غيرة المعلمات ؟؟؟؟ تعالوا بليييييييز

حبيباتي زميلات المهنة …. حبيت اطرح هالسؤال للمناقشه والاخذ والعطا قولولي بالله ما قد مره حسيتي ان في وحده كم زميلاتج بالقسم غيرانه منج

او فيها شي عليج وما فهمتي السبب ؟؟؟؟؟ انا راح ابدا واقول ان لي 11 سنه بالتربيه ومعلمه الحمدلله مشهود لي بالالتزام والحرص على اخلاقيات مهنتي المهم اني اقدم وحده بالقسم والاكبر سنا هل تعتقدون من حق الباقين يغارون لو تميزت بأي شي مثل تخفيف الجدول ؟؟ او تخفيف بعض الاعباء عطوني رايكم وبدون اهانات وتجريح بلييييييز ترا احبكم لا تعورون قلبي

لأ طبعا مو من حقهم لأن إذا كان القسم مرتاح و ماعليه ضغط او حالات وضع او امومة فمن الطبيعي ان نصاب المعلم يقل فاللي من حقها انها يتخفف جدولها اهي انتي صاحبة الخبرة مايصير مثلا اللي توها متعينة تحط ريل على ريل واللي اقدم منها ينكرفون

أنا مو مدرسة
لكن بقولك شي
لولا الغيره ما تسمى المدرسة وضيمها ونكدها
يعني قسم يضم نساء في نساء شلون بيكون الوضع
يحسدون الميت على موتة الجمعة
نصيحة طاااف، ولا تنظرين أبداً لمن حولك
خاصة في سجن النساء .

مشكورين بس هم انا تعبانه من نظراتهم ونغزاتهم الله يهديهم والقسم مرتاح الحمدلله محد ماخذ فوق طاقته ابد

عطيهم أحلى طاااااااف
و طنش تعش تنتعش

مثل ما قالت اللي فوقي
طنش تعش تنتعش

أصلا الغيره دليل تميزج وشطارتج …

وخليهم يموتون حره دام الجدول تخفف والحصص ماشيه غصب عليهم

واللي بقلبه مرض الله يشفيه …

ازيد على كلام البنات
ان لو القسم على قلب واحد والكل يحب الثاني جان تمنولج الخير وما ازعلو منج او غارو منج
لكن الظاهر ان علاقاتكم مو ذاك الزود او انكم علاقتكم رسمية وجافة فعشان جذي تصير بينكم هالسوالف
خلكم مثل الخوات ترى انتو اكثر من نص اليوم متتجابلين اكثر من مجابلنا لعيالنا واهلنا بالبيت فضروري العلاقة تكون حلوة

هذا من وجهة نظري

انا بعد قديمة بس ما شفت تميز او تخفيف لان شلون انا اخذ تخفيف ووحدة من زميلاتي مضغوطة حتى لو كانت تعيين جديد لو في مجال تقسيم الحصص بالعدل اخذ ليش لا
يعني مو ينقط الشغل علي لا مثلا يريحونها بالنشاط او المناوبة او ما يكلفونها باحتياط جذي يصير عدل

واحسن شي الواحد ما يفكر ان فيه احد غيران منه او يحسده جذي يعيش مرتاح ان شالله

على فكرة في موضوع في المنتدى حق معلمة تشتكي من معلمات الخبرة ليش اهم كل شي مخفف لهم وكانت زعلانة حيل ،،، انا اعتقد سوء التقسيم اهو اللي يسوي حسد وغيرة بين الناس عموما مو بس المعلمات

وموفقة

والاخت اللي تقول لولا الغيره ما تسمى المدرسة وضيمها ونكدها <<<< انتي مو مدرسة يعني ما تعرفين خصوصيات هالمهنة احسن شي نهدي الاخت صاحبة الموضوع ونحسن العلاقة مع زميلاتها مو نزيدها نار

من حقهم يغارون المفروض الحصص تتوزع بالتساوي بين المدرسات مو معقوله الي تعين جديد تقعد تنكرف ليل نهار والخبره قاعده ومرتاحه وصراحه في بعض المدارس يحبطون المدرسات الجدد ويكرهونهم بالتدريس والسبه التفريق بينهم وبين المدرسات الخبره سواء بالتعامل او بتوزيع الحصص حتى بحصص الاحتياط والمناوبه ………هذا راي واتمنى انك تتقبلينه

الغيره من التمييز موجوده وبالذات من الناس الفشله

اخذيهم على قد عقلهم وسايسيهم ,, لان الغيره مرض وما من وراه حل

انتي بمجتمع حريم.. والله عبالي اني شفت كل نوعيات الناس بس انصدمت من المدرسات !!!!!!!!!!!!! لا حول ولا قوة الا بالله.. طلع في نوعيه من الناس وللاسف مدرسات عقلهم صغيييييييييييييييير ولا يستحون ولا عندهم ادب بالكلام وحسن اختيار المفردات ولا يحشمون الكبير..

عطي احلى طااااااااااااااااااااااف عندج.. وللاسف انهم معاج بنفس القسم!!!!!!!!!!!!!!!!!!!!

يا بنات يعطيكن العافيه اول شي ارد عالاخت faith ان انا مو مرتاحه شايله اشراف جناح وكل ما وحده بالقسم غابت اخذ حصتها مع التدريس حتى لو مو منهجي بحكم خبرتي اعرف ادرس كل المناهج هاذي مو راحه ونفس الكلام للاخت فطومه ومشكورين يا حبيباتي ما قصرتوا

حبيبتي ما عليج منهم شوفي شغلج

وانا شخصيا اشوف الكبيره والخبره صراحه عمرها وخبرتها يشفعون لها ولازم يخفف جدولها ان امكن وحتى الاداره يحطون بعين الاعتبار انها قديمه ويخففون شغل الاحتياطات وغيره

يعنى مو معقوله وحده خبرتها 20 سنه اساويها بوحده اول سنه او ثاني سنه

يعني الجديده ماشالله عليج توج شباب وبعز عطائج محد بيعطيج فوق طاقتج لكن منطقيا نصابج يكون اعلى من القديمه

وفكري بنفسج بعدين اذا الله عطاج عمر

بعد التعب والسنين والعطا غير العمر هل ترضين يضغطون عليج بالشغل مثل ما كنتي بعز شبابج ويساوونج مع البنات الصغار ؟

اكيد لا

لا والله اذا الغيره سببها خبرتج وانج قديمه خل يغيرون لما يقولون بس