في أي شهر يكون السفر مناسب مع البيبي ؟ :)

هلا والله حبيبتي

والله أنا ما أتخيل نفسي أسافر مع ياهل

وآخذ معاي بامبرز وحليب

أنا بالنسبة لي

ولدي الصغير ما سافر معاي لين كمل 4 سنوات

كنت لما أسافر ما أطول بالسفر

وأخليه عند أمي الله يطول بعمرها

والله تخيلي بعز الطلعه والوناسة

الياهل بينام

و بتغيرين البامبرز

لوووووووووووووية بصراحة

انا اعتقد ان السفر مع الطفل وايد متعب بصراحه ولدي عمره 10 شهور وللحين مو مفكره اخذه معاي اذا بسافر لان صج لويه من قلب
وخصوصا انا ولدي عسر الله يحفظه
3 سنين اعتقد يكون عمره مناسب

والله انا ولدي عشر اشهر ونص وباخده معااي بعد اسبوع ان شاءالله ..

بالسفر واايد اشووف ناس معاهم يهالهم عااادي ولاخدامه ولا احد يساعدها اهي وزوجها وكلها جم يوم وتردين …

في ناس ظروفها ماتسمح تخلي الياهل عند احد …

والله اذا سفرتج بو اسبوع او عشر ايام وعندج احد يجابله خليه لا تاخذينه لان اذيه لج لا طلعتو معاج مطاره ومميه وبامبرج وحليب وملابس ولويه لوووويه …. واذا سفرتج حيل طويله حرام لازم تاخذيينه معاج

بس انسب سفره لما الياهل يعرف حق روحه اذا بغى تكرمين حمام يعنى احسن شي وتضمنين مايغربلج 3 سنوات ونص

السفر بحد ذاته وناسه وتغيير جو

اذا وديتي البيبي معاج ابتخترب السفره
واااي يبجي بليل والا بيتغيرين بامبرز والا يبي ينام وقت الطلعه والا يخرب عليكم الجو

لا لا مستحيل الياهل يسافر الا الذا كما 4 سنين

اقل من سنه واكثر من سنتين

عن نفسي السفر من غير عيالي ماله طعم لان وناستي اذا شفتهم مستانسين

انا للحين ما جربت
بس اعتقد لما البيبي يكون ياكل … يعني مو معتمد على الحليب ولما نومته تكون متعدله

الله يستر انا ولا مره جربت ومضطره اخذه معاي امي مسافره وبجرب والله يعيني عليه

نصيييييييييييييييييييييييييييييييييييحه لاتقوووووولووون حرااام ماااحرااام انتي مخليته عند امج ولا خالتج يعني بتهتم فيه وتخاف عليه اكثر منج وااااااااااي بالعكس حرام اذا خذيتيه معاج واهو صغير ماراح يفهم شي وبيتغير عليه الجو اما اذا الكبير بيستانس بسس باذييج انا بقولكم تجربتين انا ولدت وسافرت خليت بنتي عند امي عمرها 6 اشهر اوووووووف استانست على راحتي انام البس اطلع ما احاتي بامبرز حليب الجنطه مالته خفااااااااف مرات ننزل بليل عال11 او 12 برررد عااااااادي مايهمنا شييي ننزل وجنه العيد اللحين عندي ولدين واحد 4 سنين والثاني 3 اشهر خذيتهم معاي مغصوووبه وااااااااااااااااااااي بو3 اشهر كللله نايم بعد عمري ولا نندري عنه بس عربانته نشقل فيها وبلشه مرات نروح اماكن مافيها اصانصير وبو 4 سنيين حننه وكل شوي ابي حماااااااام ابي حمااام ولا تراكض لاا والف لااااااااااا لسفره اليهال الا اذا كملو 10 سنييييييييين

مـــــــــــــــا ألــــــــــــــــــــومــــج !

من سنة وفوووق

بو اشهر كلش ماينفع حق السفر

[SIZE="7"]نصيحه لاتخلينه عند احد حتي امج شنو ايب ياهل وروح اقطه علي امي صراحه ماعندكم سالفه امهاتنا يبوت الي يرعاهم مافيهم شدة بسن هذا حق اليهال في الليل يبجي منو فاضي له غيرج انتي امه كل وحده تيب ياهل وتقطة علي امها حلوه هاذي صراحة منتي قد اليهال لاتحملين حتي لو معه خدامته ماينفع والله زمن مولازم اتسافرين الكويت اتبهل الام ماتقدر ولااي احد يقدر حق ولدج الا انتي نفسج والله اني اعرف ناس قطو اعيالهم علبو اختي امي اخرطيييييييييييييي اختي وحده من الناس خلت اعيالها عندي مااقولج اني مااهتميت فيهم لا هذي امانه بس حاطه ايدي علي قلبي طول الوقت هذا وين هذاوين اكل او ما اكل مرض ام لا .لا وفوق هذا كل يوم اختي ادق تبجي مشتاق حق اعيالها من صجها اقولها ذلفي وسده في ويها بعد انتي هادتهم ورايحه صياعه ليش تبجين مالت عليها وعلي زوجها

انا سافرت وولدي عمره بالاشهر استاااااااااااااااااااااااااااااااانست والله قمة المتعة ولدي جدام عيني ومااحاتي شي وبعدين انا مو شاريته من البقالة انا تعبت حملت وولدت وادري ان مسؤولية فليش ماكون قدها واتحمل والله شوفي الياهل احلى شي يكون مايحبي عشان يرضى يقعد بالعربانة واذا صار بعمر السنتين هم حلو بس من عمر6شهورلي سنة ونص مايصلح-والله يازين السفرة مع وليدي صج تعبت من ناحية اني مانام براحتي وماافتر كل مكان بس كافي مناغاته وضحكة وانتي وتحملج