عيادة الحكمة للاسنان

السلام عليكم و رحمة الله و بركاتة
شلونكم ؟ شخباركم ؟
هذه اول موضوع لي في المنتدى و عندي استفسار ياليت اتساعدوني.

انا بسوي تقويم اسنان في عيادة الحكمة الفروانيه عند دكتور هندي (……. زكريا ) ما عرف الاسم الاول شنو رايكم في عيادة الحكمة لانه وايد اسمع عنها فيه ناس تقول زينه و ناس تقول مو زينه.
شنو رايكم في العيادة و الدكتور و اسعارهم لاني ما استفسرت عن سعر التقويم .

ان ما عليكم امر ابي تردون من تجربه شخصيه او سمعتو و متأكدين

شكرا

رفيجتي كانت تعالج عند الحكمة فرع الفحيحيل شغلهم عادي بس الرخص هو اللي وداها له

يا حبوبه ضعي موضوعك في باب الطب والصحة وإن شاء الله البنات يفدوكي وبالعافية.

والله ماعندي فكره عنه بس اب لعيونج

ليش ماتروحين لعيادة تيجان لطب الاسنان

كل اللي جربوها يمدحوونها وتقويمهم حلو وممتاز شفته على بنت خالتي ماشاء الله تعدلوا

وعندهم اقساط يعني كل شهر 50 للي مايبون يدفعون المبلغ كامل

وبالنسبه للاسعار مادري اتوقع ابتداء من 850

موفقه

السلام عليكم اختي

اول شي الموضوع مو بمكانه بس ماعليه
حبيت افيدج بالموضوع

انا حاطة تقويم بعيادة فييرجينيا اللي عالدائري الرابع عند الدكتور خالد الكندري

الدكتور حدددددددده عجييييييييييييييييييب و ماشاء الله شاطر حيييل و عارف شيسوي
انا و بنات عمي كله عنده و كلنا اسنانا كانت فوق بعض و حدهم عفسة بأول شهر بينت النتيجة و الله
و الحين اسناني صفة وحده ماشاء الله .. انا حطيته العام اول السنة و ماحسيت فيه

السعر اعلى شي على اسناني العفسة كان 1200 دينار اقساط كل شهر 50 هذا اذا انتي كلش اسنانج عفسه اما اذا اسنانج مايبيلها شغل وايد راح يقل السعر اكيد

ماراح تحسين فيهم و شغله امانه يستاهل
هذا رقمهم اذا حابه تستفسرين
25669966

و اتمنى اكون فدتج

مادري وآلله …

طيب اش رايكم بالتبييض عندهم ؟

حيااتي انا سويت تقويم عنده واخوي بعد
منو قال سعره رخيص لااا عادي يصكج ١٢٠٠
انا سويت اسناني بس الفك العلوي وعشان ضرس واحد بس راجع ورا اب ٥٠٠ هذا من جم سنه
وحطيته لمده ١٠ اشهر بس
اما اخوي سوى تقويم فك علوي وسفلي بس اسنانه شوي متلخبطين اب ٨٠٠
وبنت خالتي سوت تقويم عنده لان فيها فتحه من جدام بس مادري جم السعر
لانها حطت التقويم اول شي بالثريا عقب خربو اسنانها وصارو جنهم وصخين حرام ماكانت تاكل كله لايعه جبدها فقلتلها روحي الحكمه عند لايجو زكريا بالفروانيه وراحت وحطته وشالته اب سنه
انا انصحج فيها وبشده والدكتور شاطر ويسوي خصم
وموفقه حبيبتي *

من عندها رقمهم ؟؟

هلاحبوبه
انا الحين اعالج بالحكمه بس فرع حولي بمجمع حولي بلازا من قال رخيصه العياده لاغلطانه اختي انا مو حاطه تقويم تلبيس وزراعه ضرس واحد وللحين ماخلصت دافعه اكثر من 1000 بس صراحه انا جربت وايد بس مارتحت الا عند د.خالد صج شاطر
وموفقه

الموضوع قديم بس بقول تجربتي

رحت ويا اختي اليوم حق الحكمة اللي ببلازا حولي اختي كانت داقه عليهم قبل ما تجي قالوا الاستشارة مجانية وبدون موعد يوم رحنا صج دخلنا على طول بس خذوا 10 مادري 15 دينار يقولون الاستشارة مو مجانية منو قال

والدكتور هندي نسيت اسمه .. عاد اختي اسنانها زينة بس عندها فتحة تبي تسكرها بس من فوق يعني توقعنا انها بسيطة واهي اول ما جت قالها الدكتور صفت اسنانج مرتبة وجذي المهم قال بنركب تقويم فوق وتحت ب 1300 بعد الخصم لانه بيت التمويل لهم خصم 20 % بس مادري ليش مارتحت للعيادة ولا للدكتور حسيته غشيم والعيادة خربطوا باسمنا مع مريض ثاني وعطونا حساب غير ليما انا قريت الملف اللي بايد الموظفة مو ملفنا يعني مادري حسيت شغلهم اي شي

انا باكتب رايي يمكن البنات اللي يبون يتعالحون يستفيدون بصراحة انا بقول تحربتي مع الحكمة انهم شطار وما عليهم وخصوصا دكتور صفوت بس ماادري شنو بقية اسمه بس للامانة محترم ويراعي المرضى واسعار نااار بصراحة بسس ترا دكتور صفوت مايسوي تقويم بس علاج عصب وحشوات بس ممتاز .