|
|
شلونكم بنات
يدخل موضوعي سييييييده
الله يسلمكم انا حامل ولله الحمد اب بجري
وماتخيلون فرحتي ((يارب الله يتمم علي و على كل حامل ويرزق كل طالبه ذريه و طالبة ستر مناها))
المهم كان بخاطري اسوي حفلة استقبال ابيتنا وامي ما عارضت
بس كل ما اطلع بفكره تعارضني ….كنت مفكره بدال السوفينيرات اوزع قرآن و ماي زمزم بركه و كاكاو طبعا….ردها "ليش راده من الحج"
اقولها مابي احد يزورني بالبيت قبل الاستقبال …. لان ميزانيتي ماتسمح اسوي الحفلة و ولاده بمستشفى و هم كل يوم و الثاني معجنات و حلو….فبدز مسج اول ما اولد يارب بالسلامه بموعد الاستقبال ….مارضت
فبعد صراع مرير
وفكرتي اللي خططتلها و خذيتها من البنات باضافاتي علشان اسوي استقبال بالمستشفى
اهي الستايل الكويتي القديم
قلت بحط مفارش سدو
ودلة قهوة ومبخر جذي
والاستكانات القديمه اللي بهالطريقه
والحلو مثل اللي قالوه بعض البنات غريبه و قرص عقيلي و درابيل كله بالميني ومن هالسوالف الحلوه
وكنت بحطها بصحن صغير و احطها بالماعون اللي يم الدله بالصوره ادنا
وبالاخير بخيط جياس صغيره بهالشكل بحط فيها الكاكاو للتوزيع
ورحت متشوقه اقول الفكره لامي بس مامداني اتكلم قلت بسوي استايل كويتي قديم
تدرون شقالتلي؟؟؟! الظاهر بتسوين قرقيعان مو استقبال
يعني احس اني افكر واتعب و اخب عمري بس محد يمد ايده لي مع العلم ان هذا اول حفيد لامي!!!!
شسوي بنات؟…..التدقر و عدم المساعده محسسني ان بالعجز
و اهي تدري ان مابتعجبني فتبي تسوي اللي ابالها بس بعد ما انا أأيس
والله كل الطلق تدعين لامج وتذكرينها شلون صبرت وحملت وولدت
المهم بنسبه للاستقبال انتي قوليلها شنو ودج استقبال فالمستشفى ولا البيت اتفقي على اول نقطه
مكان الاستقبال
عقب قوليلها شنو ودج نسوي فالاستقبال يعني خليها تقول اقتراحات وانتي خليج ذكيه خليها اهي تقترح
وانتي حاولي تشوفين انسب شئ للي في بالج وقربي الصوره وراح ترضى وتتفقون
لا تكبرين السالفه ترا الاستقبالات ماخذينا منها الا الزعل والخلاف مع الوالده ههههههه والحسد والعين من الناس
والمخاسير اللي على غير سنع ههههههههههه
بس هم انا راح اسوي استقبال مع سلبياته بس راح اخليه فالبيت عقب ما اخلص الاربعين وتكون حفلة اطلاعتي واللي يبي يزورني يزور اي يوم فالاربعين وافتك ههههههههههههه
بس اغلب الامهات جذي
اهيا صج فكره حلوه بس !!!
حسيتها جنها حق قرقيعان,,,
يعني خليج على شي انعم شوي,,,
وهالله هالله بحلوه اللبن رضاها علشان ربي يسهل امورج,,,
تقلبي مرووووووري
الله يسهل عليج ويتمم علينا ….يارب
انا بستقبالي وزعت علبه مخمله مع كاكاو وفيها مصحف الكل استانس محد علق
حياتي لا اتحطين في بالح سوي كل شي وبعدين بلغي امج
اكيد اهي ما تبيلج الا الشي الزين
وفكرتج بدون زعل ما احسها لايقه حق استقبال ولاده جنها قرقيعان
كل الامهات جذي بس عقب ماتسوين بترضي
الله يقومج بالسلامه يالغاليه
و امي تر فعلا عندها فكره بس مو عاجبتني….لان مافيها فرح…..وتر احنا مو متزاعلين ولا شي ….اعوذ بالله
انا اسمع كلام امي بكل شي…..من الاشياء اللي سمعت كلامها فيها ان ماسويت عرس ولا حفله لا حتى سمعت يباب
بخاطري افرح هالمرة….و ابين فرحتي
اهي تبي اييب وحده تقرا قرآن و انحط بوفيه وبس من غير لا نكشخ…..والناس تزور بايام الاربعين
واهي متعوده ما انا قشها بس اسمع كلامها…..اهي تبيلي البركه و حبيبتي
بس انتو شرايكم…..بذمتكم جذي استقبل
تر حتى ابوي متضايق يقولي بابا سوي اللي بخاطرج….بس شلون انا محتاجتها خاصة اني ماعرف من وين اشتري!
وابي احد يشيل عني بعض الاشياء
بس الفكره ماتصلح حق مستشفى
احس الوالده والنفاس يبيلها الوان فاتحه تشرح الصدر مو احمر وسدو
اخذيلج كفر حلو ومواعين حلوه والتوزيعات على ذوقج
اي شي تسوينه يطلع حلو سواء قرآن او ماي زمزم او اي شي بينه