فوضى في المدرسة صح النووم يا مديرة؟

أنا ولية أمر في هالمدرسة وبنتي كل يوم ترد من هالمدرسة بسالفة أقوى من اللي قبلها…مرة البنات يشربون سجاير؟ ومرة معاهم إم بي 3 ابو كاميرا؟..ومرة بنت تق…. زميلتها أعزكم الله في الحمام ؟والحال يسير كما عليه والإدارة مشغولة يصرخون على بناتنا اشوي وبعدين تنتهي السالفة والجاني يعفى من العقاب..

الاخصائية اكلمها..أقولها ليش الفوضى هذي؟ ترد علي وتقول اشدراني أنا ناطرة السنة هذي تخلص وأقب بعمري من هذي المدرسة….صح النوم يا مديرة أعضاء مدرستج الموقرة اصبحوا يتذمرون من الفوضى اللي في مدرستج بدل ما يوقفون صف واحد ويسندونج يكون هذا موقفهم والظاهر انا بقب بابنيتي السنة الياية؟

اختي للاسف لاحياة لمن تنادي انا بصراحه شفت الهوايل بمدرسه متوسطه وانحشت منها لاعت جبدي حاولت اغيير بس ماكو فايدة–

على فكرة اولياء الامور مايرضون تخانقون بناتهم او تعاقبونهم ومافي رادع وزاري من الاستهتار هذا

كل ماقلنا لوليه امر قالت بنتي وكيفي مو انتو اللي تربونها بنتي متربيه احسن تربيه!!!!!!!!!!! واضح

للاسف صارت مدارس الصبيان احسن من البنات وهذا الوااقع

انقلي بنتج احسن لان مو كل المدارس نفس الشي

الله يكون بعونج

استغفر الله .. والله شي يضيق الخلق ..

امس امي راحت لمدرسه اختي ثانويه تستفر من معلمه عن مستواها ( ترى امي كبيره حيل بالسن ) تقول دشيت ولقيت المدرسه فوضى وكل البنات بالساحه تقول احسبها فرصه تقول دشيت على الوكيله وقلت ابي المعلمه فلانه قالت عندها حصه قالت امي الحين حصه !!!!!
البنات كلهم بالساحه تقول الوكيله هزت راسها وسكتت >>> ما عندها رد

وهذا غير دايما بنات يدقون على امي الصبح يقولون خاله روحي اخذي بنتك من المدرسه الصف ما فيه احد >>> اختي موصيتهم !!!! كل من هب ودب طلع بنته ليش !!!واذا امي ماراحت جت اختي تبكي تقول كل البنات بصفي ياخذونهم اهلهم بنص الدوام وما يبقى بالصف الا تقريبا 5 !!!!!!

ما اقول الا حسره على ايام قبل لما اموت قدامهم يا الله يطلعوني من المدرسه من شدة الاداره

لا تنسين ان مو المديرة اهي اللي بتربي
اكو اهل المفروض ربو عيالهم بالبيت واحنا نكمل الطريج
يعني البنت تلعب على كيفها بالبيت
اهو نت وجات تكلم بنات صبيان بويات وت ايفر وتشوف فيديوات على كيف كيفها في البيت وكل بنت عندها لاب توب بالبيت بغرفتها وتلفونها على راحتها بغرفتها
يعني شبتسوي الناظرة ؟؟
صح لازم يكون في حزم على البنات
لكن ثاني يوم الامهات يايين يعصبون شلون تحاجون بنتي وتزفونها
وان اسحبو تلفون البنت يت الام تاخذه وترجعه للبنت بالبيت

شالفايدة؟؟؟؟

يعني وحدة من بنات العايلة بالابتدائي تقول رفيجتها يايبة صورة مرأة عندها شي متفوخ اهني ( صدرها ) بالله عليكم بنت بالابتدائي شلون تحصل صورة جذي؟؟؟؟؟
والله انقهرت على بناتنا
بيوت اهماااال فيها مو طبيعي ومحد يجابل عياله وعلى ابو انه تحضر وثقافة حتى البيبي بيده تلفون ولاب توب
ما عليه عطوهم لكن وين المراقبة؟؟؟؟

الله يستر على بناتنااا

حبيبتي مدرستك اي منطقه تعليميه ؟

اخيييييييييييييييييييييييه على مدارس ما تسمعين فيها صوت للابره لي درجة ان اولياء الامور وضيوووووف المدرسة يحسبون ان محد مدااااااوم من الطالبات من كثر النظااام والهدووووووووووووووووووووووووء عساااااج عالقوة يا مديرتنااااااااااااااااااا وكثر الله من امثااااااااااااااااااااااااااااااالج

بصراحه الوضع لا يسكت عليه بس غريبة موقف الاخصائية

انا طالبه ومدرستنا فيها الهواااااايل
اليوم البنات جايبين لاب توب وقاعدين بمختبر العلوم وطبعا ماحضروا والا حصه اللهم الامتحان بس مخلين الحصص ورايحين لي يترقصوون واغاني وداخلين جات وماحد يكلمهم حتى الابلات ليش ؟؟؟
لان ام وحده من البنات الي معاهم ابلة علوووم !!!
وادارتنا مايدرون وين الله قااطهم الحمدالله والشكر بس صرااخ ولايدرون شسالفة
يالله مابقى شي وأفتك من هالمدرسه ..

واي .. أنا ما يعجبني الحال المايل ..

زين ما أمسك البنت .. و أعطيها سطارين .. أخلي عصافير تفر حول راسها ..

قطيعه يا المتوسطه و الثنوي .. زين إني إبتدائي .. الحالات نادره .. وتقريبا معدومه ..

والله الواحد ياسف لحال التعليم في الوقت الحالي ، انزين ليش كل هالاشياء موموجوده في المدارس الخاصة ، الطالب امانه واذا صلحت الادارة والمعلمات صلحوا الطلبة وتغير حال التعليم .

واي

اشوه اني ابتدائي وصبيان بعد

الله يعينكم
ونصيحه احسن شي نقلي بنتج

الحمدلله ادارتنا متشدده ونظام

والمدرسه أول وتالي على الاداره

ولكن
واذا كان رب البيت بالدف ضاربا

فشيمة أهل البيت كلهم