قطوي يروح الحمام ويطلع وذيله لاعت جبدي :(

قوه بنات شلونكم …

أنا أعاني من مشكله مع قطوط كل مربين القطاوة يمرون فيها بس من وقت لي وقت ….. بس هالأيام معاي آنا قاعدة تصير بشكل يومي

قطوط شعره طويل وكل ما يدش الحمام "مو عشان البوله لأ الشي الثاني " يطلع وذيله لاصقه فيه أشياء أتمنى تكونون فهمتوني … ويقعد يركض بكل البيت والريحه فايحه ومايرضى يخليني انظفه … حتى تنظيفه صعب اهو يقعد يلحس عشان ينظف روحه بس طريقته تزيد المشكله لأنه الوصخ يلصق بشعره زياده … وانا امسكه واحاول اشيل الوصخ بمقص خاص وأحيانا لما ما ينفع وتلوع جبدي اسبحه كله … بس هذي مو حاله مو معقوله باسبحه كل يوم … ما أدري ليش قاعد يصير معاه جذيه

شنو تنصحوني .. لازم أحل هالمشكله … امي قامت تعصب وتهدد قطوط بالتسفير حق سوق اليمعه " خدامه خدامه مو قطوه " وأنا ما اقدر الومها … شي مقرف … ساعدوني بليز

ههههههههههههههههههه الله يسعدك وش حادك علية هذا ولد موقطو

هههههههه شسوي أحبه … موسع صدري … لوما هالحركات القرعه

مشكوره عالمرور

اييييي مثل حاله اللي عندي كبيره عمرها ٤ شهور وتوصخ والمششكله مااا تحاول تنظف نفسسها ><
حتى ايدينها توصخها رحت قصيت شعرها من ورها خاصه المنطقه اللي توصخخها والشعر اللي طويل بايدها اقصصهم كل ما صار طويل الشعر وانتهت المشكله &#55357;&#56842;

انا بعد المشكلة محد في البيت يساعدني اقصلها شعرها وقمت ادور احد يقصر شعرها اليوم ريلي يقولي وديها حلقيها لوعت جبودنا
وبنزل موضوع عسى احد يدليني على مكان يقصره او خدمة تجي للبيت

تصدقين فكره … خلاص بحاول أشوف مكان يحلق لي بس شعر ذيله وشويه من ورا … الحين ياي الشتا واخاف يستبرد ولا جان حلقته كله

مشكوووره

اي والله لو أحد يدلينا مكان اييون لي البيت يكون أحسن .. أنا مره حلقت شعر قطوي بعيادة الدهماء بالري وديته الصبح وخذيته العصر حلاقتهم تمام وسعرهم مناسب بس تعاملهم مع القطو بصراحه موزين .. لقيته وصخ ودايخ … وتكرمين قام يرجع لأنه اهم ما قالوا خله يوقف الاكل عشان عطوه بنج المهم ما راح اعيدها عندهم ..

ومره دقيت على سيارة هذيل شركة Animal Care اييون لي البيت ويسبحون القطو ويقصون اظافره كله بره بسيارتهم جدام الباب شغلهم ممتاز وتعاملهم روعه ويحطون حق القطو ريحه اتينن بس للأسف سعرهم غالي ياخذون 25 بس عشان اييون رقمهم 50015757 .. وما ادري يحلقون شعر ولا لأ

إذا عرفت شركه ولا مكان حلاقه مناسب وعجبني بحطه هني …

مشكوووووره

انا اقص شعرها بنفسي اذا نامت هع اهي نومها ثقيل فاستغل الوقت اذا نامت ^^

عاد ناوية اشتريلي قطوة بس مالي خلق هالحركات والوصخ هههه

قصري الشعر حول الشرج كان قطوطي كذا احيانا وقصيت الشعر وارتحت

احس وناسه البسس<<<<< برااا

ههههههه يا حليلها .. أنا اللي عندي نومته نومة حمامه من أحد يلمسه قعد :/ بس اليوم تعاونا عليه أنا واختي اهي مسكته وأنا قصيت شوي من شعر ذيله … على الاقل حل مؤقت على ما احلق له .

ههههههههه اي والله …. مافيها شي كامل

إي هذا اللي سويته اليوم قصيت شوي من شعر الذيل وشوي من تحت … إن شاءالله تضبط وتنحل المشكله .

مشكوووووره

هههههههه ….. اهو 90 وناسه و 10 بالميه تصيرين تبين تزنطينه