|
|
الســلآم عليـكم
شخـبآركم صبايا
أبي أسألكم جم سؤال ..؟؟
أنا بالتاسـع وأبي أعرف شلون يكون فحـص الولاده .. >> يعـني شلون الدكتوره تاخذ قياس فتحـت الرحم ؟؟
وشنــوو أعـراض الطــلق …؟؟
لاني أحـس بعـوارات ماني عارفهـ شنو إهي ؟؟؟
ولكم جزيل الشكــر على الإفاده
والله يهون علي وعـليكم جميعا ….
ربي يسهل عليكم ياااا رب .. وتولدون بالسلامة
الفحص يعني انها تدخل ايدها داخل .. طبعا مو ايدها كلها …
بالنسبة لأعراض الولادة ..
انا حسيت بعوار ببطني وظهري مثل عوار العادة ..
اذا حسيتي بهالعوار يروح ويرد كل خمس دقايق يعني ولادة 
امبيـــــــــــــــــــــــه .. ذكرتوني بذاك اليوم ههههه
كنت قاعده بسلام عالكمبيوتر وكنت قبلها امسويه صحنين فته .. يعني كنت مشتغله عدل .. وكنت ماشية ساعه ونص وسبحان الله قبل الولاده بيوم كنت رايحه الصالون اشوا
ايه اقولج .. اطقطق عالكمبيوتر .. حسيت بعوار العادة .. وكل مره رايحه الحمام – وانتوا بكرامه – .. وكل ماله يزيد العوار .. يروح ويرد
استغربت !! قلت خل امشي شوي بالصالة يمكن يخف العوار – شكو مادري – ههه ..
هم نفس الشي .. بس عقب قام يصير بين عوار وعوار دقايق قليلة ،، اول شي كان العوار ايني كل 10 دقايق بعدين قل الوقت .. قلت ماله داعي اروح الطبيب اخاف يردوني
وكانت الساعه 2 بالليل .. يا ريلي ولقا حالتي حاله وويهي منصفق جان اقول له ودني الطبيب بطني يعورني
مسكني اهو تدوده – قعد يرجف بعد عمري – شنو يعني بتولدين .. قلت له مادري يمكن بس ما توقع .. اخذ الجناط احتياط ( جنطتي وجنطة البيبي ) ..
ونروح الله يسلمكم .. جان يقول الطبيب نفحصها .. وتييني وحده تفحصني وااااااااااااااااااااااااااااااااي بغيت ارفسها يعوّر صراحه
الله يغربل بليسهم على هالفحص ,, وقعدت ابجي وياني ريلي حياتي يهديني بس ميخالف انتي مره كبيره تحملي وانا ابجي اقوله يعوّر شنو هذا لوووووووووووووول .. قال الدكتور مفتوحه 2 سم .. يبيلها يومين على ما تولد .. ردينا البيت ..
بحط راسي وانام .. الله وكيلكم ماقدرت انام كلش من العوار اللي حاسه فيه .. عقب حسيت اني بردانه وابي ارجع – تكرمون- .. واقعد ارجع واييب لي بالطو البسه ههه وقعدت انا والزباله امجابلتها .. وطبعا امسكره حلجي مابي يسمع انيني ريلي لأنه نايم .. بعدين قلت لا والله ابيه يحس قام يزيد العوار ومااااااااااااااابي خلالاص … خذيت زبالتي وبالطووي واروح غرفة النوم .. وابسط عالارض .. اون واون ومايسمع ونيني لووول قلت لااااااااااا لازم ازيد من الونه (( اون ورياح الليالي توني )) .. مسكين جان ينقز من الفراش يدورني ولاّ هاللي امبسطه بالارض ومجابله الزباله .. قالي شفيج .. جان ابجي بردانه وبرجع وبطني يعورني ما نمت .. هذا كان الساعه 6 الصبح ،، قاللي اوديج الطبيب يحطون لج اي شي يخفف العوار .. قلت له لأ .. اخاف يردوني .. جان يدق على اخته (( وهذا انا امصيته لا تقول لأحد ابي اولد واخلص بعدين ايوني )) .. جان تقوله لاااا ودها حرام عليك .. ويلا قومي .. وندق على خالتي (( اخت امي كونها ساكنه بنفس المنطقة )) .. يلا بنروح المستشفى .. ونروح وانا العوار يااا ويلي منه ..
