|
|
السلام عليكم …
شلونكم بنات ؟؟
أنا قلت فوفو22 وحرم راشد لاني دايم اقرى تعليقاتكم وردودكم تعجبني واحسكم فاهمين الدنيا
فديتكم لا تبخلون علي وهم الااقي كلكم خير وبركه
بدخل بالموضوع على طول
بنات أنا بنت عمري 21 مطلقه بس لسه بنت شفت أيام معاه تعذبت كثير والله حيل تأثرت بالطلاق مع اني ما احبه ولا اطيقه المهم .. هو كان مقتدر ومرتاح مادياً والله يشهد علي مابخل علي بشي كل شي بغيته جابه لي … الحين انا خلاص نسيته ومرتاحه ببعده
بس من فتره خطبني واحد على قد حاله وبيسكني مع امه وابوه بس هم شاريني يعني مو اول مره يخطبني من قبل لا اتطلق وهم خاطبيني مرتين بس انا رفضته عشاني احب اللبس والسفر والطلعات .. ويوم رجع خطبني مره ثانيه فكرت اكثر .. وانا متردده حيل مدري شسوي يعني ابوي معودي ع الصرف واللبس والطلعات ومو مقصر معاي بس خايفه اوافق وبعدين اندم .. حتى امي وابوي رافضين بس مايبون يقولون لي عشان ماياثرون على قراري
بس انا ما ودي ارفضهم عشان الولد زين وولد ناس ونعرفه ونعرف اهله واخوانه الكل يمدح فيهم وامه حيل طيبه وتجنن وتحبني ..
اللي جربت السكن مع الحموله تعطيني رايها ؟؟ واللي جربت تتزوج واحد على قد حاله هم تعطيني رايها ؟؟
والله اما مو تافه ولا احب الفلوس بس ما ابي اعيش بمستوى اقل من مستوى اهلي يمكنن مو مستعده ويمكن اتاقلم مع الوضع
بس تكفوووووووووون بنات ساعدوني والله محتاره ماني قادره انام ولاني قادره اكل بس افكر
الف فكره توديني وتجيبني والله تعبت
ماودي اطول ع الناس …
لازم تعرفين شي قبل لا تتخذين اي قرار
لازم كل وحده تمر بفتره انه ريلها على قد حاله حتى لو كنتي في بيت ابوج مرتاحه ومقتدره ومدلعه
لازم تتماشين معاه ومصيره الحياه انكم تتعودون وحلوو انج تشتغلين وتساعدينه مافيها شي الحياه تعاون
وبما اني كليتها من نايحه اهل الريل
فاول شي شوفي اهل الي خاطبج زينين ويعزونج
وثانيا الولد شاريج ويبيج
انصحج وافقي
بس قبلها شوري امج وابوج واهما ادرى بمصلحتج
موفقه يارب 
|
المشاركة الأصلية كتبت بواسطة talyan rose
 حبيبتي
لازم تعرفين شي قبل لا تتخذين اي قرار لازم كل وحده تمر بفتره انه ريلها على قد حاله حتى لو كنتي في بيت ابوج مرتاحه ومقتدره ومدلعه وبما اني كليتها من نايحه اهل الريل بس قبلها شوري امج وابوج واهما ادرى بمصلحتج موفقه يارب |
فديتج والله هم انا هذا رااي بس احان مدري الشيطان يلعب علي
واهله والله يهبلووون ينحطون ع الجرح يبرى … خالتي معاشرتهم لانه هو يصير اخو زوجها
وبالنسبه لامي وابوي يبون رااي بس احسهم مو موافقين
حبيبتي انتي ( مطلقه ) وتعرفين هالمسمى في مجتمعنا شنو يعني !!
ما أبي احسسج بضيج بس مو كل الناس يتفهمون ، والله بعضهم عندهم المطلقه مرض ومعدي بعد
وانتي حلو انه جالج واحد زين مثل ماقلتي وأهله طيبين وعيبه بس ان مستواهم المادي أقل من مستواكم
مايضر هذا الشي صدقيني دامه راح يحبج ويحترمج ويحطج على راسـه ،
فكري بالموضوع زين راح تلاقين من مصلحتج توافقين على هالزواج وماتدرين يمكن تكون
حياتج وياه أحلى من حياتج مع أهلج ..
والراي في النهايه لج ،
|
المشاركة الأصلية كتبت بواسطة هنـــــد
حبيبتي انتي ( مطلقه ) وتعرفين هالمسمى في مجتمعنا شنو يعني !! |
مشكرة ياقلبي .. والله ادري وش معنى مطلقه متعبتني حيل هالكلمه
بس هم وودي ارتاح تعبت من اللي صار لي …
اشتري الاخلاق والسمعه والفلوس رزقه من الله يمكن هالشخص الي على قد حاله يعيشج احلى عيشه مو شرط يغرقج بالفلوس او يعيشج نفس مستوى اهلج جان تحملتي الاولي الي ما قصر معاج
اذا زين توكلي على الله
|
المشاركة الأصلية كتبت بواسطة داريني
والله انتي واقعيه بس هم خلج قنوعه وماكو ريال كامل فلوس واخلاق
اشتري الاخلاق والسمعه والفلوس رزقه من الله يمكن هالشخص الي على قد حاله يعيشج احلى عيشه مو شرط يغرقج بالفلوس او يعيشج نفس مستوى اهلج جان تحملتي الاولي الي ما قصر معاج اذا زين توكلي على الله |
ادري ماكو ريال كامل
بس هم الاولي ماكان كامل فلوس بس بدون اخلاق ..
تسلمين عمري
والله يكتب لج اللي فيه الخيير ..
|
المشاركة الأصلية كتبت بواسطة لوازم العائلة
الله بوفقج حبوبه
|
اجمعيييين ياااااااارب
|
المشاركة الأصلية كتبت بواسطة نواارهـ
استخيييرييييي
والله يكتب لج اللي فيه الخيير .. |
ان شاء الله
آآآآآآآآآآآمين يآآآآآآآآآرب
ان كان الولد زين .. اخلاق ومستوى جيد
لاترفضينه …. انتي جربتي اللي عنده خير وماارتحتي …
استخيري حبيبتي .. وفكري عدل … يمكن الفرصة ماتتكرر
|
المشاركة الأصلية كتبت بواسطة دمعة يراع
فرصة الزواج نادره هالايام
ان كان الولد زين .. اخلاق ومستوى جيد لاترفضينه …. انتي جربتي اللي عنده خير وماارتحتي … استخيري حبيبتي .. وفكري عدل … يمكن الفرصة ماتتكرر |
تسلمين قلبي 
الله يشرح صدري