|
|
السلام عليكم
بنات
امس رحت سفينة الهاشمي
اللي بفندق راديسون ساس
بس ماقدرت ادخل لانه كان فيه حفله
بس كلمت المدير وقالي
انه اذا تبين 250 شخص اب 4000
ونعطيج احنا 50 شخص مجانا
والعشا عليهم وخدمة العصاير يعني اللي علي انا بس الكوشه وحلو القهوه
اي وبعد ليلتين بالفندق مجانا كل هذا اب 4 الاف
شرايكم ؟
في احد رايحلها ؟
انا ماقدرت اشوفها من داخل بس حسيتها قمته
شكله مافي غيير القلعه الملكيه ليلحين ماشفت احلى منها
تسلمون
فديتكم
انا يااااااااااااااااما البنات يمدحون شغلات وانا اقول وع من صجهم >> يعني شغله نسبيه
وهم لا قدر الله الله لا يقوله انها ما اعجبتج ترا تقدرين انتي بذوقج تخلينها أحلى قاعه بالكوشه والديكورات وإلخ
ألف مبروك
وان شالله تصير حفلتج احلى حفله يارب
رووووووووووووووعه وفخمه وراقيه وكبيره حلوه والعشا حلو منوع
والله انا الي اشوفه ان اهي مميزه من ناحيه الديكور اتحسين صج داخل سفينه من باب التغيير
وانتي تقدرين تلعبين فيها من ناحيه الديكورات والورد اتطلعينها غير انتي وذقج بالترتيبات مع الكوشه
غرفه المعاريس الي على خبري اذا ما تغيرت جنها بيووت اول على شاليه
والله يهنيج ويوفقج
وبشرينا عنج
الله يوفقج يارب
و شوفي القاعه حلوة بس انا حضرتها كان العرس طاولات و عازمين وايد صاير فوضى و مة مرتب
القاعه يبيلها مدرجات و ناس شويه على قدها تطلع عجيييييييييبه
موفقة يالغلا