|
|
خواتي ساعدوني عيالي يالهم العنقز (الجدري المائي ) وانا مسافره مصر وحامل يعني مو وقته فهل يضر العنقز بالبيبي وانا بالرابع علما اني طلعت منه من زمان يعني تحصنت منه
اوالي صارلها نفس مشكلتي او سمعت ان وحده حامل وعيالها تعنقزوا ماصار للبيبي شي الله لايقوله تريحني لان ناس تقول ياثر بعديهم عنج ياربي شسوي هذول عيالي وين اوديهم وانا مسافره احس حرام متعلقين فيني
والله يساعدج يا قلبي ويعينج
لان انا مثلج كنت بالشهر الرابع وعيالي صار فيهم عقنقز كلهم وسالت الدكتوره ياثر على البيبي؟ قالت كلشي على الله صاجه.. والحمدالله ماصار شي لاتحاتين حبوبه ان شالله ماكو الا العافيه
و مدام انتي يايلج من قبل فانتي بأمان صدقيني و بعدين اهم يخافون على الجنين اكثر شي بالاشهر الثلاث الاولى وانتي الحين بالرابع ان شاء الله ماكو شي لا تحاتين
انا اعرف وحده تقول ان انا كنت فاعده مع عيال اختي بالشاليه
وفيهم عقنقز المهم تقول لما ولدت الدكتوره تقول
جابت ولد ارفنا ناشيله <<< يعني لاعت جبدها منه
الحمد لله والشكر مقضض
بس ياساره ديور صراحه ضيقتي خلقي شنو مقضض اي شهر كانت
لا تتهاوننون ياجماعة الخير
انا اذكر عيالي عنقزو واختي حامل باول الاشهر ولما كلمنا الطبيب قال مو زين بس كانت قاعده معانا والحمد الله ولدت وماصار شي
بس اذا تبين علاج سريع عندج البحر وفي مستوصف البريطاني اللي بالمنقف عنده ابره للحصبه باسبوع تروح وعلى فكره ترى العنقز مايعدي الا اذا بروح يعني اذا بدايته عادي
والله يحفظج انتي وعيالج
ودايم اقول بسم الله الذي لايضر مع اسمه شي في الارض ولا في السماء وهو السميع العليم احسه يريحني
و ان شاء الله ماكو الا العافيه .. و الله يهون عليج .
أنا كنت حاملوبالشهورالأولى وعنقزوا عيالي وخفت وارتعبت ، ، ،
وسيده سألت أمي هل عنقزت وأنا صغيرة ؟
فقالت لي:
إي عنقزتي 
لأن الجدريالمائي ( العنقز ) إن حاشج مرة خلاص ماراح يرد لج ويصير
عندج مناعة