قدمت على بنك التسليف والادخار

بنات منو عندها معلومات عن البنك وشلون طبيعه شغلهم انا قدمت عندهم وانا عندي دبلوم بس مو راضين يحسبون الدبلوم قدمموني على الثانويه بس وحدة قالت لي اذا لج معارف او واسطه يمشون سالفه الدبلوم بليز بنات فيدوني يعطيكم الف عافيه دعواتكم لي بالتوفيق

شلون ما يقبلون دبلوم مو بكيفهم الحين تشتغلين على الثانويه وايد معاشج راح يفرق سألي عدل لا يقصون عليج

مرحبا اهما شنو حاطين اعلان بالجريده اعتقد مايسير اتقدمين الا اذا حطو اعلان بالجرايد وعادة ايكتبون شنو التخصص الي يبونه بالتوفج انا كان التدريب الميداني هناك شغلهم وايد مريح وحلوو وايد تحياتي

شنو دبلومج يمكن ما يبونة وجذي قالولج نقبلج ع الثانوية
سألي قبل لا تتوهقين ترى معاش ع شهادة الثانوية ولا شي

مشكورين ياحياتي
شكله جذيه بس وحدة قالت تقدرين تحطين واسطه هل الكلام صحيح ولالا

مين انا

انا بعد بقدم هاليومين ان شالله
بس سؤال
اهما طالبين شهادة من التأمينات شنو يعني وهل لازم اوديها ولا مالاداعي

وسؤال ثاني معاشات البكالريوس جم؟

وسؤال ثالث لازم واسطة عشان يقبلونج قبول نهائي؟؟؟

انا اخوى موظف هناك وهم نائب بالنقابة العاملين الخاصة بالبنك
اغلب شغلهم كراف
معاش لبكالريوس تقريبا500

يعني ورقه لمن يهمه الامر
شهاده راتب هذا للي يقصدونه حبوبه

والله بخصوص الواسطه ماعندي اي خبر
بس انا لي معارف وللي اعرفها مسافرة وماخذه اجازه يعني على الحظ واللي الله كاتبه بصير حمدلله على كل حال

والله ماادري حبوبه لمن رحت قسم الرواتب عشان اسئل جم يطلع المعاش صدمني قالي
ثانوي 553

والدبلوم 594 طبعا غير الزيادات والكوادر اذا كان تخصص كمبيوتر ولا شي ثاني

مو معقوله بس ماادري عفيه اذا احد يعرف يفدني واكون شاكره له

وين مكان التقديم حبوبه بليز ويقبلون شهاده ثانويه قديمه ولا لا

معاش الباكلريوس بس 500؟
اي شي
عيل ماني مقدمة

لا ماعتقد البكالوريوس 500

لنا معاش اي جامعي بأي مكان حكومي اقل شي 670

190 علاوه اجتماعيه
260 معاش اساسي
50 مكافأه من مجلس الوزراء
50 حق الي معاشاتهم اقل من 1000
120 غلاء معيشه

وراها يعتمد على كادر المكان الي تشتغلين فيه وبدلاته + كادر التخصص لو كان تخصصج له كادر.

فما اتوقع كلام الاخت صحيح اكيد اكثر من 500

بنات الجامعي مو 500 دينار

انا موظفه بالبنك و اقولكم الحين ان شالله عن الجامعي و الدبلوم هذا اللي اعرفه ان شالله افيدكم

الجامعي بدون كادر المحاسبين و القانونيين معاشهم 540+120+50=710 والحين بيهطونا بدل شاشه بعد من20ليمن 50دينار

جامعي مع كادر يصير معاشه 710+125دينار +835دينار غير بدل شاشه

هذا الصاااااااااافي بعد استقطاعات التامينات يعني مع استقطاع التأمينات يوصل اكثر

الدبلوم اذا مو محاسبه

يكون معاشه 450+120+50=520 غير بدل شاشه اللي قتلكم عنه

دبلوم محاسبه 520 +30دينار =55دينار غير بددل شاشه

وفي بعد كادر المهندسين

طبعا المهندسين المدنيين شباب بس لانهم يدورون على البيوت فما ياخذون بنات