عيسى بشور

السلام عليكم ورحمة الله وبركاته

طبعا تعرفون عيسى بشور اللي اهو خبير جلدبه المهم اهو فتح يوم الاثنين استقبال المرضى بدون مواعيد ويستقبل 15 حاله فقط

شنو الصدمه دشيت الساعه 8 ولا اشوف طابور المهم قلت ميخالف انطر معاهم وسجلت اسمي وقعدت انطر المهم في اللي بقى وفي اللي طلع وانا من ضمن اللي انطروا

المهم يابنات دام انت يالدكتور فتحت تستقبل 15 حاله باليوم ليش تستقبل مواعيد وهذا اللي استغربت منه اهو دوامه من 9 الى 1 مساء ورحت سالت الاستقبال اذا في مجال ندخل اليوم ولا لاء عشان ماتسوى علي انطر عالفاضي قالت اي في مجال وانطري وان شاءالله الدكتور يعطينا الاوكي وندخلكم على طول قلت اوكي مافي مشكله الساعه 1 ونص يطلع الدكتور ويصارخ على الاستقبال شلون تستقبلون كل هالمرضى شنو هالفوضه ماتدرون اليوم عندي مراجعين والحركه واضحه انه بينهم اتفاق

طلع كل الموضوع من استقبال ال 15 حاله يبي يحولهم للدكتوره رنا اللي اهي يمه بالعياده وقالها بعظمة السانه يلا كلكم روحوا عند رنا انا عندي اجتماع الحين

المهم جان يتفشل ويطلع مره ثانيه وقال ميخالف دخلوهم فتحت الملف وياليتني مادشيت والله يابنات 5 دقايق ماقعدت كانه قاعد يركض ولا فهمني شلون استخدم الادويه وتحسفت على النطره اللي نطرتها وعلى اسلوبه السخيف بالتعامل وانا قاعده عنده يغلط على اللي ينطرون برى " شو مابيفهموا خليهم يمشوا شو هالعالم " وانا مصدومه ومنقهره

شنو داشين بفلوسنا نطر منك احنا المهم يركض ركض بالعلاج ومافهمت ولا شي الا بعد مارحت الصيدلانيه فهمتني كل شي شلون استخدم الادويه
وبعد ماطلعت طلع مره ثانيه ويصارخ على الموجودين جان ياخذ حاله وحده بس وطلع لبس ملابسه وباقي المرضى خلاهم بالعياده تصرف يدل على عدم احترامه
وانصح اي وحده ماتروح ولاتقط فلوسها على شخص مايحترم مرضاه ولا يعطيهم الوقت الكافي للشرح
حتى قاعده اكلمه على شعري ولا صرف لي اي شي لشعري
وادويته معروفه مايغيرها

والحين صرف لي حبوب الدكاوين نفس نوعية الروكاتين بعرف اللي جربتهم تنصحني اجربهم او لا او اكتفي بس بالادويه انا عندي حبوب بالظهر ؟
ومتى تبين النتايج ؟ وبعد انتهاء العلاج اروح له مره ثانيه او لا ؟
ومنو جربت ابرة البوتكس للتعرق عنده يبيها ب250 د.ك وخايفه اجربها وماتنفعني .

وانا نقلت تجربتي بكل صدق واتمنى اي بنت ماتنخدع بسالفة الاستقبال ال15 حاله كلها لاجذب عشان المرضى يعالجون عند الدكتوره رنا
وحتى اذا صدف ودخلتوا بتشوفون تعامله كلش مو شي ولا يعطيج وقت تقولين اللي تبينه

اي والله صاجة اسلوووووووووووووووووووبة زفت ما يحترم المرضي وقليل ادب
بالنسبة لابر التعرق اخوي طاقها بايدينه وما نفعت حيييل معاه

اي والله صااجه اسلوبه موو راقي مع المرضى
كنت اعالج عنده قبل 3 سنين تقريباا
وكنت كل مره اروحله ينقعني بره انطره ويدخل نااس جدامي معنه جايين بعدنا شدعوه
اخر شي ما تحملته ولاتقوم امي وتهاوش مع الاستقبال تقول شنو تدخلون ناس واحنا قاعدين
حضرته يبدي ربعه على اللي قااعدين ينطروون وما خذين موعد
والله خليناه يولي وكنسلنه الجلسات معاه
موو حضرته شبع فلوووس

