|
|
[size="5"]السلام عليكم ورحمة الله وبركاته شلونكم يا احلى كويتيات
بنات الله يسلمكم انا متزوجه وصارلي قريب السنه بس المشكله مو فيني ابي حل مع ريلي اللي اي شي تقوله خالتي لازم سمعا وطاعه انا مامنعه يسوي لامه شغلها هذي ام لو شنو يسوي مايوفي بحقها بس يابنات المشكله في سوالف تخليني ازهق واتعب واقول انشالله يجي اليوم الي نطلع فيه يعني يابنات انا نايمه وريلي نايم يوم عطله تخيلو تييكم الخدامه تقعدكم الساعه 8 وانتو بعز النوم والله عشان السايق مو موجود وابي اخلص شغلي وغير هذا اهوا عنده اخوان مو متزوجين يعني مو اهوا البجر بالبيت لا في فوقه وتحته الحمدلله وبنات انا حامل والحين بشهري الثامن يعني مافيني حيل عالنزله والصعده كل يوم اهوا مايقول شي والله بس ينزل ويرجع لو الساعه 10 بليل يقولي تعالي نزلي اقوله باجر يقول لا الحين انا مابي اظلمها بس شمعنه لما ينزل يتغير ولما يصعد يكون واحد ثاني وغير هذا في سالفه صارت بعد صج تضايقت واااايد قلتله امي بتسافر وانا بقط اهلي المطار لان مافي احد يقطهم وخواتي كله صغار فقلتله عساس اقط امي واغديهم وارجع العصر قال اوكي ولما قعد عند خالتي دق علي قالي بس تقطين امج وترجعين البيت سيدا وقطيت امي ورديت لان مالي خلق مشاكل وعمتي خذت اليهال عندها والله اني عمري ماراددتها ولا طولت لساني عليها والله اني اعدها مثل امي مره كبيره ودايم تقط علي نغزات تقولي عن حريم حمواني كانو يسوولها ويدرسون اخوانه الصغار مايخلونها تدرسهم بنات انا خالتي مو كبير ه حيل بس انا من قبل ببيت اهلي زين كنت ادرس وادرس روحي ماحب التدريس امي انصدمت اني تخرجت وخالتي تقط نغزات عني جدام الكل وريلي يزفني ولما بقعد فوق بروحي ساعات اكون ودي اريح تدز اخوانه عشان يقعدون عندي طبعا انا شلون دريت انها تدزهم من اخوه الصغير اهوا اللي قالي بنات تعبت وريلي يقول انا ماقدر اطلع الحين والله حتى غرفه حق البيبي ماعندي كافي بحط اغراضه بالصاله والحمدلله على كل حال بس بنات ابي حل مابها تتدخل والله لو اقولكم سوالف يمكن يشيب راسكم وسامحوني عالقرقه واذا انا غلطانه قوليلي والله مازعل خلوني اعرف [/size]
الله يهديها ويسخر زوجج ويسهل عليج ولادتج يارب
طولي بالج حبيبتي ووسعي سدرج الحياة الزوجية يبيلها وايد صبر وطولة بال .وريلج اذا معاج زين وطيب لا تخلين هالشغلة تأثر على حياتكم . الا طبعا اذا صار الشي اوفر ويمس كرامتج اهني ما انصحج تسكتين بس ها بالعقل والسنع وبحدود الأدب .
وموفقة خير حبيبتي
واااااااااااااي يهالخالات مانخلص!!!
من كثر ما اقرى جذي حاسه اني ببدع لمرت ولدي خخخخخخخخخ
الله يكون بعونج وصج انها اشياء جدا بسيطه الحمدلله
لكن انتي ماشاء الله مكبره عقلج وقادره توازنين الامور
الله ييسر امورج
| انا متزوجه وصارلي قريب السنه |
صار لج سنه ومتذمره من طلبااااااات امه
صار لج سنه ومتضايقة من طلبات الساعه 8
حبيبتي هاذي ام لو تطلبه الفجر بالليل المغرب العصر الظهر …………..وكل يوم
ما يوفّي جزاها ياماما
عزيزتي العضوات
تاكدي اذا شفتي زوجج واصل مع امه ويحبها ولا يقول لها لا
انه انتي بأيدي امينه
فوفو
ادعي الله يهديها