عندي مشكله تخص ولدي بالمدرسه , وموعارفه شلون اتصرف

السلام عليكم ورحمة الله وبركاته

شخبااركم حبايبي ..

انا عندي موضوع مكدرني وموعارفه شلون اتصرف ,, السالفه تخص ولدي باولى ابتدائي

الاسبوع الي فات رد من الدرسه وشفت شعره مقصوص واستغربت وقالي هذا واحد معاي بالمدرسه شاف قلمه تحت كتابي
وقال انت بايق قلمي وقام وقص شعره بالمقص وقالي الابله بس هاوشته وماحولته على الاداره ..

وسكت على السالفه وقت شطانة يهال وقلت عادي

لكن الموضوع ماخلص قبل امس واحد من الي بصفه مشخ ويهه وايده بالحصه والابله ماسوت شي

واليوم اثنين بعد من الي بصفه تهاوشوا وياه وانا الي قاهرني ولدي مارد عليهم وسكت

والمسكين متغير ومتضايق . وتغير كثير ..

واهو اسم الله عليه شاطر ووانا بصراحه خايفه عليه يكره المدرسه ويتركها , لانه في كثير يهال يكرهون المدرسه من الشياطين الي فيها

اخاف اروح للاخصائيه وماتسويلهم شي وتقولي شي عادي

شنو تنصحوني فيه ؟ ..

ليش تخافين تروحين للأخصائيه ؟؟ .. لا يالغاليه روحي لها وكلميها .. وان قالت عادي روحي مره ثانيه وكلمي الوكيله .. والناظره …
خل ينتبهون للولد انه قاعد ينطق .. الحين حبوبه الصبيان اللي بصفه شافو انه مايرد ومأدب .. كل شوي بيطقون فيه .. حرام .
روحي وكلميهم واتخذي موقف وتابعيهم واتصلي وتواصلي معاهم باستمرار ..
الله يحفظه ويصلحه يارب ..

بالضبط ماكنت اريد قوله

حبيبتي سكوتج على هالتصرفات اللي يتصرفونها اليهال مع ولدج ظلم روحي المدرسة ولا تسكتين مع ان المفروض انج رايحة من اول ماقص شعر ولدج حرام عليه يدقره جدام اليهال حتى لو شطانه كل شي له حد

روحي ولاتخافين من احد راعي الحق عمره مايخاف الله يعينج ويعين وليدج على هاليهال

اول شي علميه ياخذ حقه بيييييييده ..
تالي روحي حق الاخصائية لأن ولدج بيكبر ويصير مستضعف والصبيان جذيه يا طاق يا مطقوق فانتي علميه ما يعيل على غيره بس لي انطق يقدر ياخذ حقه

كنت كاتبه نفس موضوعج بالضبط
تخيلي جذيه ولدي رجع من المدرسه ولا شعره منتف

حبيبتي روحي عند الاخصائيه ضروري
علشان مصلحه ولدج
لاتسكين عن الوضع

انا كل اسبوعين ارووح عن الاخصائيه اسألها عن ولدي

مشكوورين حبايبي على المرور والرد

الحمدلله رحت اليوم الاخصائيه وورتهم الشغل

وقدرت احل الموضوع .. يعطيكم العافيه والله يوفق عيالنا ويستر عليهم ..

عفيه عليج .. أم كفوووو

وااااااااااااااااااااي اشوه انج حليتي المشكله شنو مقص وقص شعر بالمدرسه شسالفه فاتحين صالونات بالمدرسه ؟؟؟؟ وبعدين جنى السالفه عاديه عندكم اكثر من ام قالت قصو شعر ولدي انا منج اخذ المقص واروح اقص شعر الناظره افنتق بشعرها والا تاخذ حق ولدي من الطلبه والمدرسات والا اروح المنطقه التعليميه

أنا لو منج طلبت ولية أمر الطالب اللي قص شعر ولدي + الناظرة علشان تأدبين الأبله والطالب الدنيا مو فوضة …… وهل الاله الحادة بهذا العمر وبشنط الصبيان مو غلط.

ريماان ههههههههههههههههه حلوة تقصين شعر الناظرة
وين قاعدين ومنين له المقص اصلاااااااااا
جان ناديتي الولد وهاوشتيه انتي قلتي له ان مديت ايدك على ولدي كسرتها لك

اليهال اللي ما يعرفون يدافعون عن نفسهم يبيلهم دوره كاراتيه وكونغ فو والجودو وكل الفنون القتاليه عشان يستخدمها وقت الضرووووره … انا اعلمكم على شغله <– والله خوش ام الموهم اول شي علميه شلون يعصب جدام اللي يطقه وبعدين يقوله اراويك ثاني شي اييب اقرب شي يمه و شكله ماتادب هم يبيله شغل اللي طقه وبعدين الين يستسلم الولد ويقوووله له آآآآآآآآآسف والله ماكررها واخيرا وليش اخرا يقول حق الصف اوووص لاتعلمووون انى طقيته هااا اشرايكم بدرس اليوم بالفنون القتاليه ؟؟؟ انشالله الكل استفاد

روحي اشتكي واطلبي منهم ينقلون الاولاد اللي حاطين عليه الى صف ثاني او يغيرون صف ولدج .. صارت عندنا بالمدرسه ولد معروف بشطانته مشقق دفاتر ولد شاطر بالصف اهله اشتكوا عليه قاموا انقلوه من الصف .. والفال ينتقل من المدرسة هو واخوه ونفتك منهم حتى امهم عوووووووووووبه عيالها طالعين عليها ..

مشكووورين حبايبي على المشاركه والمؤازره

ريماان عجبتني فكرتج صراحه فكره مش بطاله

ماكو الا جذي عشان الواحد يدافع عن نفسه ..

, صراحه الوحده من يروح ولدها ولابنتها المدرسه ايدها على قلبها وتحاتي

من كثر مانسمع من هالمصايب …

الله يحفظ عيالنا يارب ويستر عليهم ..