|
|
السلام عليكم
اخواتي مدرسات العلوم ابتدائي ابي فزعتكم
اول سنه ادرس خامس وطالبين مني اسئلة تيمس حق خامس والمشكله التوجيه يبونهم يوم الاحد
ومهارات عليا وتوقهت ماسوت اي شي ياليت تساعدوني فيهم بافكاركم
ومشكورين مقدما
و تبين الأسئلة حق منهج الكورس الأول و لا الكورس الثاني؟؟؟
اختي SwEeTa^ طالبين مني اسئله للكورسين بس انا شكلي ماراح اسوي غير حق الكورس الاول واي ادروس من خامس ماحددوا المنهج ياليت تساعدني الله يوفقج يارب والله حدي متوهقه
واحد من الأسئلة اللي سويتها عن نفاذ الضوء في الأشياء، حطيت مصدر ضوء و رسمت 3 كؤوس، كل كأس فيه ماده مختلفة عن الكأس الثاني كتبت المادة تحت كل واحد من الكؤوس(كأس فيه ماء أو ماء جير نقي "كيفج انتي حسب فهامية بناتج، كأس فيه عسل، و كأس فيه رمل)، ، يم كل كأس كان في مصدر ضوء طالع منه ثلاث خطوط لي سطح الكأس، و طلبت من البنات يرسمون الخطوط التي تنفذ من الكأس في الجهة المقابلة للضوء. الماء راح يطلعون منه 3 خطوط لأنه منفذ للضوء "شفاف"، العسل راح ينفذ منه خط أو خطين لأنه شبه منفذ"شبه شفاف"، و الرمل ما راح ينفذ منه و لا خط للضوء لأنه معتم…
هذي كانت الفكره .. و انتي تفنني بالرسمه 
فكرة ثانية .. كانت حق درس العدسة المحدبة (مستجد) .. وزعت بطاقات على 5 مجموعات مكتوبة عليها عبارة بخط جدا جدا صغير .. بالكمبيوتر طبعا.. و وزعت عدسات محدبة .. طلبت من التلميذات يقرون الكلمات من غير استخدام العدسه .. ما قدروا .. و لما استخدموا العدسه قروا الجملة (العدسة المحدبة عدسة مكبرة).. أعتقد جذي كانت الجمله لأني نقلتها من الكتاب ذيج الحزة .. و أول مجموعة جاوبت لها نجمة على السبورة (انا أوزع التلميذات إلى 5 مجموعات و كل ما يحصلون نقطه أعطيهم عليها هابي فيس )
اسفه اذا كان الشرح مو واضح .. أي شي يستعصي عليج، أو ما فهمتيه .. سئليني
و إن شاء الله اذا تذكرت شي من أسئلة الصف الخامس ما راح أبخل عليج .. لأني من زمان مدرستهم و بس كورس واحد