قصتي يمكن غربية,,,بس محتاجه مساعدة انا الزوجة الثالثة,,:(

السلام عليكم خواتي المتزوجات

طبعا من العنوان عرفتوا اني الزوجة الثالثة

طبعا زوجته الاولى بنت عمه وكانت حياتهم كلها مشاكل وعنده منها اربع عيال وبعد خمس سنين من زواجهم راح ارفعت عليها قضية خلع عشان يطلقها القاضي

وفعلا طلقها

وقسم البيت بينه وبينها هي الدور الاول وهو الثاني

تزوج بعدها من وحده بعيده جدا من اهله وجابت بنتين وبعدين طلقها ((لاسباب مااقدر اقولها ))الله يستر عليها

طبعا هو من اهلنا واحنا نعرفه زين انسان خلوق ودين ويخاف ربه وتقدم لي وافقت لاني مطلقه وعندي 3اولاد والحمدالله لنا الحين 7سنين مزوجين وعندنا بنت ولد

السؤال يابنات

حريمه المطلقات مااخذين البيت بنص

وحده فوق ووحده تحت

شنو الحل

تعبت انا وزوجي من الاجارات كسرت ظهرنا اجار بيتنا 400دينار

وزوجي مايدري شسوي نفس الوقت هذا البيت اللي ضام عياله

هل اقدر ارفع قضية على الاقل اخذ نص دور او اي حل او شنو ذنب اللي ضروفه ماتساعده

يابنات ترى زوجي صغير وانا بعد صغيره بس مكتوب علينا ونصيبنا جذي

اهو تزوج عمره19سنة يعني من يوم كان صغير عمره الحين 33سنه

وانا متزوجه زواجي الاولي كان عمري 16سنة والحين عمري 27سنه

يعني ليش كل الابواب مسكره بوجهنا

بنات اللي تعرف شي بقانون الكويت تساعدنا مادري شنو الحل

ما حبيت ادش الموضوع بدون لا اكتب شي .. عسى الله يفرج عنج انشالله .. راسلي الأخت محاميه كويتيه وانشالله تفيدج باللي تبينه

احسن شي تاخذين استشارة من محامي .. والله يكتب اللي فيه الخير الوضع معفوس فوق تحت ..

اي والله مثل ماقالوا البنات لازم تستشيرين محامي

وعسى الله يفرجها عليكم ويفتحها لكم اللهم اميين

اعتقد من حقهم يقعدون بهالبيت وين يروحون بعد بس غريبه صغار وماردو بيت اهاليهم
حاولو تدورون حل لو انتي وياه تاخذون قرض وتشترون بيت على قدكم قرضج على قرضه اذا في مجال

بس بيتهم ماعتقد في مجال حتى لو سكنتي عندهم عبالج بتسكنين مرتاحه بيطلعون عينج وانتي المفؤوض ماتفكرين تعيشين عندهم يمكن وحده تستغل الفرصه وتخليه يردها مادري شلون تفكرين تعيشين يمهم لوانا مكانج اتحمل كل شي ولا اعيش يمهم

الله يعينج… دام انه عندج عيال بعد ما تطلقتي ..جان تامه تربين عيالج وما تزوجتي أبرك لج من هالغربله
انا نفس حالتج مطلقه لكن ما عندي عيال وتقدم لي واحد عنده زوجتين..والحجي بينا بغيت اوافق..لكن اهلي رفضوا..ولما حسبتها عدل لقيت اني بتبهذل ..قلت دام انه الحمدلله مو ناقصني شي ليش اغربل عمري بهالزواجه اللي مو جايبه همها….ورفضته..وعساها خيره لي وله

وانا من رايي انج تسألين محامي أحسن يفيدج أكثر لانه خبره بالقانون أكثر منا
والله يوسعها عليج ويفرج همج

حاولو تبنون ملحق بالبيت اذا في مجال وتسوونه دورين حق كل وحده دور وانتى خلي البيت لج يتهيالي هذا انسب حل والله يوسع عليكم وتنحل مشكلتج يا رب

اتمنى انها ترد على موضوعي

ومشكورة اختى وماقصرتي على الدعوة الطيبة

اتمنى لو احد يعرف شي يساعدني ومشكورة اختى

سامعة ومتأكدة من هالشي ان البيت ينقسم على 3 و4 بعد ان مقسم وكل وحدة معزولة عن الثانية بس شلج بقثاهم والله مخاسير ولا اسكن مع شرايج

بس للظروف احكام احيانا الله يعينكم

آميــــــــن مشكورة اختى

حبيبتي مشكورة على الرد
وانا قبل كنت كاتبه موضوع عن القرض وشلون اقدر اشتري بيت
بس معاشي ماينفع بس 500
ومعاشه صافي الراتب من بعد القروض والمحاكم بس 400

سالنا البنك قال مايصير لازم فوق 700دينار عشان نعطيكم قرض السكن

لا انا متاكده مستحيل يرجعهم خاصه الثانية متاكدة مليون بالامية
والاولى بعد بنت عمه وماتحبه وماتبيه هي اللي طالبه الطلاق

ومثل ماقلت لج الايجارات غاليه 400دينار ايجار
قبل كنا الوضع عادي
بس يوم صار كل شي غالي والجمعية نروح نقط بالاسبوعين 150دينار غير الطلبات الثانية والخدم والسايق والسيارات الله يعين

الله يعينج حبيبتي بس فيه
اجارات ارخص وممكن انج تستشيرين محامي احسن لج واضمن

دوري اجار ارخص ولا اتقربين صوب الثنتين ابتعدي عن المشاكل احسن لج

النصيب والظروف اللي خلتني اتزوج
وانا تزوجت الثاني عمري 22سنه