|
|
السلام عليكم
شلوونكم يا حلوات
ان شاء الله بخير وعافيه ..
طبعا من فرارتي بالنت حصلت جم فكره بسيطة ومايبيلها شغل ..
ومنها تلطف الجو و تقربكم يم بعض …
(( طبعا الزوجين هاا مدندنه ;p .. الصبر زين وانا اختج ;P ))
وطبعا انا من طبعي مااحب الاشياء اللي تكون حجي وبس لانه يمكن انا استوعب شي وغيري يفهمه غير ..
المهم اعطيكم الزبده فديتكم عجبتني هالفكرة وقمت طبقتها خطوة بخطوة توني من صباح الله خير ;p
واتمنى تعجبكم …
نبتدي ..
))))) فـــكـــرة الصندووووق (((((
اشتري صندوق صغير (اكيد بتحصلين عند ايكيا منهم وايد بالوان حلوة ) وانا طبقا قمت شفت اي صندوق جدامي خذيته
ورزيته بالصورة كمثال 
ونبدي في التجربة …
تحطين صندوقج جدامج (( انا استخدمه علبه من ايكيا )) و نثري داخله ورود حمر وبيض (( وطبعا ماعندي
من الصبح فخذيت خيوط بنت اختي تبع الحياكة الملونة وحطيتهم بدالهم :$ ))
بعدها حطي بجامة ريلج المفضلة (( وانا استعرت بجامة ولد اختي الصغير :$ ))
و رشي عليها عطر يحبه ..
وحطي فوقها الكاكاو (( حست وحست ماحصلت الا كاكاو كتكو ;P ))
و حطي ورقة تقولين فيها انج بتكونين مستانسة اذا لبستها هاليوم وانتي حددي على كيفج او اي كلمة حب وغزل ^_^
(( طبعا رزيت فيسي وكتبت ورقة حق ريلي الخيالي :$ ))
وهذي مصورتها اوضح يمكن وحده فيها حب فضول مثلي :$
والحيييين بكل سهولة خلصتي صندوق حلوو بسيييط وطبعا عالسرير تكون احلى بس حطي بالج من الشموع مو
تحرقين السرير على حساب هديته ;p
وانا طلع معاي هالشكل من بعد الشموع و تذكرت انه امس معطيني وردة عشان يساحلوني فقلت خل اييبها ازين فيها ^_^ ..
7
7
وسلامتكم ^_^
السموحة عالاطالة :$
بس همن مشكووووورة على الاقل تشجعين البنات الثانيين يسوون مثلك
اي والله حست من الصبح هذي اللي قدرت اقزرها عليه 
ميرسي عالمرور فديتكم ^_^
حلوة فكرتج بقول حق اختي تسويهااااااااااااااا
الله يرزقج الزوج الصالح يا بعد قلبي ونفرح فييييج
احم احم احرجتينا بتواضعج :$
الله يوفق الجميع يااااااااااااااااارب
ربي يرزقج الزوج الصالح ويبلغنا فيج بس و الله ان ماعزمتيني لا ابط راسج فهمتي
اي احب سوالف الديكورات تبين اضبطج حجزيني قبلها بجم يوم مثل رفيجتي تبيني اسويلها واهيا متزوجة
يااخي خل تشتغل بروحها
الله يرزقج بزوج الصالحه قولي امين
احسن طريقة ذربة عشان تخلين ريلج يلبس بجامة معطرة لج بالبيت ومشكوره
حياكم بعد جبداتي ولو :$
حسافه على قعدة الصبح