هم ردينا على الطبيب والفحص (( شنو سبيت الفحص لووووووووووول )) وتفحصني الدكتوره وهم بجيت ..
جان تقول يلا ولادة .. ويدقون على طبيبتي عشان تولدني …
وكل ما يتني السستر بغرفة الولادة تبي تفحصني احط هالكمام .. لأنه صج اخيس مافي الولادة الفحص .. ولآذ الولادة سهالات ان شاء الله ..
ادري خرّعتكم بهالفحص .. بس عااااااااااااااااااااادي ..لا تحاتون كلها دقايق الفحص اي دقايق الا جم ثانية .. دقيقه بس
وسفّلت بالولادة وانا قاعده اولد (( العن ابو الولاده )) لوووووووووووووووووول هذا الكلام نقلا عن امي وخالتي هههه
بس الولاده مع هالكمام جنج بحلم .. صج انه تعب بس سهالات باذن الرحمن
عسى ربي يسهل عليكم ويفقكم وتشوفون عيالكم
ادري طوّلت عليكم سوري بس ملقوفه لازم اقول بالتفصيل
^
^
لا عادي أخذي راحتج خــيتوو
بس بـصراحهـ خوفتيني حـــــــــــــيل >> أنا ماأبي فحـص أشلووون ؟؟
لا والله عادي ،، اهو يعور بس مو ذاك العوااااار .. صدقيني راح تتحملين كله عشان هالبيبي
والفحص اتوقع لازم واحسن لج .. والأغلب يقول انه بس تفحصج دكتورتج ثاني يوم راح تولدين
انا عقب اسبوع من فحص دكتورتي ولدت
وكانت حاطتلي اخر موعد 31- 12 ولدت 26-12
سهالات لا تخترعين
ذكرتينا باللي مضي
حبيبتي الفحص على حسب الدكتور او الدكتوره … يعني اللي فحصتني بدار الشفاء دكتوره هاديه حيل وانا على بالي نايمه اثاري شكلها جذيه والله ما حسيت بايدها بس الدكتوره الثانيه يمااااااااااااااا تقولون بايقه حلالها
ودكتوري لما فحصني والله كان حنون علي … اهم شي تسمين وقت الفحص وترخين نفسج وتاخذين نفس عميق وخليها تفحص وان شاء الله ما تحسين بشي
واعراض الطلق:
على حسب الوحده في حريم يحوشهم عوار طلق …. وفي حريم مثل حلاتي تقلصات بالبطن المهم انه في عوار منتظم اهني يعني جربت الولاده
والله يسهل عليكم
يااااااااارب متى ((اون ورياح الليااااااااااااااااالي تون))
اي والله مانبي فحص
بس شلون يعني يشوووفون كل شي
مااااابي
حبيبتي لا تحاتين الفحص يعور بس مو وايد يعني تتحملينه ولاااااااااازم الفحص ما ادخلج ولاده الا لما تفحصين وبالعكس الفحص اهو الي يهيئ الرحم للولاده
يا معوده الفحص مره وحده وتتحملينه وبعدين بالولاده يفحصونج بس وانتي حاطه الكمام يعني انشالله ماراح تحسين صدقيني لا تحاتين حبيبتي انتي وكل البجريات الي معاج سهالاااات انشالله
والطلق الام نفس الدورة بس اقوى اشوي وانشالله تقومون بالسلامه وكلنا معاكم انشالله الله يسهل علييينا كلنا يااااااااااااااااااااااااااارب
أشلون دكتــور يفحـصج >> أنا أستحي خخخخ
الله يهون عـلينا
مليت وأنا أنطر هاللحظه >> أبي أشووف البيبي بصير أم
أدعووولي بليز
وفحص الولادةوانا اختج يذبح يذوب القلب الصراحه سأليني واااي ذكرتيني باللذي مضى مأساه الفحص
آنا الحين بآخر التاسع وفحصوني 3 مرات مرتين ما حسيت بشي ومره صرخت مع إن آنا ما أصرخ أبداً يعني الفحص على حسب الدكتورة
والله يعينج
انتي استرخي وبس
وبالنسبه للطلق .. يكون الألم من الظهر ولاف على البطن
اييلج فجأه وبعدين يختفي ويرد بعدين بفتره ولازم تحسبين
لأن اذا كان العوار كل خمس دقايق يعني ولاااااده
والله يسهل عليج