قرحة الرحم

السلام بنات اشلونكم قبل اسبوع كنت رايحة دار الشفاء حق املراض النساء والولادة

ابي احط لولب لان مليت من الحبوب جان الدكتورة تقول مو مشكلة خل افحصج اول

بعدين شفت الصدمة على ويها اهيا ويا الممرضة تقول فيج قرحة والتهاب قوي

وسألتني : انتي ماتحسين بشي قتلها لا ، ولا وقت الجماع رديت عليها

لالالالا حتى انا فيني افرازات ثقيلة بس بدون ريحة عبالي عادي وقالتلي رحمج نازل

يعني شنو ما ادري المهم عرفت انا ما يصلحلي اللولب وبعدين

سوتلي تحاليل ومزرعة قالت بكتيريا قوية وعطتني مضاد ابلعة وتحاميل قاتل للبكتيريا

ما دري بنات ترى انا اعترف اني اهملت نفسي بالنفاس ماهتميت بنفسي وسويت رجيم

يعني ما خذيت لادوية لانها تمتن ولاسوالف ولد ورحت النادي وكن لي 25 يوم بس ابي

اضعف ما ادري الحين قاعدة استخدم المرة اغسل فيها واشربها ودشيت على قسم الطب البديل

وشفت عشبة اسمها السيدة السوداء او العباءة السوداء ما ادري لان بعد اعاني من الهواء

الي يدش بالرحم خاصة وقت الجماع شي يفشل الي تعرف خلطة طبيعية افضل

الان لا عت جبدي من الادوية معدتي صارت صيدلية لا تقصر وياي

انا ماعندي خلفية حق هذي الاشياء ودعيلكم ليل ونهار ولا بعد اسوي دعاية

مشاءالله عندي خوات بنات عم وبنات خاله يحبون سوالف مثل هذي

اللي اعرفه حبيبتي ان قرحة الرحم علاجها الكي بالتبريد عقب ما تخلصين كورس المضاد الحيوي

انا فيني بعد وقاعدة انطر شبصير علي

بنات انا كانت فيني قرحه بالرحم صغيره جتني عقب الولاده المبكره مع التهابات وكنت بسوي كي بس رفيجتي قالتلي انها استخدمت تحاميل البوثيل لمدة 10 ايام يوم وترك وراحت منها رحت شريتها من السعوديه واستخدمتها وفحصت عقبها قالوا ما فيج قرحه الحمدلله

الله يشافيكم