|
|
السلام عليكم بنات
بما ان الوسيلة الوحيدة بعد التوكل على الله علشان احمل إني اسوي أطفال أنابيب وبعد ما فكرت واستخرت الله .وبلشت ويا دكتورة ماجدة اليتامى بعد تردد دام سنة تقريبا ..
قررت اني اسوي الموضوع مرجع حق كل وحدة بتسوي من الألف إلى الياء …
المشكلة قلة العدد عند زوجي ..
راجعت ثاني يوم الدورة (الزيارة تكلف 20 لو كانت المراجعة من أكثر من شهر و12 د.ك لو خلال الشهر )
وسويت سونار (20 د.ك) .
حددت لي الدكتورة ماجدة يوم الثلاثاء 11-11 موعد علشان تسوي لي منظار تشيك على الرحم .
سويت المنظار اليوم الساعة 9 الصبح كلفني 180 د.ك بعد الخصم 90 د.ك والمنظار تخدير ولا حسيت بشي وبعد ما طلعت جعدت عندهم لين 3 العصر .
مع المنظار سوت الدكتورة تنظيفات حق الرحم علشان الرحم عندي فيه زائد وخذت مسحة من الرحم للتأكد من بطانة الرحم وجاهزيتها .
عملية التنظيف كلفت 210 د.ك .
طبعا سويت تحاليل لازم ثاني يوم الدورة سكر ، فيروسات ، شاملة ، هرمونات … سويتهم برا كلفوني 42 دينار .
حساب الدرب والابرة مالت المضاد الحيوي اللي عطوني ايه 19.500 د.ك
عطتني الدكتورة موعد بعد اسبوعين يوم عيد ميلادي 25-11- علشان نبلش الخطوة الياية بعد ما تتاكد من المسحة والتحاليل .
وصفت لي علاج عبارة عن مضاد حيوي كل 12 ساعة ياخذونه بعد العملية سعرة 10.500 د.ك .
ومنظم الدورة اللي تعرفونه سعره 3 د.ك وشوي
وسلامتكم رديت البيت طبعن عوار مثل الدورة بس اهم شي انو عدم الحركة الشديدة والراحة باقي اليوم .
ونوافيكم بالتطورات عن قريب
يالله أن ترزق كل من طالب ، الذرية الصالحة زينة بالدنيا واللآخرة
وان شاء الله تحملين باحلى تؤام بالدنيا ^_^
تكون بويضاتج زينه و يثبت الاجنه كلها يا رب و تبشرينا
حدي متابعه وياج
والله يرزق كل محروم
وانا بسوي تلقيح صناعي ان شاء الله عند فوزيه القطان
احتمال يوم السبت
دعواتج يا قلبي
ويرزق كل محرومه بالذريه الصالحه
(((ربي لا تذرني فردا وانت خير الوارثييين)))
وان شاءالله تنجح عمليتج والله يرزقج على نياتج حبيبتي ماقصرتي انج تفيدين البنات بتجربتج والله
الله يرزقج ويرزق اخيتي وكل من تبي الحمل يااااااااااااااااااااااااارب
موفقه
ومتااابعيييينج يقلبي
باحلى توأم
ومتابعينج يالغاليه