فترة الاربعين كله زيارات00بس تعب 00واستحي احدد لي يوم للزواره

السلام عليكم
بنات شلووونكم وعسااكم بخير

بنات انا يوم ولدت بولادتي الاولى حطيت جناح ملكي وخبه وزاروني اهلي وحمولتي وصديقاتي والله قعدت 3 ايام الناس تجيني بكل حزه حتى السسترااات يقولون انتي من متى ماجبتي بيبي بس الحمدلله لاني اوجب القريب والبعيد وفرحتي الاولى

المهم
تعبت بنفاسي
كل يوم عصررر لابس دله الاستقبال وناطره الضيوف وكل يوم تجي وحده مثلا او مايجي احد او يجون مجموعه وارهقق تخيلوواا مساهر بيبي وارتز العصر وامي الله يخليها لي تعبت لازم تكون العصر مو جوده عشان تقهوي اللي يجوني
وطول فترى الاربعين مفتووووووح للزواره
مع اني ماااااخذ الطلاااااااااااااااااااااااايع اعتذرت عنها لان خلاص انتها تاريخها
وانا انشالله لاولدت ابي احدد الايام يعني بس اربعا وخميس الناس تجيني
بس استحي
اقول لاتجون الا اربعا او خميس احس فشله
واذا احد جاني بايام الاسبوع مااقدر اطرده او اعتذرررر لازم اني اطلع لها يكفي متعنيه عشااني واخاف غيري يزعل

وانا محتاره ماابي ارهق واتعب

شرايكم شلون اقضي على هالظاااهره اللي تتعب النفاااسه المسكينه الي مخيطه وتعبانه بمجابل البيبي وتكشخ وتستبقل

فعلا احنا هذا عيبنا طول فتره الاربعين زيارات حتى قبل لا تطلعين بيوم الناس ازورج ما نخلص

بس من راييى فشله تحدديين

والله يقومج بالسلامه

اي والله وامي تهاوشني تقول تبين تفضحيني
لا والله بابي ماله وقت محدد تحددين للناس يوم يحمدونج السلامه

ويي الله يهداج اختي عادي انا بعد جذيه نفسج ماشالله الناس ما ترحم بس الحين اشوف البنات اذا دقينا او قلنا بنييكم اليوم الفلاني يقولون احنا محددين يوم الخميس مثلا او بييونا كذا وحدة حياج الله معاهم عشان تشوفينهم ونتيمع يعني تقولينها باسلوب حلو .
وجذية وايد راح ترتاحين ، احنا الحين اختي بالاربعين كل ما دق أحد بييها نقولهم انشالله بنسوي استقبال بنعزم فيه كل الحبايب وانشالله اذا حددنا اليوم بنقولكم ، وجذية تيمعينهم كلهم بيوم او تفتكين

الله يتمم عليج حبوبه … شوفي الصراحه انا مره ياني مسج من وحده صديقتي والده بيني وبينها ميانه … كاتبه المسج واخر شي استقبالي من اليوم الفلاني لي اليوم الفلاني …بس

انا عندي فكره شرايج تتفقين مع امج تسوون استقبال بعد ولادتج وتقولين للناس بسوي استقبالي باليوم الفلاني وتبلغينهم بمسج الا المقربييين حيييل من خالاتج وحمولتج
اما صديقاتج وقريباتج من بعيد ارسلي المسج وتكونين مستعده لهم كلهم بيوم واحد ومنها بهاليوم تجيبين عشا وقهو وحلو وتوزيعاتج وبس
مادري فهمتيني قاعده من الصبح ماني قادره اشرح هههههههههه وموفقه.

انا ودي أسوي يومين من آخر اسبوعين بالاربعين استقبل فيهم الناس والله سوي جذي وبلغيهم من تولدين .

حبوبه لا تفتشلين ولا شي

ترى احنا في بداية هبة الاستقبالات قبل الغزو كنا مستنكرينها بس مع الوقت
الكل قام يسويها 3 ايام عقب ما ترتفع الوالده وخلاص(عقب تقلصوا صاروا يومين بس)

وعقبها صاروا الاوادم يستقبلون بالمستشفيات يومين او يوم
واستنكرناها بعد بس كل من قام يسويها عقب عااااااادي

يبقى في ناس ما قدروا اييون المستشفى حددي لهم يوم واحد بالاسبوع وخلاص

الي حبيت اوصل له من كلامي ان الشي ببدايته بيستنكرونه الاودام
بس بعدين كل من راح يسويه صدقيني

عيل شرايج احنا قمنا نروح حق ناس نتحمد لهم بسلامة بنتهم الوالده
ونتفاجأ أنها ما تكون موجوده معانا تخيلي!!!!!!
بس امها وخالاتها يستقبلوننا واهي داخل ما طلعت لنا

بس علشان تعرفين ان الاوادم الزم ما عليهم راحتهم ما يهمهم احد

ترى الزم ما عليج راااااااااااااحتج واذا ما ارتحتي بالنفاس
راح يطلع عليج التعب والارهاق ومو زين ترى حتى حق رحمج وظهرج
راح يتم يعورج على طول الله لا يقوله

ترى هالاوادم ما راح ينفعونج ما راح تنفعج الا صحتج والي بيزعل خل يزعل

عسى الله يهون عليج ويقومج بالسلامه … ماأدري أحس إنها فشله تحددين يوم عشان الناس تزورج يمكن أحد عنده ظروف ومايقدر … أنا أقول لو تسوين إستقبال بالمستشفى وتدزين مسج للكل عن موعد ومكان ومـدة الإستقبال بالمستشفى أريح لج..

