوقي بالدوام

ولازم انام الظهر لو رديت

ونااااااااسه
مشكورين على المشاركة و تفاعلكم مع الموضوع

anoud888 يارب تتوظفين في المكان الي نبينه و يسهل امرج

هلا والله خووووووووش موضووع

انا دوامي 7 وتص لازم اطق الكرت وأبصم

اقعد من النوم الساعه 5 بالضبط طبعا احط 3 منبهااات

علشان يقعدني لأن أنام متأخر شوي عالسااعه 11 وانا نومي ثقييل وقعدتي صعبه

واكون قبلها مجهزه ملابسي والميك أب وجنطتي وكل شي

طبعا اقعد 5 اتسبح والبس شي خفيف حق الميك اب وابتدي احط ميك اب وبعدها أبدل واخلص

وبعدين اذا في وقت اتريق اذا ماكو وقت اطلع على طول

طبعا الميك اب واللبس ياخذ مني ساعه بالضبط وساعات اتاخر لما اقعد متأخر من النووووووووووم

النوم سلطان والله ياحلات النووووم بس هم ياحلات المعاااااش هاهاهاها

هلا والله ..

اقعد 6 او 6وبع لانه دوامي بمدرسه لازم 7 ونص هنااك

والحمدالله المدرسة قريبه

الميك اب ياخذ 10 دقايق

بس انا انطر لما يتغير شكل عيوني من النوم مو تعاني مثلي ههههه

واشرب كوب حليب وبالدوام اترريق ..

وانام بالليل 12 12 ونص جذي