فك ربط عنق الرحم

السلام عليكم ورحمة الله وبركاته
شخباركم ياحلوات
بغيت اسألكم انا مسويه ربط عنق الرحم
اول مره اسويه والحين ماادري ابي اروح خاص
يفكونه لي مابي حكومي ينوموني
ياليت الي فكت الربط تفيدني بالسعر واي مستشفى
وصج الي تفكه على طول تولد
وجم المده الي قعدت فيها بالخاص ووبنج ولا بدون

انا فكيته بالحكومه ٣ ايام وولدت والحكومه ما ينومونج بغرفة الفحص يفكونه لج بدون بنج وتطلعين على طول

وعليكم السلام
شلونج دلع وينج مختفيه! ؟

حتى انا مسويه ربط وخايفه من فكته احس يعور لان بدون بنج
ادري انه مايكلف ولا فيه تنويم ولا بنج وممكن بعده بجم يوم الولاده
بس احاتي العوار والالم شلون بدون بنج مو مستوعبه وهل الالم مثل الم الفحص!؟
ووممكن تفك الدكتوره الربط وتفحص وتسوي توسعه بنفس الوقت!؟

امواج مشكوره ياقلبي
ياليت البنات يدشون ويفيدونا اكثر

هلا مرت الغلا انا غاطه بقروب الوتس
علشان جذي ماادش التجمع

مااعرف ربي يسهل عليكم

الله يسهل عليج

اختي انصحج تفكينه بخاص لاني جربت فكيته بالحكومه بغيت اموت من الالم صج ان خمس دقايق ويفتحه بس كانت اطول خمس دقايق بحياتي حتى بنج موضعي ماحطولي فعشان جذي انصحج روحي خاص يمكن يعطونج بنج

مشكورين الي ردوا

نبي ردود اكثر

انا جربته بحكومي بس فكيته عالسادس لان صار ولاده مبكره وتوفي البيبي بس طبيعي ولا في الم اقل الخمس دقايق
الطبيبه تخلي اللي يسموهه البطه تفتح العنق وتفك الخيط برمشة عين ماتحسين بشي ان شاء الله تقومين بالسلامة انت والبيبي
لا تحاتين بسيط ومافي اسهل منه الله شاهد سوي وتتذكرين كلامي

انا فكيته بالهادي قالت دكتورتي افتحه لج هني تقصد بغرفتها مالت المراجعه قلت لا ابي فوق ابي بنج كنت خايفه صعدت فوق خذيت كمام تعرفون كمام الهادي شلون يخدر
ونا اخذ الكمام صج اني بعالم ثاني بس احس بنغززات تحت بس موعوار ولا شي قلت الحمدالله اني ماسمعت كلامها وتبطله بدون بنج

اب

اب

اب

الله يسهل عليكم يارب

الحين ماعرفنا وحده تقول يعور ووحده تقول لا !!!!

انا دكتورتي عياده خاصه مو مستشفى يعني ماكو بنج ومخدر بعيادتها
ميته خوف

والي بطلوه متى ولدتوا!؟

اانا عن نفسي قعدت اسبوعين واختي دايم تسوي ربط وكل مابطلو الربط يحولونها ولاده