غازات وآلام وتعسر المواليد الى متى ؟؟؟؟؟؟

قوه …….

من الطبيعي ان الطفل يمر بهالمرحلة افيدونا من خبرتكم شلون تغلبتوا على هالمشكله ؟؟؟ شاركونا

——————-

مضار ماي غريب :

دورت لكم بالمواقع لقيت ان يعتمد على الشركة المصنعه له اذا بالهند ففيه اعشان مخدره ..

من مخاطره :

الجفاف – خسارة الوزن – حراره – الترجيع – غثيان – اسهال

المصدر : https://www.ehow.com/facts_5067682_si…ipe-water.html

————————————

بالنسبه لي اختي :

انا توني والده وبجريه ولقيت الحل السحري حق الغازات اللي ضبط معاي ::
=======================

فزة اليهال بنومه او صراخه المتوصل الهستيري ممكن يكون بسبب انه ما يقدر يخرج سواء الغازات او الخروج العادي
ولأني بجرية فتوني ادري ان البيبي خروجه يكون لين يشبه الاسهال

فلفيت الاطبه وغيرت الحليب مليون مره – ومره حليب حق الاسهال ومره حليب حق الامساك وهم ما نفع

اول شي بديت بماي غريب كان يريح بنتي شوي تنام وهم ترد تفز

بعدين قالوا اليسنون زين – عطيتها رضعة ينسون بين كل حليبه والثانيه

استقريب على حليب أميتال الازرق وليما الحين استخدمه حده خفيف وزين

وقبل كل رضعة كنت اعطيها قطاره بالفم تسهل خروج الغازات

وهم اكتشفت ان البيبي مو ضروري بخرج كل يوم ساعات كل 3 ايام

المهم … ما نفع مع بنتي ولا شي من اللي طاف !!!!!!

الحـــــــــــــل السحري اهو ……….

دفي ولدج او بنتج عدل مدل .. شفتي حل بسيط يقول لج الياهل يستبرد بسرعه واحنا نغطي كل شي ونهمل البطن

فروحي مجمع عيد النصار تعرفينه ؟ بالمباركيه بالسرداب

وقولي حق اي هندي ابي حزام البطن .. بيعطيج قطعة قماش يمكن سعرها ما يعدي دينار ..

قوث فانيلة ولدج لفيها الحزام عباره عن قماش ينلف كذا مره حوالين السره اشتري منها اثنين انا سويت جذي

ولفيه حوالين بطنه .. بعدين لبسيه الافرول وفوقه المهاد لاتهملين المهاد ابد ابد لانه يدفي

ولاحظي ان ولدج او بنتج اذا صار دفى وعرق جسمه ما يعاني بس اذا برد وتكييف بالبيت بارد يستعسر

المهم يا طويلة العمر الطريقة هذي يمكن يبدا مفعولها فوري وممكن بعد تقريبا كذا يوم

انا مع بنتي استغرق 3 ايام على ما اخرجت ..

يلا شاركونا يتجاربكم

يعطيج العافيه عالموضوع الرائع
اهم شي اللي يخفف الغازات الرضاعه الطبيعيه
وعندج حبة الحلوه وااايد زينه تطلع الغازات

يعطيج العافية..
موضوع كنت انزعج منه ليش اني هم بجرية ..
بس ..
مع ..
النعناع…
انا مرتاحة ..
واحسن شي واحسن من اليونسون والكمون..

بنات شلون تستخدمون النعناع؟

عادي..
فوحي ماي ..
وحطي كوب فيه 4 حبات من النعناع بس تاكدي ان نظيف النعناع مو مع سواد ..
في ناس تحط قفشة سكر بس انا مااحط ..
نطري 5دقائق..
صفي الماي من النعناع وحطيها في الممية..

النعناع والينسون نستخدمه للجاهل الي عمره شهر ؟

اما الحمدلله عيالي ما عنيت من الغازات لاني ارضعهم طبيعي واذا صار فيه غازات اسدحه على بطنه واكره الماي الغريب احس مضر

هلا حبيبتي ..
رضاهم جنة ..
صح كلامج والا من وياتنا الغازات الا من الحليب الغير طبيعي..
اما ماي الغريب مااحبه..

مشكووره مساء مونترو

المشكله ولدت قيصريه وكان صعب احط بنتي على بطني الم مو طبيعي مكان الخياط

والحين طاف شهروقلبي معورني لان رضاعتها صناعيه

حمدالله على سلامتج ..
وانتي مع>ورة ليش ان قيصرية ..
وهم انا نفسج مع ولدي حليب صناعي ..
الله يعينا ..
ودير بالج من الخياط لاتشيلين شي ثقيل الام القيصرية راح تستمر عندج اكثر من 6 اشهر ..

الله يستر .. يلا بنات شاركونا

؟؟؟؟؟؟؟؟؟؟؟؟؟

للرفع

حبيبتي ديربالج مووووزين البيبي يعرررق يسبب موووووت المهد اسم عليكم وعلى بيبياتكم
لان الياهل مايعرق مثل الكبير فما يقدر يعادل درجة الحرااااارة يعني وسط لا مفصخ ولا وايد تلبسينه ومشكككككورة حبيبتي

هذه عبارة نقلتها لكم من موقع تفضلوا:
تجنّبي الحرارة الزائدة
ترتبط الحرارة الزائدة على الطفل بتزايد مخاطر متلازمة موت المهد. أمّا علامات الحرارة الزائدة عند الطفل فتشمل التعرّق، والشعر الرطب، والطفح الجلدي الحراري والسرعة في التنفس، واضطراب النوم والحمّى . تحسّسي بطن طفلك أو رقبته للتأكد ما إذا كان ساخناً أو بارداً ورتبي فراشه بناء على نسبة الحرارة. لا تلمسي اليدين أو الرجلين للتأكّد من دفئهما، فمن الطبيعي أن تكون باردة على أي حال.