|
|
بتقديم الشكر و الثناء
لمشرفاتنا العزيزات
نفيشه
لمنحي وسام عضوة متميزة
وبصراحة الكلمات لا توفي حقكم من الشكر
لجهودكم المبذولة في الارتقاء بالقسم
وتقديم الحلول العقلانية لطالبي الحلول.
كذلك أشكر جميع رواد القسم العزيزات
داعية الله
أن يبارك بصحتهم
وأعمارهم وأزواجهم وذرياتهم ويرزق الغير متزوجة بالزوج الصالح و الحمولة الطيبة
هالموضوع ف بالي من فترة طويلة بالاضافة للكثير من المواضيع
لكن مشكلتي الأزلية (في الواقع و النت)
التأجيــــل
وبتكلم فيه عن:ملابس البيت
ليش صارت ملابس البيت عند البعض مصطلح يطلق على كل ماهو واسع وألوانه باهتة أو شبعت من ارتدائه خارج المنزل؟
ليش اذا شريتي شي وما عجبج تقولين بخليه للبيت!
ليش دراريع 1.5صارت زي البيت الرسمي؟
ليش البيجامة اللي تنامين فيها تظلين فيها طول اليوم؟
ليش ندفع بكل سعادة وفخر علشان بدلة عرس 700 دينار وألبسها 4ساعات ونستخسر ربع هالمبلغ
لشراء مجموعةمن ملابس البيت؟
((تذكرت مقولة:المرأة لا تتجمل للرجل بل نكاية بالمرأة!!))
التنويع حلو في اختيارنا لملابس البيت
مرة نلبس الدراريع سواءا الفخمة او الساتان
مرة ترينغات مرة جينز وتي شيرت
مرة فستان قصير
مرة بدلة من بدل الطلعة الفخمة
ولبس الصبح غير بعد الظهر غير البعد المغرب
بين فترة وثانية روحي اخذي جم قطعة جديدة للبيت
اقترح عليج
محلات بو5- النقرة ج
زارا
سنتر بوينت
نيكست
الجميع-دراعات ساتان
اسعارهم حلوة وقصاتهم مرتبة
انا مااقول طول الوقت فخامة ودراعات انسام!
نفس المسلسلات
لأ بس التغيير و التنويع بالستايل مطلوب وممتع
وكل وحدة أخبر بجسمها
وعيوبه ومميزاته
وشنو الأشياء اللي تخشها والأشياء اللي تبرزها
وتختار الموديل واللبس المناسب
نحاول نتجنب الألوان الغامجة لأنها توحي وتدعو للكآبة
بعكس الألوان الفاتحة و الفرايحية
تحسس اللي يرتديها و اللي يشوفها بالفرح والانتعاش
ولا تنسين الشحاطات والشباشب وحتى الكعوب العالية
فعلا تحسس بالأنوثة والمرح
الرجاء عدم الرد حتى اكتمال الموضوع.gif "Eh S(14)")
يصلح لذوات الزنود بدل لبس الحفر
والقصة تحت الصدر تساعد في حالة السمنة على اعطاء مظهر نحيف
(عندي مثله الارنوب!)طفولة متأخرة
حلو الصبح فوق لبس النوم فترة الريوق
وأذكركم
بتعويد بناتكم
على حب اللبس الحلو
وعالذرابة والأناقة
ولا لابسين جوتي المدرسة لازم يتعودون على ان لكل مكان لبس خاص فيه)
ناطرة اراؤكم وتعليقاتكم واضافاتكم
لاثراء الموضوع
بس انا باليوم ابدل4مرات فالبيت طبعاااا البجامه غير ولبس الطبخ غير والعصر تيشرت وجنز وباليل قصير بس بصراحه مو كل يوم على حسب المزاج وبالاخص اذا تهاوشت معاه ارفع ضغطه خخخخخخخخخخخخخخخخخخخ
يسلموووو
اشكرج عالموضوع ..
بس انا اقول الحين البنات مو نفس بنات قبل
ماشاء الله عالبنات كل شي يديد يسونه ولا
والاهم صار عندهم الريال والاهتمام فيه
واي شي يديد يخلونه للبيت ..
وهاذا اللي لاحظته في بنات ديردتي وبنات المنتدى ..
بالنسبه للموضوع ..
والله صدقتي مادري ليه لبس البيت يصير اسوء شي من ناحية اللون او الشكل ..
التغيير حلو ..اصلا الواحد يمل كله نفس الشكل دراريع فخمه مثلا طووووووول الايام
والبساطه حلوه اكييد ..
وانتي كتبتي نقطه مهمه بالنسبه للبنات صحيح لازم نعودهم ان لكل مكان له لبس معين
تعبت مع بنوتي اعلمها ان لكل طلعه لها لبسها بالموت تقتنع
دمتي متميزه ومبدعه
* قاعده: اللي تنامين فيه ما ينلبس بالبيت …و اللي ينلبس بالمطبخ دربه سله الغسيل … و شكرا.
تستاهلييين ومنهااا للعلى انشاءالله
موضوعج حلو واختيارج له احلى وانت كلج حلى
صح كلامج انا احب اغير في لبسي وانا في البيت بعد شعري على حسب البس مثلا اذا تريننغ ارفع شعري عنقوص
.gif "Eh S(9)")
صح كلامج الواحد لازم يغير استايله مايقعد علي وتيره وحده
لوووووووووووووووووووووووول مو ناقصين بعد رياييلنا بعد علي طريف
أولاً : ألف مبروك ولو انها متأخره وايد واستحقيتي الوسام بجداره
ثُانياً : متابعة لمشاركتاتج وردودج العقلانية دائماً
ثالثاً : مشكورة عالموضوع المفيد وبانتظار كل يديد منج
مودتي
و الحين اللبس الحلو بكل مكان و مو غالي عندج اويشو و اتش اند ام و ماركس اند سببنسر وايد شغلات حلوة
و عندج سايت أولد نافي فيه سوالف بلايز علاق و جنزات شورتات و تنانير قصار حلو و رخيص
امس سويت انقلاب على لبسي
جان اقوم اغير من بجامه عاديه الى جينز سكيني وبدي ضيج
وزوجي دخل البيت وانصدم من اللوك لانه مو متعود بس قال كثري من هالشغلات حلوه عليج