|
|
شلوونكم حبيباتي شخباركم والله اشتقت حق المنتدى وحق كل البنات
كل يوم كنت ادور اكلات وحلويات بشهر رمضان من المنتدى
و اقرا مواضيع الحمل والولاده واخر يوم جمعه بشهر رمضان كنت اقرا بالمنتدى وبعدها صار فطور ونزلت تفطرت مع حمواتي بعد الفطور حسيت بشي غريب طبعا عوار البطن ويشد مره وحده يتيبس يصير كره كان كل يوم يصير فيني جذي وانا بالشهر التاسع وعوار بظهري كل يوم اخترع اقول اليوم بوولد
لكن ذاك اليوم بعد الفطور حسيت ان نزل علي ماي دافي شويه صعدت غرفتي اتاكد قلت يمكن عادي
والا كل شوي ينزل بعد خفيف بعد شوي زاد قلت امبي شنو هذا دقيت على امي قلت لها قاعد ينزل علي ماي دافي
قالت اي شكلج بتولدين نطري شوي يزيد الطلق قلت اخاف انر قالت روحي الطبيب تاكدي
رحت طيبه كلينك لان كنت ناويه اولد هناك اراجع عند دكتوره منال السيد هناك
قالت خل نفحص ونتاكد اذا هذا ماي ولاده والا زلال عادي
فحصني والا العوار يزيد علي حيل يروح ويرجع بعدين الفحص الثاني قالت 5 سم يالله ودوها الولاده اناا قلت لا مو الحين
قالت لازم خلاص ولاده الحين
طبعا هي معطيتني رقممها من قبل قالت وقت تحسين بشي دقي علي والله و انا بالبيت ادق عليها كل شوي واسالها
والحمدلله يت لي المستشفى طبعا بدوا الاجراءات وانا مخترعه شوي بس اقول حق نفسي يالله اقري ايات واستعيني بالله وانشاءالله يسهل و اولد وارتاح يعني كنت اسكت نفسي.gif "Eh S(1)")
والله وبدا يزيد العوار الظاهر حاطين لي طلق صناعي بالدرب وانا مادري
والله والحمدلله صج كان تعب لكن كنت اقول يالله شدي شوي مابقى شي واقرا بقلبي واشد والحمدلله
لما طلعت بنتي الا انا متخدره ماحسيت بنفسي سيده نمت واحس متخدره انام واقوم
الحمندلله العنايه حلوه والدكتوره زينه والاكل حلوو والسعر طبعا جذب بجذب اوول شي قالو 270 بس قبل لانطلع قالو حق زوجي لازم تراجع المحاسبه طبعا حطوا سعر الحضانه والادويه والابر لما صار اخر شي 480دك وطبعا ياخذون الياهل كل شوي عشان يزيدون السعر ويعطونج ادويه مالها داعي مسكن وخرابيط انا مجربتهم المره اللي قبل والحين رديت الادويه اللي زمالها داعي والحملله
مابي اخرعكم بالعكس صج شي نحاتيه بالشهر التاسع لكن الحمدلله بيجي اليوم اللي تستسلمين والله يسهل كل شي بس اهم شي انج تساعدين الدكتوره و ماتخوفين نفسج عشان تتسهل الولاده
والله يسهل على الجميع يارب ويقومكم بالسلامه والله يسهل على خالتي بحملها و تولد بالسلامه وبنات خالتي
الحين انا خلصت واقول الحمدلله والله يعين الحوامل
والله يرزق كل وحده محرومه يااااارب ولاتنسون الدعاء للذريه الصالحه والله انشاءالله ماينسى عباده 
وعقبال كل الحوامل ان شاءالله
والفاااال لي اكتب موضوع عن ودلاتي انها مرت بسهااااالاااات ان شاءالله يااارب
ويبلغج فبنيتج عروووووس يارب
وتتربى بعزكم ان شالله
وعقبالناااااااااااااااااااااا
جم خذيتي من شهرج؟
والفال لي ان شاء الله قررررررريب
بس بغيت أسألج شنو المخدر اللي عطوج كمام والا شنو؟؟
واااااي الله يهون علينا يااااااااااااااااااااااااااااااااااارب