عيالي والمحكمه وزوجي

السلام عليكم

مساء الخير

انا ابي ارفع على زوجي قضيه طلاق وابي اشوف اعيالي سوالي اهو اذا صرت انا الي رافعه القضيه مالت الطلاق

اطالبني المحكمه اني اتنازل عن شي لان زوجي يقول تنازل عن العيال وانها ماتطلب من شي وطلق وانا ماابي

اتنازل عن عيالي وحقي وقضيه الطلاق اتطول

وسوالي الثاني المحامي يقدر يجيب لي عيالي على طولاشوفهم ولا مع الجلسه

وش رايكم في المحامي يوسف مشعل العدواني

الله يوفق وينولج اللي تبينه
بس ماعرف بالسوالف هذي اعذريني ان شاء الله البنات يفيدونج
موفقه

الي اعرفه الحضانه حق المره
واذا طلب انج تتنازلين عنهم لا توافقين !

في محاميه عندنا بالمنتدى
ساليها تفيدج احسن

جزاك الله خير

الله يسعدك يارب

لا اتوقع اذا انتى طالبه الطلاق اطيح حقوقج وجنه الحضانه تصير عند ابوهم

مادري مادري مابي افتي بشي ماعرفه بس انا سامعه جذي

الله يعينج ويصبر قلبج ويفرجها عليج حبيبتي حاولي تحلين الامور من غير طلاق

عشان اليهال حرام

ايه انا عارفه بس انا مو في الكويت عشان تصير لي الحضانه

الله لايقوله ماني متنازله عنهم

ومشكوره ماقصرتي

الله يوفقك ويسعدك

يمه خوفتين تكفين لا ماابي اتنازل عن اعيالي

ماقوووووووولج غير الله يحل بينكم الامور ويصلحه ويبعدكم عن المحاااكم ويوفقج ويسعدج في حياااتج يالغلا ولايبعدج عن اعيالج ياارب

استشيري محامية..

هرانية وأفتخر

لوسمحتي اختي كتبي بشكل واضح ومن غير اخطاء عشان افهم

لازم يكون سبب مقنع لانج جدام القاضي غلطانه تبين الطلاق من غير سبب مقنع

اقولج شي لا تطلبين الطلاق
روحي رفعي قضية حضانه ونفقه زوجيه وانتي على ذمته عادي
وبعدين لمن يشوف زوجج انه قاعد يدفع وانتي مو عنده راح يروح يطلق من نفسه ويصير الحق عليه!
وتاخذين بالتالي كل حقوقج
واذا كان زوجج زين بالعكس حاولي تصلحين الحال
لكن اذا تبين الطلاق ماراح يوقف معاج القاضي الا اذا كان عندج تقارير بالطق او اسباب قويه اتطلقج منه

الله يصلح ما بينكم
على شان هاليهاال

الله يصلح مابينكم

الله يصلح مابينكم بدون طلاق ……طلاق شيء مو هين ..لالج ولالعيالج

انا اقولج لوعي جبده ووريه الويل لين ما يمل ويطلق خخخخخخخخ

ورفعي عليه قضيه نفقه واذا كسبتيها يصير نص معاشه بحسابج

زين بنات وش اسوي والله ماابي طلاق بس انا لي اكثر من سنه مقطوطه عند اهلي عشان شي تافه جدا

وزوجي لاهو الي طلق ولا هو الي رجعني على عيالي واهلي يقولون ماتسكنين في الكويت لحالك والله تعبت وابي اعيالي ودي

لو اشوفهم