ماااقدر احدد بالاستقبال بالمستشفى
لان فيه حريييم مايجون بالمستشفى
وخاصه مثلا حمو لتي اذا جوني بالمستشفى لازم يجون بالبيت واذا طهرت الولد او ترجت البنت بعد يجون يباركون ياعمري عمرهم بس تعب
=====
وخاصه اخر الاربعين ودج تروووحين للسوق ماتقدرين لازم الصبح وانا ضد طلعه الصبح اكرهها
==========
بس والله ودي اغامر واسوي استقبال يومين بالاسبوووع
وشنو اخره ادري عيوووون ورداات حظ
وماراح يعجبهم بيقولون وع ولا مقلده يعني بالحالتين مو مستفيدهشي

=======
ومشكورين ياااعسل على هالردود الحلوة

والله انا بالنسبه لي … نظامنا شنو طبعا الولاده الطبيعيه ما يمدي اصلا احد اييج ثاني يوم طالعه بس اللي كلش قراب منج .. واساسا انا مااييد استقبال المستشفى احس مو وقته بس كل وحده وظروفها طبعا طول فتره الاربعين اللي ايون القراب كلش كلش واي احد ثاني بعدين لان بعد الاربعين اسوي استقبال بالسرداب في بيتنا وخلاص وقتها انا بالي مرتاح واصلا مجهزه حق طلعت الاربعين جسمي تغير عن بعد الولاده على طول ولو لبستي الا انتي طالعه من اربعين يعني مو بالاربعين ولابسه وكاشخه وقاعده الناس قلبها يفز ..

فامي اي احد مو قريب كلش يدق يسالها تقوله بكل ذوق والله احنا بنسوي استقبال وحياكم … ولي صار وقت الاستقبال انبلغ الكل … احس اريح يوم واحد وتخلصين واذا قاعده عنده اهل ريلج ولا شقه ايي ريلج بعد مايخلص الاستقبال وانتي شزينج ياخذج تروحون شقتكم ولا فندق والبيبي مثلا يكون مع الوالده اذا اهي قادره تمسكه كلها ليله وحده … وبس

الله يعينج بس احس فشله تحددين ايام وتردين ناس بيزورونج

بس بالعاااادة ((مادري هذا عندنا )) اول اسبوعين محد يزور بس اهل زوجي لانهم يدرون الوحده تعبانة ويالله تتحرك فاغلب الزوارات اللي عندنا تصير اخر اسبوعين ويكون فيه الوووو بينا
وماأكون لابسه يوميا لااا اللي متصل طبعا اتجهز له اما اللي على فجأه اروح البس وقتها ولا اترزز كل يوم البس وانطر تعب جسدي ونفسي

والله يعييييييييينا ان شاء الله
يالله ذكرتيني بكأبة النفاس وسوالفه في بنتي والحيييييييين من افكر فيه خاصة اني بولد بهالايام اتعب نفسيا من التفكير فيه وبكآبته بس الله يعين

انا ما احب عادة الاستقبال كللللللللش

اولا خبه ودوخه وبقعد احاتي ما خلي شي ماحطه اعرف نفسي احب كل مناسبه عندي الناس يتكلمون فيها احب احط كل شي غريب وفناتق محد مسويها

وآخرتها بيطقونج عين
اناوالله مو من النوع الوسواسيه الي اخاف من العيون بس
العين حق
وفي ناس مايسمون بالرحمن

ثانيا النفاس الي اعرفه انها تكون متضايقه وقاعده في البيت طول الوقت يعني تبي احد يونسها
وانا من النوع استااااااااااانس اذا احد زارني كل يوم

وانا لما ولدت بنتي صادف من ثالث يوم لي سابع يوم من ولادتي فترة امتحانات ومحد زارني
تضايقت حيل كان ودي احد يزورني

وانا طريقتي بالنفاس كل يوم بعد صلاة المغرب انظف جسمي واتمسح عدل والبس ملابس ناعمه وكشخه واهي قمصان الولاده الحلوه اكون مجهزه جم وحده قبل ولادتي واغير لفتي يمشي لونها مع القميص واحط دهن عود على اللفه

واقعد بسريري
جذي اي احد يزورني انا جاهزه والله اليوم الي مايزورني احد فيه اتضايق
واخر الايام اذا بروح السوق اجهز اذا احد اتصل بيزور الي امون عليها بقولها طالعه والي ما امون عليها شسوي اكنسل

ما ادري احس جذي احسن لان فترة الاربعين انا مرت علي بسرعه

ماأدري أحس إنها فشله تحددين يوم عشان الناس تزورج

صح والله انا بعد احس فشله اتحددين يوم عشان الناس اتزورج

لان موالكل يناسبه اليوم الي تحددينه

فا الي بزور ووجب حياه الله

بس افضل يبلغ قبل وخصوصا اخر الايام لانج احتمال تتطلعين اتجهزين لطلعتج من الاربعين — ولاشريكم ؟

شوفي حددي يوم انا ماسويت جذي بس بنت عمي سوت ووايد ارتاحت