قصة ولاادتي بمستشفى العرف واول مره اولد بخاااص ؟؟

السلاام عليكم ورحمة الله وبركاااته..

الحقيقه ياخوااتي العزيزاات..

حبيت اكتب قصتي عشاان كل وحده تستفيد ..

وانا اول مره اولد بمستشفى خااص شفت شي ماعمري حسيت فيه ولا شفته بالحكوومي..

والحمدالله السهاالات من الله لله الحمد قصتي نسخته لكم من تجمعنا مواليد شهر 6 عشان ابي الكل

يستفيد موبس بنات التجمع..فديتهم اشتقت لهم وحده وحده

وصج صج فرق الخااص عن الحكوومي..

بالحكوومي تشووفين المووت جداامج وعاادي مايحسوون كانهم يقوولون انتي اللي جبيته لنفسج

ولا مبالااه عندهم

والخااص شحلااتهم فووق راسج ويسااعدوونج والبركه بالبنج اللي ماشفنااه بالحكوومه مالت عليهم

يبوونه نتعذب

المهم امي ماكنت رااضيه اني اولد بالعرف تبيني بالسلام او الراشد وكانت شوي وتبجي تقوول العرف يذبحوون الحريم هههههههه من كثر الاشاعات اللي اطلعت عن هالمستشفى
بس صرااحه فيه اللي يمدح وفيه اللي يذم واللي كاتبه ربج لج بيصيرلج والحمدالله انا صليت استخااره وشفت بالحلم اني والده بالعرف ولاادتهم تجنن بالحلم بعد صلاة الاستخااره
وبعدها توكلت على الله..

ماطول عليكم ..
7
7
7

قصتي اهي

قبل لا اولد بيومين كان يجيني الم خفيف ويرووح بعدين استمر بس بالظهر عوار يشد عليه يعني يومين وظهري يعورني بس الظهر لاحظوو يعني بطني مااحس فيه

وبتاريخ 3/6 كنت بزواره عند اهلي يعني قبل ولاتي بيووم كان ظهري يعورني حييل بس متحمله والكل يقولي وجهج
متغير تحسين بشي وانا اقول لا بس ظهري شاد علي وامي راحت تسويلي اعشاب وشرب 3 اقلاصات غصب والله من امي وكنت بنام عند اهلي لان زوجي دوام بس عاد زوجي طلع فجاه والله استانست وقالي لا لاتناامين انا جاي
والحمدالله عاد كنت ابي النووم والله جيت بيتي السااعه وحده بالليل وحطيت راسي ونمت وزوجي قعد مع بناتي جايبين وجباات بعدين رقدهم المهم

انا نمت ماشاء الله ماحسيت بشي وقعدت السااعه 5ونص والصلاة طافتني وزوجي كان سهران قال ماحبيت اقعدتج شفتج ناايمه وتعباانه المهم قمت عزكم الله للحمام ويوم رحت الا نازل دم معااي والله استانست مع خووف شوي
لان اول مره ينزل معاي دم ومااحس الا بالظهر من يومين يعورني وتوضيت عساس اصلي وقلت حق زوجي الظاهر اليوم اولد ان شاء الله قال تحسين بشي قلت نازل دم معاي مسكين تخرع قلت لا تخااف عادي هذي ولاده ان شاء الله
قال تحسين بشي قلت لا بس ظهري عوار من يومين المهم صليت صلاة الصبح الساعه 6 وصليت بعدها استخاره ورحت اقعد خدامتي تسويلي دارسين وكلمت خواتي عساس يروحون معاي قعدت امشي امشي في بيتي واشرب دارسين
بس مافي شي تغير ورحت للحمام مره ثانيه والا الدم زايد شوي وعلى الساعه 7 الصبح طلعت من بيتي ورحت للمستشفى العرف وجيت الطوارى والا دكتور سوالي سونار يقول موباين شي لازم افحصج قلت ابي ددكتوره وجتني وقالت مفتووحه 3 سانتي استانست ويوم طلعت من الغرفه الا خواتي جدامي ماشاء الله يحضنوني وحده منهم تبجي ويوم شفتها قعدت عيوني ادمعت وانا على الكرسي المتحرك وزوجي راح يسوي الاجراءات ويحجز الغرفه وخواتي وصلووني لغرفة الولااده
وراحوو يقعدون بالغرفه ينتظروني لين اولد وانا من دخلت الغرفه غيرت ملابسي ولبست ملابس المستشفى للولاده وجهزت نفسي وقعدت على السرير والسستر تحط لي المغذي واللي كل شوي جايه سستر تفحصني وانا ميته من الخووف والكمام على رااسي جت السااعه 9ودكتورتي جتني قالت لي ماعليه الحين ولااده ماشاء الله مافي خووف وجتني افحصتني وانا اشم الكمام ويوم افحصتني معاها نفس العود 2 اثاريها قزتهم فيني داخل وانكب المااي وقالت مافي خووف ان شاء الله بعد شوي ولاده قلت متى قالت بعد 4ساعات والله يابنات دعيت للكل جمعتكم يابنات التجمع ودعيت لامي وابوي وبناتي وزوجي وكل مريض من جماعتنا وجميع المسلمين وسبحان الله انا وحلوة الاطباع بنفس الوقت نطلق واهي تدعيلي وانا ادعيلها الله يعطينه على قد نيتنا ياارب

