|
|
مرحبا بنات
حبيت افضض لكم لاني والله وصلت لمرحلة خلاص موقادره اتحمل رياض الاطفال
مدرسات الرياض اكيد يعرفون معانات مدرسة رياض الاطفال
والله تعبنا من التجهيز كل يوم والتفكير بالدروس والمنبهات حتى لما نروح البيت نحوس بالمكاتب على الصور والوسائل للدروس ونفكر بالمنبه والدرس حالتنا كسيفه 
مدرسة الروضه وربي مسكينه موقادره تعيش حايتها مثل باقي المدرسات بالمراحل الثانيه صج عندهم تعب بس مو مثلنا احنا المشرفه مره ولا مرتين بالاسبوع تدخل وبعد فوق تعبنا تنقد ومايعجبها الدرس والناظره من صوب والنشاط الصباحي والمطعم والفرصه علينا والحركيه والمكتبه حشااااااا ماصرنا مدرسات حرام عليهم اللي يسونه فينا اجزم مليوووووون بالميه انه 90% من مدرسات الروضه ودهم يحلون اداريات ولا مدرسات بالمرحله الابتدائيه
والموجهات بس يتفلسفون علينا وكل وحده لها طريقه ماجنهم كانوا مدرسات من قبل والمشرفات ماشالله من يصيرون اشراف ينسون انهم كانو مدرسات ويتصيدون الزلات على المدرسات
وفوق هذا يبونا نتحمل الروضه
انااااااااااااشد المسؤلين طبعا مو الموجهات لان الموجهات فيهم عقده ودهم يكرفون المدرسات ولو على كيفهم جان خلونا نتحول آلات
اناشد مراقيبات رياض الاطفال بالمناطق التعليميه ووزارة التربيه يرحمون مدرسات الرروضه والله كرهنا التدريس بالروضه
ليش ماتخلون المشرفات يدخلون علينا مره بالشهر موكل اسبوع والنشاط الصباحي مولازم الفناتك اللي يطلبونها مننا ترا احنا قاعد نقدم للاطفال والطفل اي شى يفرحه مو اللي صاير الحين يبونا نقدم ابتكارات وابداعات علشان سواد عيون الموجهات مادري احنا نقدم لهم ولا حق الاطفال 
انا وصلت لمرحله بحول اداريه لكن يقولون صعبه صج هالكلام ؟؟
وسمعت بعد ممكن مدرسة الروضه تحول مدرسة ابتدائ ؟؟
وكل مدرسات الروضه حياهم يفضفضون اللي بقلبهم هني
ترا مايدرون عنكم الموجهات قولوا اللي بخاطركم لاتخافون
منو اللي بيسمع !! بس السنه اللي طافت اضربوا فيها المدرسات طلعوا القرارات ولاااااااا قالولنا انتوا فاهمين القرارات غلط!! واشوف هالسنه الوضع رد مثل قبل دروس نموذجيه على مستوى المنطقه وكروت معايده يدزونها للمنطقه والفواتير اللي ما تندفع …. الخ الخ
صاجه محد بيسمعنا بس على الاقل نففض علشان تبرد قلوبنا
بس والله كل يوم اقووول انه ودي اقدم استقالتي واقعد بالبيت
يعني كل يوم اطلع من العصر ليه الليل علشان شغل الروضه
وقعدي فكري بالدروس والنشاط وفكري انج تسوين انجازات بالروضة
يعني تثبتين وجودج وتقعدين تشتغلين بالروضة ليه الليل
والناظره تتطلب من صوب والمشرفه تعلق من صوب
وضغط معلمه وحده بالصف وما يريحونج ويبونج ادرسين الحلقات اللي مو عليج وتاخذين الجدول كله
وفوووق كل هذا ما يبين بيعينهم ويقولون لج ما نقدر نعطيج امتياز لانج يديده
.gif "Eh S(14)")
وكل شي أقدر أتحمله >>>إلا انه المشرفة تحد من حريتي بصفي !!!
يعني الدرس تمام ومن احلا ما يمكن والمنبة قمة ..لا تقوول لي ..ليش ماسويتي جذي !!!
ولا جان سويتي جذي!!!
