في أحد من المتزوجات تعاني من المصيبه

يا متزوجات في احد منكم تعاني هالمشكله

متزوجه وكأنك مو متزوجه
يعني

عايش زوجك معاك عيشه اهو وعدمه واحد.. عايش حياته بروحه ..يعاملك بجفى مو طول الوقت لاااا تجيه حالات يتقلب فيهااا ما يتحمل منك شي ديماا سرحان وتقولين يمكن طبععع وبعدين تكتشفيييييين انا في قلبه وحده ثانيه مو قادر ينساهااا

يعني متزوج من قبل (مطلق)ولا خاطب (تركته الخطيبه) ومابرحت هالانسانه في قلبه

واذا في وحده تعاني هالمشكله شلون عايشه حياتهاااا وشنو التصرف الي بتتصرفينه اذا اكتشفتي هالمشكله

انتظر ردودكم

اصبر لما اتمكن من قلبه اللي يبي الحب السجي يتعب عشانه
ومثل ما الاولى خلته يحبها اكيد الثانيه تقدر.. دوام الحال من المحال

واذااا حاولت وماكووو فاايده
وأذاا الحب الاول متأصل في قلبه شنو تسوي؟؟

كل ذااا الموضوع شدكم قريتو محتواه وخلاص

مصايب حب اول

اشياء فيه مشترك مع اهله طيحته حيل من عيني كل ماااتذكر اقول اقعد بالاسبوع او اكثر وربي ابجي ولا اجابله لما فهمته انه غلط وتخيلي اهلي جذي حس ولما اتذكر ويعرف يوخر عني واذا ناقشته يسكت لان عرف انها مصيبه طيحته من عيني حيل

بالنسبه للحب قلت تبيني نكمل عادي تبي تفارق عادي لان ذا هو ماتنسا شلون انسيه؟؟

مسكينه الزوجه والله مسكينه كل شي بيد الزوج
طبعاا في الزين وفي الشين بس من الي اقراه اشوف الشين غالب على الزين

والي باط مرارتي اذا الزوج مو قد ولا بكفوووووالزواج ولا مستعد له ولا يقدرعليه ماخذ شريكة حياته ليش (شريكة حياته) (نقرهااا في الكتب بس)ولا بس روتييين صار الزواجج …المسكينه البنت تدخل لعيشه متأمله اماااال ورديه ويجي الزوجج يخليهااا سوده
اذا خذ له مرأه وحبسهااا في البيت …ولا يحاسبهاا على اقل شي تسويه ولا يهينهااا حتى خدامته يعاملهاا احسن .. ولا كلا هايت مع ربعه وما يذكرهااا لا في الشي الي يونسه شنووو ليششش ؟؟؟؟
انا الحمد الله سعيده جداا مع زوجيي الله يخليه لي أن شاءلله واتمنى لكل وحده تعيش حياة هنيه
والله انقهر من الي اسمعه واقراه
والله يكون بعون الجميع

مالج الا الصبر

الوحدة قبل ماتتزوج وتوافق على زوجها
أكيد كانت تعرف عن حالته الاجتماعية
يعني مطلق , أرمل , عزوبي , متزوج
ووافقت على ريلها شنو ماكانت حالته
واكيد قبل الزواج كان في فترة خطبه أو ملجه
وعن نفسي لو انحطيت بموقف جذي وحسيت أن للحين يفكر بحبه الأولي
أول شي أحاول أني أملك قلبه
إن ماقدرت ننفصل ببدايه مشوار حياتنا
قبل مايصير بيننا عيال وهذا أفضل لي وله

توني أكتشفت ان جفا زوجي في اغللللللللللللب الاحيان ناتج من تراكمات زواجه الاول

احس سالفة الانفصال صعبه كلمة نقولها بس مانطيقها يعني لو يقدر ياخذها جان خذاها صح؟يعني لو تطلق بياخذها انا ادري كان يحب بنت خالته بس ماادري اذا للحين

انا سعيده ومو سعيده

كل شي موفرلي خدامه مسشتفى خااص بكل ولاده اذا في مناسبه من احلى لبس نقال اخر موديل بس لسانه أكس وفيه تصرفات وع سوالف حريم يتدخل فيها اهله فري كويت بالخصوصيات يعني قلة ادب وهو يشارك معاهم بعدين يستوعب انه غلط

مافي وحده تعرف ماضي الزوج اذا جا خطب الي الاشياء الزينه اما الشينه محد يقولها بس احمد ربي عيشتي احسن بوااااااااااااااااااااااااااااااااايد من ناس اعرفهم اشكره زوجها يقولها انا احب رفيجتي لما تلبسله يقولها شبعان نايم مع حبيبتي وغيره بلاوي

عندي وحده من رفيجاتي ايه في الجمال
تزوجت واحد مطلق ولو تشوفين جمالها اسكتي شي خيالي
بس تحيلي من خذاها الرجال ساهي وباله مشغول ومو قادر يتحملها واخر شي قال لها ابي ام عيالي
تخيلي صدمها واهي حامل وقال مقدر احبج وانا عقلي وبالي مع زوجتي الاولى
المسكينه ولدت وجاها اكتئاب انفاس
وللحين مو قادره تتخطى مشكلتها اقولها البس انتي توج طالعه من النفاس تقول ماله داعي
مسكينه والله تكسر خاطري واهوه بكل برود طلقها

وبنت جيرانا ما تتخيلين انها عجيبه جمال وسنع
وبيوم عرسها نام بالغرفه الثانيه وبعدها بشهرين من المشاكل والبلاوي قطها ببيت اهلها وقالها مابيج
وانا جربت وشفت ولقيت ان زوجتي الاولى اهي اللي حبها قلبي
البنت انصدمت وبجت عنده قالت ليش تزوجتي
بكل برود رد عليها قال علشان اقهر زوجتي الاولى لانها تعاندني
شوفي الوقاحه صارو بنات الناس لعبه بدينه علشان يقهر زوجته
ورد زوجته الاولى والبنت ناطره تولد علشان تتطلق لان الحامل ما تطلق

ونصيحتي لج ساسيسه وتقربي منه واذا حاولتي ومافاد
ناقشيه بالموضوع وحطي حد لحياتك
قولي اللي عايفني انا عايفته واللي ما يبيني ماابيه مليون مره
ودام هذا تعاملك معاي فا اسمحلي مقدر اعيش مع انسان بجسد من غير روح

والله يهديه لج يا قلبي

وي وي وي
والله زوج رفيجتج الحمد لله والشكر
والله لا يقوله والله لو زوجي يقولي هالكلام واقسم بالله من اول يوم اشيل اغراضي واقول فرقااااااااك عيدين مو عيد بعد
هذ اللي ناقص ينام مع وحده ويقولي
يخسي
والله ما اقعد عنده
وصج الوحده واهي متزوجه اكيد بتكون بينها مشاكل بس ما توصل لهذي الدرجه
والله يا كثر ما تصير لي مشاكل وتصير لغيري وتكبر وتصغر
بس انه يتجرئ ويقول نايم مع حبيبتي
يروح في زمهرير عاد

ما اصدددددددددددددددق شنوقوة هالتحمل عندهم ياربي ما اصدقق ,,,حررام حسب الله عليهم من رجال ياخذون المراه ورده مفتحه ريانه ويتركونهااا ذبلانه
تخيلت روحي محلهم أسم الله علي ….. يا ربي كل وحده مصيبتهاا افجع من الثانيه انا لو منهم امووت قهررر من جد اموت قهررر