|
|
السلام عليكم والرحمة شخباركم بنات,,,؟؟؟
انا عندي موضوع كونته من خلال متابعتي المحدده لبعض العضوات
انا شفت اننا احنا اللي نييب المشاكل لانفسنا بعدين نقول ليش صار جذي وجذي!
بتكلم عن "الطلاق" بتكلم من واقع تجربة شخصيه اني انا منفصله وحامل,,,
///////////////////
انا تزوجت حالي حال اي بنت و كملت معاه شهرين بعدين شفت منه امور و من اهله امور ما عجبتني من اول يوم
دخلت عليهم! مع هذا سكت وقلت هالاشيا ممكن اتفاداها لانها صغيره وانا بكمل حياتي معاه,,,
شفت انهم تدخلوا في لبسي و غيرته وقمت البس ملابس اختي اللي صار لها سنين متزوجه,,, تدخلوا في مكياجي و
ماقمت احط مكياج,,تدخلوا في عبايتي ونقابي و غيرتهم ولبسوني دسوس ولبست,, قالوا لبسي نقاب بالبيت ولبست,,,
قاالولي طبخي وطبخت من ثاني اسبوع خخ امحق عروس!,,,قالي ترى انا اوديج لاهلج واييبج يوم واحد و وافقت,,,
قال لا تروحين مع اهلج لجمعيه ولا سوق ولا غيره قلت زين,,,اهله يقطون علي نغزات الكون وبصراحه ارد عليهم الله
الشاهد اني كنت ارد ع قد المضره,,, ولا عمري حرشت الريال ع امه او خواته او حريم اخوانه,,,قالولي لا تقفلين شقتج
وماقفلتها,,, حملت ولا سمعت من خالتي وبناتها كلمة مبروك,,,و طوفت عادي,,,و طليقي من النوع اللي كل كلمة
يشاور امه وكل مشوار يسألها و سكت ماعلقت,,, و طليقي ما يتصل ابدا يعني مايدق يتطمن او يسأل او يدز مسجات
قلت اوكي يمكن ريال جذي طبعه…في بيتهم اليهال اذا بنت غير عن الولد البنت كله مهانه و الولد له العزة,,,حريم
العيال هناك خدامات.. صرت كل مايي لاهلي ابجي ومتضايقه واتشكى!
اتخيلوا عروس صارلها شهرين وحامل بس تبجي
ومتأزمة نفسيا تبجي من حياتها الغريبه ومن الحمل اللي اول مره وماتعرف شنو!
صارت بذاك اليوم الشعره اللي قصمت ظهر البعير وخلتني اطلع عن طوري و اخلعه قطني ببيت اهلي والسبب شي اتفه
من التفاهه اللي هي شكل العبايه! يقولي لبسي عبايه الراس المصكرة مو المفتوحه!!!! قلت عبايه الراس وحده سواء
مصكرة او مفتوحه ليش لهالدرجة انت معقد؟! قالي
الكلام مو معاج الكلام مع الرياييل وقطني ببيت اهلي,,,,,,!!!!!!!!!!!!
!!!!!!!!!!!!!!!!!!!!
!!!!!!!!!!!
!!!!!
هنيه قلت لاهلي وضحكوا محد صدق السبب,,,,و قمت ادق عليه ومايرد اربع ايام ادق ومايرد علي مع انه انا الزعلانه
بس ماعليه قلت احاول اصلح,,,بالاخير قلت يبه هذا اللي قطني عند باب البيت وانا حامل والسبب عبايه مااعيش معاه,,,
الحين عبايه وقطني عند الباب باجر مشاكل الدنيا شيسوي فيهم ؟؟ بعد بيقطني عند الباب لا وبعد بيصير معاي يهال؟!!
هذا ريال من عبايه استرخصني شلون اضمن مستقبل معاه؟ّ!المهم يانا بالبيت وقال اذا مالبست العبايه بطلقها قال اخوي
طلقها اصلا البنت عافتك وانت مو مال مسؤليه زوجه وطفل! عقبها واعدنا بالمحكمه عقب يومين وجان تدق اخته بعد مو
امه! واخته داقه تطنز تقول: اشدعوه بسبب عبايه بنتكم تبي الطلاق؟
قالت امي: الكلام وانتهى مع الرياييل توج تحاجيني؟؟
حتى لها اسبوعين عندنا ومادقيتوا تسالون عنها و هي حامل انا مابيني وبينج شي الكلام و خلصوه الرياييل,,,,
يوم يا المحكمه قال لا انا مابي اطلقها هونت و خل تلبس العبايه ترى مااتنازل عن العبايه اتنازل عن الطلاق اذا لبست
العبايه!!!!!!!