يحبون الشي التقليدي مع انهم دايم يتحجون ويطالبون بالابداع !!!
المعلمة في فصلها المفروض اهي تكون سيدة الموقف ..
الشكوى لله …وعسى الله ياجرنا
والا تقدير الاداره …غسلي ايدج بماي وصابون
اصلا ما تدرين ان انتي ماكينه؟؟؟!!!!!
لازم تشتغلين كل الوظايف (ابلة عربي+ابلة رياضيات+ابلة دين+ابلة العاب+فراشه +بيبي سيتر…….الخ )!!!!!!!!!
بس لاتعليق (عورني قلبي)
بنات الجامعه لازيارات ايام الكليه ولا شي كله نظرى واخر سنه تربيه عمليه واكليها عدل وانصدمي بواقعج
ماتقدريين تحولين مدرسه بالابتدائي والرياض كله نقص
وبنفس الوقت الي تخصصهم علم نفس ممكن وبواسطه حتى مو بسهاله والاداريه
نفس الشيء
والله الاستقاله وقعدة البيت ابرك من الروضه الله يصبرنا
اوركيد
هذي مصيبتنا حتى لو نسوى ونفكر يقولون لو سويتي جذي افضل شى يقهر
لانا
الله ياخذ حقنا منهم وربي ملييييييييييييييييييينا وزهقنا
قري
يعني مافي مهرب لاااااااااااااااا مستحيل اقعد بالروضه طول عمري ماتحمل
) ما جربتوا النظام القديم جان تحمدتوا ربكم على اللى فيه الحين
أنا مربيه من 11 سنه يعنى مخضرمه
.gif "Eh S(15)")
العذاب صج بالنظام الاولى مو الحين
اصلا الاطفال مايغيبون الا نهاية شهر خمسه وحتى لو عندنا طفل واحد نشتري وسائل ونقعد نشرح حق المشرفه والناظره اصلا اللي صاير التدريس حق المشرفات والموجهات والناظره مو الاطفال لو يخلونا على راحتنا بدون مايدخلون نكون بخير
والطلعه مبجر لاننا نكرف معاهم بالمطعم والفرصه والاركان والاصفي يعني من اول اليوم لنهايته واحنا مكروفين
المرام
الروضه كلها عذاب بالنظام القديم والجديد الله يعينا
< يا ام خبره انتي 
ان التعب بس اول سنه تزهبين وتدوخين على كل شي
بس السنه اللي وراها ان شاء الله تكونين خاشه شغلج عاد انتم حافظو عليه
وعسى الله يعينكم وياجركم ويهون عليكم
تدرون بغيت اقدم على هالتخصص بس عمتي كانت توها متوظفه قالت انحااااااااااااااااااااااااااااااااااااااااااااااا شي
قبي بعمرج
تعب تعب تعب غيرررررر طبيعي
بعدين بيني وبينكم انا ما اعرف اتعامل مع الجهال
وعسى الله يرحم بحالكم
بنات انا سمعت انه تقدرون تحولون ابتدائي تصيرون مدرسات تربيه حياتيه
بس الواسطه والله مو متأكدهمن سالفتها
مشكووووووووورين سامحونيطولت عليكم
زين سويتي يوم سمعتي كلام عمتج والله انها صاجه
وياليت احول ابتدائئ ادعيلي امانه
تصدقين لما أنـــــــام أفـــــــــز على منبهين
منبه الســـــــــــاعه ومنبه الروضــــــــه
واحلامنا كلها كوابيس الناظره او الموجهه داخله ومو عاجبها الدرس
الله المستعــــــــــــــان
ولا لما تصير المكمله ( معلمه ب) بين صفين
مايمدي انجهز شغلنا
والطلعه مبجر حاسدينا عليها
مادروا انه نحط الاطفال بالإنتظار ونرد على صفوفنا نجهز شغل الحلقه
أو نروح النشاط نجهز شغله
وربي تعب ويارب أحد يتبنا قضيتنا
اي والله الله يعينا وياجرنا على هالروضه والقرارات اللي فيها
جان زين احد يتبنا قضيتنا بس ماتوقع لان الموجهات واقفين بالمرصاد