المهم جت سستر وتغز في البنج ابره قلت شنوو هذي قالت طلق قلت ليش قالت دكتوره يقوول اثااريه طلق صنااعي طبعا انا من دخلت الغرفه ومااسكه الكمام كل خووفي عشان مااحس بالولااده واجرب الخاص عن الحكوومي طبعا انا اكلم السستر وانا متخدره يعني كان اقولها بتجاوبين والا بكيفج عاد اكيد جربتوو الكمام والهستريه اللي تجيكم ههههههههههه المهم حطتلي الطلق وانا والله مااحس بشي الا كل شوي جايتني وحده تفحصني تقول 4 سانتي واللي تقول بعدها بفتره 5 سانتي واخر شي حسيت بوحده تقول 7 ساانتي وقمت احس بوجع يفرق معاي وكل شوي يزيد 4دقايق ويزيد الساعه فوق راسي واشووف السااعه 11ووانا مااسكه الكمام اخاف يطيح من ايدي وانا موحااسه بايديني الثنتين وبعدين نمت وانا ماادري عن نفسي وقعدت السااعه 12 ونص فجاه محد قعدتني والا سستر تقول مبرووك مدام وانا مستغربه قلت شنو قالت انتي خلاص ولاده وانا مومصدقه ومستغربه الوضع شلون خلصت الولاده وانا ناايمه
وامسك بطني والا فااش مويابس وقلت وين بيبي قالت حضانه قلت شنو جيب انا قالت بنت قلت الحمدالله قلت مشيمه
وين قالت خلاص قلت خيااطه قالت كله مدام وانا مستغربه بعدها بنص سااعه قالت لي الحين رووح غرفه وانا للحين مفهيه مدري وين انا فيه لا تلمووني اول مره مجربه الخااص صج صج قط فلوسك بالشمس واقعد بالضلال صج فرق الخاص عن الحكوومي الحمدالله
ودكتورتي ماشفتها الا لما جتني تبط جيس البيبي وراحت وقت الولاده ماشفتها لاني كنت ناايمه
بعدها رحت الغر فه الا امي جداامي وخواتي ماشاء الله راحووو محلات الحلوو وكل وحده جتني معاها حلاااو شكل
الا امي تنااديني وانا من تحت السرير والكنبل على رااسي وتقول مبروك يامج وحمدالله على سلاامتج وحطوني على السرير وخواتي دخلوو علينا يقولون ماشاء الله على البنووته تشبه بنتج الكبيره وزووجج واختي صورتها

وانا ماشفتها الا السااعه 4 العصر ياحلاتها تهبل اسم الله عليهااا

المستشفى-العرف
دكتورتي-البلغااريه تسفتانا
البيبي ريما-الوزن 3كيلوو
الولااده السااعه 12 الظهر تاريخ 4/6/2011

اي نسيت اقولكم زوجي كان سهران يوم حجز الغرفه وسوى اجراءات الدخوول قالووله خواتي روح ارتاح بالبيت

الحين الساعه 7ونص وادا اولدت نبلغك والله ماصدق خبر مسكين يبي النوووم راح للبيت ينام ويوم جت الساعه 5 العصر جا اهوو وبناتي والحلويات والورووود كل وحده معاها ورده وزوجي معاه سلة ورد وكاكاو يهبل

