|
|
السلام عليكم
بنآت أنا عندي دور ثاني بالاحصاء 
ونسبتي 66.5% وقآعده أحآتي إذا نجحت بالإمتحآن إن شاء الله وين أسجل ..
وانت تدرون إن 66.5% مآ تدخلني جآمعه الكويت أكـــيــــــد مآ تقبل نسبتي إلا التجآري إو قطآع التدريب
وأنا مــآبي التجآري ولا ابي اعيد السنه ( لانهم مصعبين المنآهج ومآلي خلق ) ..
قلت مآ فيه إلا قطآع التدريب او الجآمعآت الخاصه والبعثات الداخليه !!
حبيت أسألكم شلون طريقه البعثات الداخليه وشنو تخصصاتها ..
وقطآع التدريب ( دورآت خاصه + تفتيش جمركي + تدقيق جمركي + تحفيظ قرآن + إتصالات وملاحه + تصميم ازياء + سياحه ومناسبات + سكرتاريه اداره مكتبيه )
وأبي أعرف اذا دشيت الاداره المكتبيه .. شصير ( أصير أبله مكتبه او شنو ؟ )
مـآني عآرفه أبيكم تسآعدوني بنآت لأني جد متضآيقه وأحآتي ..
أتمنى تفيدوني
الله يوفقج وتنجحيييييييييييييييييييييين ان شاء الله
والله ماعندي فكره
بس حبيت ارفعاج الموضوع
أجمعين يا قلبي 
الله يعطيج العآفيه تسلممممممممممممممممين والله 
وإن شاء الله ألقى الرد عند البنات
واذا بتكملين لازم تعيدين الثانويه ترفعين نسبتج فانصحج روحي التجاري رفعي معدلج وحولي عالجامعه
همن يقبلون فيها بعثات الداخليه وفي بعد جامعه يديده همن تبع الامريكيه يقبلونج فيهاا بس لازم تجتازين المقابله
عندج بعثات خاصه مالت كلية بوكسهل
يقبلون نسبتج ..
وعندهم كل التخصصات وفيها بكالريوس عن قريب بـ يفتحونه ،
بس دراستها انجلش ..
وخصوصاً خاله عثمآن مشكوره
بس مو هآذا اللي أنا اقصده
أنا أسأل عن الادآره المكتبيه شيصير اذا دخلتها
يعطيكم العافيه ..
انتي ابله مكتبه !! تتكلمين بثقه انهم متخرجين من التربيه ! أنا سمعت ان الاداره المكتبيه اقدر اصير ابله مكتبه بس ماني متآكده وحبيت اتآكد !
ولا المجآري ( التجآري ) مع احترامي للمحترمات اللي فيه ما راح ادشه ولو بدشه ما كتبت وسألت !!
ع العموم مشكوره حبيبتي
بس نصيحه مني في تخصصات مو مرغوبه بالكويت يعني بس راح يضيع تعبج ووقتج عالفاضي وحتى بالوزارات مايدرون شنو يحطونج لي تخرجتي
البعثات الداخلية فيها تخصصات لها مستقبل حتى لو دبلوم
عندج ادارة اعمال محاسبة تمويل وايد اشياء مو عارفتهم بالضبط
بس على الاقل هالتخصصات لو بالمستقبل تبين تكملين تقدرين
التجاري تخصصاته زينه بس حطي في بالج ان بعدها تتوظفين في خاص لان شهادتهم بالوزارات كلش ما تساعد
اذا انتي عارفه نفسج ان مالج خلق تجابلين دراسه وايد وخري عن اتصالات وملاحة لان يبليه مجابل والي تبي تكمل تصير مهندسه ما اعتقد ان هالشغله سهله مثل ما يتوقعون
باختصار كل شي محتاج دراسة ومجابل
وخري عن التخصصات الي مالها مستقبل
|
المشاركة الأصلية كتبت بواسطة الأسطوره$$
 مآرلين q8
انتي ابله مكتبه !! تتكلمين بثقه انهم متخرجين من التربيه ! أنا سمعت ان الاداره المكتبيه اقدر اصير ابله مكتبه بس ماني متآكده وحبيت اتآكد ! ولا المجآري ( التجآري ) مع احترامي للمحترمات اللي فيه ما راح ادشه ولو بدشه ما كتبت وسألت !! ع العموم مشكوره حبيبتي |
حبيبتي انتي لاتحطين في البالج الناس الي راح يكونون معاج
لان كل مكان في الزين والشين
يعني دشي مكان في تخصص زين وتقدرين تكملين مستقبلج بعدين
احسن من انج تدشين مكان بعدين بتقعدين سنتين عشنا تتوظفين ومعاشج ما يتعدى450 ولا 500
ههههههههه حلوه ما تعرفين وظيفه ابله مكتبه 
أدري إن في تخصصات مو مرغوبه ! وأدري بعد ان كل مكآن فيه زين وشين بس أنا مآبي التجآري
والله اني محتاره بين البعثه الداخليه والتطبيقي !
والله يكتب اللي فيه الخير مشكوره يا قلبي