غرفة نوم الزوجية

السلام عليكم …….
عزيزاتي حبيت استشيركم بموضوع شوي حساس…….الي هو موضوع غرفة النوم المشتركة بين الزوج والزوجة طبعا……
انا متزوجة لي اكثر من عشر سنوات……..صرت انام ع الصوفا بغرفة الجلوس الملحقة بغرفة النوم ….واخطط ان يكون لي غرفة لوحدي …….السبب انه زوجي جدا مزعج…….طبعا انا غالبا انام قبل لا يجي بحكم انه يسهر بره وانا امراة عاملة وهو ماشاء الله مرة جفس يعني خطواته مزعجة تسكيرته للباب فيها ازعاج وياليت على هذا وبس كان معليش الادهى والامر لجى ينسدح ع السرير ولع نور الاباجورة بوجهى وجلس يقرا تتوقعون وش يقرا كتاب ياليت كان استفدنا ثقافة وعلم الا جريدة ويبدا يفتح ويتصفح الجريدة وهو منسدح واسمعي الازعاج عاد…….وانا انسانة نومي صعب يالله انام…. نبهته كم مرة مافي فايدة ……..لا وكاني لسا مانمت تعالي شوفي الاخبار الي يضيق صدري فيها ذا مات وذاك انتحر ولا ياخذ راي باي موضوع او قرار يخص حياتنا تعبت وانا اقول له ترا انا اقلق ومايجيني النوم مع ذا السوالف يقول ايه نسيت …..هذا غير الصوت ماشاء الله الهمس عنده اعلى صوت عند اي شخص ثاني اقول له قصر صوتك الولد يقوم مافي فايدة هذا اقصر شي………
طبعا انا عارفه ان القرار هذا صعب وله تبعات بس جد صرت لما انام مانام زين احس بقلق………..
المهم شورو علي ودي اقتنع بغير هالحل او تحاولون تحلون لي هالاشكال ……..

ما شاء الله صار لكم 10 سنوات وللحين ما تعودتي

انا زوجي مزعج مزعج مزعج ما ينام الا على صوت تلفزيون عالي بس فديته عسل على قلبي ازعاجه

لا ويحطها على الجزيره علشان ينام وصوت علي بس تعودت وانا صارلي بس ثلاث سنين متزوجه

فما ادري انتي شلون للحين ما تعودتي لا وبعد الحين انا ناويه اعود ولدي انه ينام على صوت العالي

لانه ابوه ما ينام الا على الصوت العالي وما اقدر اغير نظام زوجي علشان ولدي

فما ادري انا مصدومه شلون انتي للحين ما تعودتي على زوجج من بعد هالعمر كله !!!!

لووول الله يعينج شتسوين بعد خلاص 10 سنين ما تغير

الله يعينج والله حبيبتى حاولى كلمية مرة وثنين يقولون كثر الدق يفج االلحام عاد والله مادرى

مادري وشو اقولك اختي مياو بس هذا الي صار ……..وبعدين انا قلت اكثر من عشر سنين ……يعني الي مثلك توهم في العسل ……اما انا خلاص مليت……ويمكن انت تكونين مرنة اكثر مني……
شاكرة مرورك وتفاعلك……

10 سنين وماتعودتي
ميخالف اختي قوليله اقرا بالصاله لمن تخلص تعال نام
بس انج تنامين بغرفه واهوه بغرفه اكبر غلط
بعدين بدشين بمشاكل اكبر لا سمح الله بيسير فتور بينكم وفراغ كبير

لا حياتي مانصحج تروحين غرفه بروحج شيلي هالفكره من راسج لانها صدقيني بتكون بداية الجفا بينكم وبعدين بيتعود على فراقج
الحين صارلج 10 سنين على هالحاله استحملي وامرج لله شتسوين بعد

الله يوفق الجميع يارب

الصراحه اول شي ضحكت بوصفج عن ازعاجه

اولا لا تفتحين مجال انه انتي تنامين بغرفه واهو بغرفه لانج راح تفتحين له مجال انه ياخذ راحته وايد ويتعود وينتبه لاشياء وايد

ثانيا حاولي انج تجذبينه انه يرجع مبجر وتدخلون غرفه النوم مبجر سواء لعلاقه جنسيه او سوالف ناعمه وتكونين ناطرته بكشخه هادئه

ثاثا حاولي تعطينه يقرى كتب اضرار السهر والاهم كتاب تفسير لا تضحكون عشان انه ينجذب للنوم تفكيرا منه (( اني راح اتحلم واقعد افسر حملي))

واخيرا اذا ما نفع جمعيله كتب عن الجن عشان يخترع ويخاف يرجع وانتي نايمه ويضطر يرجع قبل نومج

اخر حلين لج عليهم بس ترى جد والله يعينج

الله يعين الجميع………هلا فيك اختي بدون نك……..

وياك حبيبتي ………..مشكورة

كلامك صح مية المية……بس جد تعبت…
هلا فيك حبيبتي……….

والله فيه جفا لاني لي فترة انام ع الصوفة ………احب النوم ع الصوفة مادري ليش؟؟!
بس الله يعين ……..مشكورة قلبي……..

ياحليلك ياباربي جد ضحكتيني ………اما سالفة يرجع بدري هذي خلاص شلتها من راسي …….اذا الله كتب انزلكم موضوع ثاني عنه لانه مايكفي هنا خخخخخخخخخخخ
تسلمين ياقلبي ………ز

الله يجزاكم خير جميعا ……….جد تفاعلكم رائع …..

ماايد فكرتج ادري تعبتي وايد بس انتي مخليته على راحته يعني لو كل يوم تقوليله جان تعود من زمان
وهو للاسف ما يحس فيج سامحيني على كلامي بس ما يشوفج تشتغلين وتتعبين حتي في راحتج مايساعدج على الاقل
انتي الغلطانه بس في فكره حلوه ممكن تخلين غرفت النوم لللنوم فقط مافيها كبتات ولا تلفزيون ولا شي بس سرير وبجذي تقدرين تقللين من الزعاج
والله يسهل امورج