والحمدالله على الخلااص الولاده جت سهله وكله من فضل الله سبحانه والمستشفى الخااص وانا امبهذله عمري بالحكوومه وقلت حق زوجي قال خلاص من بعدها مافي حكوومي كل خاص عشان تعرفين اني ابي رااحتج
والحمدالله المستشفى ماشفت منهم الا كل خير والسسترات حبوبات وكل ماضغط جرس للسسترات يجون بسرعه
وانا كنت متردده من هالمستشفى بس من صليت استخاره توكلت على الله ورحت لهم لله الحمد

ولدت وجبت بنوووته لله الحمد

واليوم لي 22يووم نفااس

والله يطلعني من بااقي شهووره يااارب

تحياااتي لكم ..

والله يسهل على الكل ياااارب…

ما شاء الله تبارك الرحمن …. الف الف الف مبـــــــــــروووووكـ
و حمد الله على السلامه حبيبتي
انا مو كويتيه … و انا طموووووووووووووووشه على قولتكم خخخخخخخخخ
بس موضوعك عجبني .. فيه اشياء ما فهمتها لاني بنوته بس ما شاء الله عليكي كفيتي و وفيتي
و الحمدلله طلعت المستشفى كويسه … لا تصدقين اي احد يقول لك هالمستشفى مو زين و ذاك زين … بعض الحريم الله يهديهم حسودين و ما يحبون الخير لأخواتهم
الف مبرووك و صدقيني فرحت لك من قلبي

لما جيتي تتكلمي على المستشفيات الحكوميه و الولاده هناك … ذكرتيني بمسرحيه لطارق العلي … هو و عبدالرحمن العقل … اعتقد اسمها (خاربه خاربه ) …. والله مصخر المستشفيات الحكوميه … و بين للناس معاناة الولاده هناك >>> دخلــــــــت غلط خخخخخخخخخخخ

حمدالله على سلامج و سلامت بنت والله يخليلج امج و يطول بعمرها
انا امي تحن علي تقولي راجعي حكومه لانه علاجهم زين و اخر ثلاث شهور روحي راجعي بخاص اللي تيبن تولدين فيه عشان عندهم ملفج و نصايح الوالدة بعدة لاتأخذين طبيبه من برا المستشفى عشان بوقت الولادة لاتوهقج و المستشفى ما عندهم ملف يبين حالتج لانه فيني فقر دم و الل يخليلي امي و طول بعمرها

الف الحمدالله ع السلامه
ومبروك العرووسه

الف الف الحمد لله على السلامه .. ومبروك ما جبتي

وصاااجه قط فلوسك بالشمس واقعد بالضلال .. اكيد الخاص فرق عن المجزره والسجن المركزي ( الحكومه )

الحمد لله على سلامتك و ربي يحفظ لك بنتك

و يجعلها من الصالحات الفائزات برضاه دنيا و آخرة

هلااابج يالطمووشه والنعم فيج يالغلااا هالمنتدى موبس للكويتيات ماشاء الله جمع جميع الجنسياات والنعم فيكم كلكم

والله يبارك فيج ماقصرتي وعقباااالج بس نصيحه لا ترووحين الا للخااااص

حمدالله علي سلامتج وسلامة البيبيه
انا جارتج من موااليد شهر 5 وتوني مخلص النفاس الفال لج يا رب

هلاافيج قلبي خاالد

انا رااجعة الحكوومهمن اول شهر لين الشهر الثاامن يوم دخلت التاسع راجعة العرف ودكتورتي وفتحت ملف وسويت تحااليل وماجيتها الا على الولاااده والحمدالله ولدت بسلااامه
والله يخليلج امج انتي بعد وجميع امهااتنا يااارب اللي بالمنتدى

الله يبارك فيج يالغااليه

والفاال لج ياارب

الله يبااارك فيج ..

اي والله احسن من السجن المركزي على قوولتج ههههههههه

صج حسيت اني بحلم وصحيت للحين مو مصدقه اني ولدت

والشكرلله عزوجل سبحاانه

اللهم امين وماقصرتي على الدعووة الحلووه ولج بالمثل

ويبارك بعمرج يااارب

الحمدالله ع سلامة ,,,, مبروك ماجاج
والله يخليكم ع بعض أهم شئ توفيق

الله يسلمج من كل شر يااارب

واللهم امين

والله يجزاج خييير