|
|
بسألكم عن الفراش
متى تغيرونه من على السرير؟
كل يومين؟أسبوع؟شهري؟
وجم يظل الفراش عندج؟
ست أشهر؟سنة؟أقل؟أكثر؟
طريقة التعطير؟
عطور أو مخلطات تنصحينا فيها؟
من وين تاخذينه؟أماكن مميزة تحرصين على الشراء منها؟
وأرجو من كل المشاركات الإجابة بالتفصيل عن الأسعار والمكان وين بالضبط؟
وشنو أحسن الأنواع؟الصناعة؟الألوان؟
مصبغة تنصحون فيها للفرش الغالية؟
أرجو أن يشارك الجميع من تجاربهم الشخصية
وكلنا نستفيد ونفيد بعض خاصة إنه موضوع يمس الجميع
نعطي بعضنا أفكار..تنتبه احدانا إلى أخطاءتمارسها بدون لا تدري
والله يعطيكم العافية
يعني بين اسبوعين او كل اسبوع
لا يطول أكثر
وإذا كان زوجج جسمه فيه شعر وايد ويطيح على السرير لازم كل اسبوع يتغير الشرشف لأن بيصير كله شعر
أنا يوميا أعطر السرير قبل لا أنام..
استخدم ساعات عطر الطفال (بيبي جونسن) وأرشه على السرير تصير ريحه السرير مو طبيعيه
وساعات أرش رشوش على دهن عود
بس ما نفضله لا انا ولا زوجي.. احس الدهن العود مو مال نوم
احس شي اختاري العطور البارده للسرير
ذكرتيني بروح اشتري شراشف يديده
والتعطير احيانا يوميا احيانا اسبوعيا
أحسن مكان للكفرات ديبن هامز
الشراشف مالته موطبيعيه (كـــد ومـــد)
وشراشف زارا هوم واااايد حلوين وناعمين وسعرهم فيهم صراحه
والتعطير تقريبا يوميا بس دايما استخدم عطور بودي شوب مالت الجسم لأنهم مو مركزين.. يصيرون أحلى
لاترشين عطر مركز على المخاد لأنهم يقمتون ويضايقون وقت النوم.. دايما رشي العطر البارد أحسن
وتعطير يوميا بعد ما اصحى من النوم ارتب الفراش واعطره ويبقى لليل وتخف ريحه العطر اذا كان مركز ويصير احلى
والعطور اللي استعملها من زهور الريف روعه ومن نكتار عطور مخصصه للفرش
وبالنبه للالوان انا من النوع اللي احب انوع في الالوان تغير كلي احيانا اختار الوان دافيه بالشتاءمثل الاورنج البني العنابي
والوان فاتحه بالصيف فيروزي اخضر اصفر
والمحلات وااسعار مافي شي محدد اي شي يعجبني اخذه غالي وللرخيص احيانا تكون الرخيص احسن من الغالي يجلس فتره مايتغير
وانا يمكن كل اربع شهور او ست شهور مفرش يديد يعني مفرشين بالسنه
اتمنى تعجبج معلوماتي وتستفيدين منها
وشكرا ع الطرح الحلو
الكفر اغيره بالاسبوع مره … و المشكله ان كفري بروح وكفره بروح … ازين السرير بكفره .. وحزه النوم اجيب الكفر الخاص فيني استخدمه .. و الصبح اشيل واحد واترك الثاني
يعني اغير بين الكفرين .. و كل اسبوع اغير الكفرين مع بعض … فيصير في تغيير كبير في السرير .. طبعا مو اشتري كل شوي كفر ؟ لا في كفرات عندي بالكبت هدايا وغيره … و كفرات المناسبات اطلع منها واستخدمهم ….
التعطير … اول ما احط الكفر اعطره .. وقبل ما يجي زوجي من الدوام ( الظهر ) او الديوانيه ( بالليل ) اعطر الفراش .. و ممر الغرفه و الصاله .. يعني من باب الشقه لغرفه النوم اعطر المكان كامل
لان هالشغله يغفلون عنها اغلب البنات والعرايس خصوصا
بالنسبه لي
كل اسبوع اغير الكفر اوالشرشف والكوشيات
التعطير يومي
الا بايام الحساسيه ابتعد عن التعطير القوي واكتفي بشي بسيط حيل
العطورات المفضله عندي :
رشا من الشايع
براري من الشايغ
ليله خميس من عطورات الافراح
وعندي عطر لافندر هديه مادري من وين بس مو وايد افضله احطه بايام الحساسيه والربو
فانيليا بدي سبراي مال بودي شوب
وايلد كرامبرري بودي شوب
كل كفر له عطر معين
احب اجدد شموع الدار بين فتره وفتره
والعطور مو نوع معين دايما اغير
التعطير : خلطات خاصة للسراير تنحط كل يوم عقب ترتيب الفراش
الفرش ينباع بالجمعيات و سيتي سنتر و ايكيا و سيرز
بس الاساسي كل اسبوع
وبعدين التعطير اكيد علي طول وتبخر بعد
وعادي اجرب وايد عطورات موشرط واحد يعني
بس هذا اللى اسويه تقريبا العطر شبه يومى
ومشكوره على هالموضوع
عندي تقريبا4وأبدل بينهم
و تقريبا كل 6أشهر أشتري جديد مرات للعيد أو إذا في مناسبة أشترب بعد
الألوان أحب انوع بس يكون لايق مع لون الغرفة
التعطير
أعطره كل ما رتبته الصبح
ولما أبخرالبيت أي حزة أمر بطريقي عليه و أبخره
وما كو عطر معبن :مخلطات الشايع ، أجمل،وفي مخلط حلو من محمل العود أنصحكم تجربونه للفرش وغيرها اسمه:
خلطة الجنادرية من محمل العود
وآخذ من أي مكان ومن كل بستان زهرة
لاحظت شغلة بنات في شغلات كثيرة متشابهة في بضاعة:تروفاليو و كارفور و سيتي سنتر والاسواق الشعبية
وأحيانا كثيرة نفس الأسعار
عذاب العين
غنوة ستايل
أميرة الحلا
الريشة
بطة رشيقة
أم سلوم
و(العنجليزيات):
smail-girl
brettey
shrooooq
7abeeba
dancing queen
zayoona