|
|
السلام عليكم ورحمة الله وبركاته
بقولكم قصتي مع عمليات طفل الانابيب والله شاهد على كلامي
جربت تلقيحات وااايد والله ماكتب لي الحمل
حولتني الدكتورة لعيادة طفل الانابيب في الصباح
بعد التحاليل والمراجعات بدأت العملية وسحب وارجاع
المرة الاولى لطفل الانابيب التزمت الراحه القصوى وما اطلع ولا اشم اي عطر وكنت ملتزمه بالتعليمات بحذافيرها بس الله ماكتب لي الحمل
ونفس الشي المره الثانية والله ماكتبلي الحمل
المرة الثالثه كانت غييييييير والله يشهد على كلامي
بعد ارجاع الاجنه وبنفس اليوم صارت فيني كحه مو طبيعيه ولازمتني اسبوعيييين ومع كل كحه احس الرحم يختض ممن قوة الكحه حتى توقعت ان الاجنه طاحت
وطول الاسبوعين والله والله والله كانوا يزوروني ناس وكلهم عطوووورات وبخووور واصلة ريحتهم لاخر الفريج
وطول الاسبوعين اتحرك عادي بالبيت والعب مع عيال خواتي اليهال
يعني الحيااااة طبيعية عندي
اللي التزمت فيه:
كل يوم الصبح والظهر وبالليل اكل خيااار واشرب عصير برتقال
وملتزمه بوقت الادوية والتحاميل
والشي الاهم اني ماعلمت احد كلش عن العملية بس انا وزوجي اللي ندري
خشيت العملية عن اقرب الناس مني ( امي وخواتي )
والتزمت بالاستغفار وقراءة القرأن طول الاسبوعين
وماحسيت بأي اعراض للحمل كلش وكنت حاسه ان مافي حمل
رحت يوم التحليل لوحدة طفل الانابيب وسحبوا مني دم وقعدت انطر النتيجه والوضع عاااادي وكنت افكر اني اسوي عملية الانابيب على شهر 9
نادتني السستر وطلبت مني اروح للدكتورة منيره العدواني ( الله يجزاها كل خير)
دخلت عالدكتوره وعلى طول قلت لها ماكو حمل صح
طالعتني الدكتوره وقالت (( مبروووووك ))
قلت لها شنو؟؟
قالتي حامل
بدون احساس قمت ولميت الدكتوره وبجييت واهيا بعد حبيبة قلبي لمتني حيل وباركتلي
خلاصة الموضووع:
كل شي بيد الله سبحانه وتعالى اذا اراد شي يقول له كن فيكون
عييييشي حياااتج
انسي العملية لان كثرة التفكير راح تفشل
الله يثبتلي مافي رحمي ويهون علي يارب
والله يرزقكم الذرية الصالحه اللي تقر عيونكم
بس ابي اقول معلومه كل ماتكررت العمليه الجسم يتعود على المنشطات فبتالي ترتفع النسبه
كل شيء بيد الله سبحانه
أنا سويت محاولات تلقيح
و محاولة وحدة انابيب و كلهم فشلوا
كنت بالعملية حيل حيل متقيدة بالتعليمات
بس ربي ما كتب
و خيرة ان شاالله
انزين بسألج ، أنتي و زوجج عندكم مشكلة ، و لا تأخر انجاب غير مفسر ؟
و هل كنتي تطلعين من البيت ؟ تسيرين و تركبين سيارة ؟ و شلون إذا سألوا عنج الناس القراب بالزوارة ؟
والله يتمم عليج وينقلج لتمامه
|
المشاركة الأصلية كتبت بواسطة نكهةالبرتقال
 حمامة صالح ، الله يبارك لج فيه و يثبته و يرزقج الذرية الصالحة .
أنا سويت محاولات تلقيح و محاولة وحدة انابيب و كلهم فشلوا كنت بالعملية حيل حيل متقيدة بالتعليمات بس ربي ما كتب و خيرة ان شاالله انزين بسألج ، أنتي و زوجج عندكم مشكلة ، و لا تأخر انجاب غير مفسر ؟ و هل كنتي تطلعين من البيت ؟ تسيرين و تركبين سيارة ؟ و شلون إذا سألوا عنج الناس القراب بالزوارة ؟ |
هلاوالله بنكهة البرتقال
مشكلتي ضعف التبويض ومشكلة زوجي لزوجة على الحيوانات المنويه
طلعت مرتين زواره لبيت اهلي
وسبقاني ذكرت ان جيراني وصديقاتي يزوروني عادي ومالاحظوا اي شي
انا الشهر الياي عمليتي اذا ربي سهل وخايفه حيل تفشل والله كريم
والدوره من يوم مابلغت ماكانت منتظمه
والحمدلله على كل حال
حجم البويضه كان يوصل ١٦ و١٧ والباجي اقل من ١٠
التلقيح سويته في الصباح عند دكتوره صافيناز
وطفل الانابيب في وحدة الانابيب بالصباح وسويتها ٣ مرات
مرتين عمد الدكتوره طيبه والله ماكتب الحمل مع انها وااايد حلوه وطيبه
والمره الثالثه عند دكتوره منيره العدواني الله يوفقها ويرزقها الجنه ، قمة بالاخلاق والتعامل