مشكورين بنات عالردود
بس بعرف جربتوا الروااكتن وتنصحوني فيه او لا

انا تجربتي جدا تعيسه وياه خذت موعد ونطرت ثلاث شهور ويوم رحت موعدي ولا يقولون لي تكنسل لان عيدهم واهو بيشوف حالات بس انتي مو وياهم ويخلوني ايي اليوم الثاني ويقعد وياي ياريت خمس دقايق اقل ويوصف لي ادوية كود ماستفدت منهم غير اغمجيت ونفر جن دمامل تجربه جدا تعيسه

مآخذه موعد من شهور وبيكون بشهر 3 .. عآد آنآ ماتحمل قلة الادب الي بالطريقه هذي ..!
شكلي مآني رآيحة له ..
وآنتي مو آول وحده تذم آسلوبه ..!

غريــــــــــــــــــبه !!!

عاد أنا أمي كله تعالج عنده
ماشاء الله الحين أمي بشرتها متحسنة حيل على هالدكتور
وأنا معزمة اروح أراجع عنده من عقب ماشفت النتيجة
الحلوة على بشرة الوالده

اي اكيد اذاا بتعالجين بشرتج من الحبووب لازم يوصفلج الروكتاين

تهبل هالحبووب اهي اللي تحسن بشرتج لانهه تنشف الدهون بويهج

بس قبل لا استخدمهاا خلاني اووقع على ورقه اني ماا احمل بفتره استخدامي لها

بط جبدي شهالاسلوب شلون يقول ((مابيفهمو))؟!!!!!!!
تصدقين عاد اكررررررره اراجع عند اي دكتور موووووو كويتي
والله الدكاتره الكويتين احس قلوبهم علينا ويعملون الف حساب لسمعتهم بين عيال ديرتهم

هلا حبيبتي تسلمين
بس اللي فهمته هالحبوب نتيجتهم بس وقت العلاج
يعني بعد ماخلص العلاج ينتهي مفعولها
وترد الحبوب مثل الاول
هالكلام صحيح ؟!

مشكورين بنات عالردود
وعلى قولتهم كل طراق بتعلومه
منو جرب رنا اللي معاه بنفس المركز
لان حابه اكمل علاجي عندهاا

الله يكون بعونك حبيبتي

انا كشفت عنده مره بس فادني في معلومه عن واقي الشمس ونزلت فيها موضوع بقسم العنايه بالبشرة

وفعلا كان الحجز طول بعد اكثر من 3 اشهر كنت حاجزه بشهر 5 وكان الموعد بشهر 12

بس العلاج الوصفه لي ما استمريت عليه

كريم فير اند ويت على الرغم ما انصح فيه وادري بمكوناته بس قلت اجرب وسبب لى حرق بالبشرة وظل لمده 10 ايام التهاب حاد

ووصف لى من ماركة سوسكن وما عجبتني من حيث المكونات فما استمريت عليها

وايضا كان راح يوصفلي علاجك بس رفضت

وما انصحك فيه الا لو فعلا متاذيه من الحبوب وحالتك مستعصيه

اما لو حبوب عاديه تظهر وقت الدوره انصحك تمشين على الاوميجا 3 وزهرة الربيع وخذي بربايوتيك حبوب من محل هيلثي بلانت حتى ينظف الجسم من السموم

راح تشوفين باذن الله خلال شهر بالتحسن بالحبوب وملمس البشرة والنضاره ولو عمرك 25 وطالع استعملي برفكتيل بلاتينيوم راح ينشف الحبوب بسرعه لان فيها فيتامين باء 5

تحياتي

عاد كنت حاطه في بالي ارد الكويت واروح له
بس دام شبع فلوس على قولتكم
مو فاضي

عاد سمعته شنو قوية حتى عند اهل زوجي
بس ماعمري رحت له ولاعالجت عنده

لاني اكتشفت ان علاج بشرتي بنوعية اكلي وانتظامه

مشكورين بنات
اهو علاجه واحد مايغيره
يمكن لو تلاحظون اغلب اللي عالجون عنده علاجهم واحد