هنيه والحمدلله بفضل الله عطاني قوة واهم شي حكمه ان باين هالريال
مجرد شكل ولا يمت للرجوله بصله ووصلني للمحكمه بسبب عبايه ويقول يللا لبسيها وخل نرد البيت اشهالمصخره؟؟؟؟!!
شنو المحكمه فوضى؟؟!!! و تيرني للمحكمه بسبب عبايه شنو هالتفاهه يعني بتخرعني وتبيني اهون؟!!
الحمدلله بفضل من الله ثم من ثقه اهلي فيني وثقتي بربي ثم نفسي قلت للمستشار انا ماابيه!!!!! يوصلني للمحكمه
ويلعب باعصابي اسبوعين؟؟؟ انا بخلعه ,,,,,, هو بغى ينصرع ماتوقع اني ممكن اقول هالكلمة وفعلا خلعته و رجعت له
المهر بنفس اليوم خلال 3 ساعات رحنا المحكمه و ردينا بخلع عيل وين رجولته وين الطلاق اللي يقوله؟!,,,,,,,,
وانتهى هالفاصل من حياتي و قطيته ورى ظهري,,,,
…………………………..
اللي ابي اوصله اتخيلوا لو رجعت معاه شلون بتكون حياتي؟؟
بتصير اغث واغث ؟؟
و بيقول اذا ما طاعتني بشيء اخرعها بالطلاق واخليها اسيره عندي و ذليله وماترفض لي طلب؟؟
……………………………..
لكن ع الجهه الاخرى تماما طلعت ببياض الويه جدام ربي وجدام الناس ومحد لامني ع قراري كان الكل يشجعني ويقول خير ماسويتي اللي هذا اوله ينعاف تاليه و توج صغيره وعيشتج معاه اقل من شهرين والياهل ماراح يضيع وانتي خلعتيه ع شرف وانتي المظلومه والكل عارفه سالفتج وما تنلامين…
واني انسانه حاولت اعيش معاه لكن هذا واحد ابله ومايقدر….
و
طلع هو بسواد الويه جدام الناس هو واهله والكل عرفهم ع حقيقتهم وشبه الكل من اهلنا قطعوا العلاقه معاهم!!…
وطليقي تزوج وحده اكبر منه و ماتشتغل وعايلتها اللهم لا تبلانا عليهم سالفه تقص الويه و مو كويتيه
الحمدلله ع هالنصر
…………………………………
بنات اول النار من مستصغر الشرر اذا الريال شفتي من اولها مافيه خير اتركيه قبل تبتلين معاه,,,
واسفه ع الاطاله,,,,,,,,,,,,,
حسبي الله ونعم الوكيل
وعليكم السلآم والرحمه ,
الله يوفقج بحيآتج , والريال اللي وصفيته " ماعليه حسوفه " بالكويتي ,
بس لا تتشمتين فيه ويآ مرته اليديده , يمكن يلوقون لبعض
وثآنكيو على نقل تجربتج ,
تزوجت واحد من برا الديرة وسافر وخلاها وهي حامل وبعد جم شهر خذاها لديرته وسكنها ويا اهله بغرفة حتى مو
مؤثثه والحمام الله يعزج مشترك مع انه جذب على اهلها وقال لهم قبل الزواج انه بيسكنها بشقة منفصلة وكان
دايما يهينها ومايطلعها لكنها صبرت عليه وبأقل من سنتين طخ ويابلها شقة تترس العين ماشا الله
انة انقهرت وانة اقرى ..
والله ييسر امرج بالريال
الي يعوضج حبيبتي ..
واحسن شي ان اهلج معاج ..
الله يقومج بالسلامه ان شاءالله
امبيه شهالناااااااس شهالعقد
عقب اللي قريته اشوف معاج حق 100 % بعض الرياييل عبالهم الظلم سهل !! حسبي الله ونعم الوكيل