قرض ذوي احتياجات الخاصة

حبايبي منو عندها فكرة شلون طريقة هالقرض وشنو يطلبون وهل يطلعون يكشفون وجم القسط

الصراحة ماراح ابني شي بس بشتري شقة لبنتي تفيدها للايجار وطبعا مايعطوني لشراء الشقة والباجي احنا بنزيده

اللي عندها فكرة ياريت تفيدني

مشكوووووووووووووووووووووووووورين

لقرض 5000 للمعاق ما عدا الاعاقات التعليميه وتكون للمعاق الذي لديه بيت ويتم الخصم منه
وان كان المعاق ليس لديه بيت يكون على بيت ابوه ويتم الخصم من ابوه . وقد يكون على بيت الاخ او الجد حسب اجراءات بنك التسليف .ويمكن التقديم على القرض في المجلس الاعلى للمعاقين – الدور الاول
ولازم يكشفون على المكان

اقتباس:

المشاركة الأصلية كتبت بواسطة الصابرة المحتسبة هلا يالغالية لقرض 5000 للمعاق ما عدا الاعاقات التعليميه وتكون للمعاق الذي لديه بيت ويتم الخصم منه وان كان المعاق ليس لديه بيت يكون على بيت ابوه ويتم الخصم من ابوه . وقد يكون على بيت الاخ او الجد حسب اجراءات بنك التسليف .ويمكن التقديم على القرض في المجلس الاعلى للمعاقين – الدور الاول ولازم يكشفون على المكان

مشكورة يا الصابره
القرض مازادوه الي 10000
لازم في بنيان بالبيت ما اقدر اقدم وثيقة شراء الشقة
الحمدالله عندنا بيت مو محتاج ترميم ممكن اصبغ مو اكثر يكفي ولا لازم هدام وبنيان
شلون طريقة القسط رمزي ولا نسبة من الراتب

حراااااااام هذا حق عيالنا خل يستفيدون منه بدل ماهو عندهم

أما بالنسبه إنج تستخدمينه إستخدامات أخرى مثل العلاج أو غيره .. حاولت آخذها للعلاج ورفضوا
لأن تحتاج وثيقه البيت ومن بعدها لووويه ما وراها لوويه يعني لازم يكشفون

وسهل لج

يمنع وضع روابط لمنتديات أخرى
انا مسجله فيه ووايد حلوو ومفيد

اقتباس:

المشاركة الأصلية كتبت بواسطة مرمر مشكورة يا الصابره القرض مازادوه الي 10000 لازم في بنيان بالبيت ما اقدر اقدم وثيقة شراء الشقة الحمدالله عندنا بيت مو محتاج ترميم ممكن اصبغ مو اكثر يكفي ولا لازم هدام وبنيان شلون طريقة القسط رمزي ولا نسبة من الراتب

العفو يقلبي
لي لحين ما رفعوا قيمة القرض ولازم بنيان يامصعد او منحدر للكرسي المتحركة والقسط ينخصم من راتب الأب

أنا قدمته على أساس أني بحط المصعد وفعلا طلعوا كشفوا والقسط صار على راتب زوجي00وقيمته 150دينار

وجم وحدة من صديقاتي خذوا القرض وكانوا حاطين المصعد بس طلعوا لهم كشف علشان يتأكدون ان البيت موجود وهذا شي روتيني على حسب كلام المدير وأستفادوا منه بترميمات عادية 00وبالنسبة لبنتج القسط ينخصم من راتب أبوها عسى الله يخلي لها والله يسهل عليكم طريق القرض

او تسجلين الشقه باسمج وتسويين عقد عند المحامي ان الشقه لمرمر
شكثر ناس مسويين جذيه علشان مايحرمون اعيالهم من السكن الحكومي
والبيت يكون لهم بالباطن على قولتهم