قطوي مو راضي يتعلم على الحمام شسوي؟

شريت قطو من حوالي اسبوعين عمره 4 شهور ، من يوم شريته لي يومكم ولا راضي يتعلم يسويها ببوكس الرمل. اذا انا ما احطه هناك بعد الاكل علشان يوصخ تلقونه موصخ باماكن ثانية.

قريت بالانترنت ان يمكن الرمل مو عاجبه فغيرت الرمل ويبت نوع ثاني ماكو فايدة ، عندنا قطوة ثانية بالبيت وهم قريت ان يمكن ما يحب يوصخ بنفس مكانها فقمت وحطيت له بوكس بروحه بمكان ثاني وماكو فايدة ، شفت باليوتيوب طريقة ان تحكينه بالبوكس وتحركين ايده (نفس حركتهم لما بيوصخون) علشان يفهم ويعرف ، فيه طريقة ثانية ان لما يوصخ شيلي الوصخ ماله ونحطه بالبوكس ونييب القطو نحطه بالبوكس بعد علشان يفهم ان هذا المكان الصحيح ، كل هذا وماكو فايدة شسوي؟